ޑެޕިއުޓީ ގަވަރުނަރަށް އެމްއެމްއޭގެ އެއްވެސް ސިސްޓަމަކަށް ނުވަދެވޭ ގޮތް ހަދައިފި

އެމްއެމްއޭގެ ޑެޕިއުޓީ ގަވަރުނަރު، އަހުމަދު އިމާދު؛ އެމްއެމްއޭގެ އެއްވެސް ސިސްޓަމަކަށް ނުވަދެވޭ ގޮތް ހެދީ ޗާޕު ކުރުމާ އެނާ ދެކޮޅު ހައްދަވާފައި ވަނިކޮށް -- ފޮޓޯ: އެމްއެމްއޭ

އެމްއެމްއޭގެ ޑެޕިއުޓީ ގަވަރުނަރު، އަހުމަދު އިމާދު؛ އެމްއެމްއޭގެ އެއްވެސް ސިސްޓަމަކަށް ނުވަދެވޭ ގޮތް ހެދީ ޗާޕު ކުރުމާ އެނާ ދެކޮޅު ހައްދަވާފައި ވަނިކޮށް -- ފޮޓޯ: އެމްއެމްއޭ

މޯލްޑިވްސް މަނިޓަރީ އޮތޯރިޓީގެ ޑެޕިއުޓީ ގަވަރުނަރު، އަހުމަދު އިމާދު އެ މަގާމުގައި ހުންނަވައިގެން އަދާ ކުރައްވަންޖެހޭ ގާނޫނީ ވާޖިބުތައް އަދާ ކުރުމަށް ހުރަސްއެޅޭ ގޮތަށް އޭނާއަށް އެ އޮތޯރިޓީގެ އެއްވެސް ސިސްޓަމަކަށް ނުވަދެވޭ ގޮތް ހަދައިފި އެވެ.

އެމްއެމްއޭގެ ތެރެއިން، ނަން ނުޖަހަން ޝަރުތުކޮށް އަދަދު އާ ވާހަކަ ދެއްކި އެތައް މަސްދަރަކުން ވަނީ އެކަން ކަށަވަރުކޮށްދީފަ އެވެ. އެމްއެމްއޭގެ ސިސްޓަމްތަކުގެ އެކްސެސް ކަނޑާލައި އެ ބޭންކުގެ އެއްވެސް މައުލޫމާތެއް އޭނާއަށް ނުލިބޭ ގޮތް ހެދީ ފައިސާ ޗާޕު ކުރުމާ އޭނާ ދެކޮޅު ހަދައި، އެމްއެމްއޭއަށް ހުޅުމާލެއިން ބިން ގަންނަން އެ އޮތޯރިޓީން ނިންމި ނިންމުން ރިވިއު ކުރަން އޭނާ ހިމެނޭހެން ތިން މެންބަރަކު ހުށަހަޅާފައި ވަނިކޮށެވެ.

އަދަދު އަށް މައުލޫމާތު ލިބިފައިވާ ގޮތުގައި 14 ބިލިއަނަށް ހުޅުމާލެއިން ބިމެއް ގަންނަން އެމްއެމްއޭގެ ބޯޑުން ނިންމި ޖަލްސާގައި އިމާދު ބައިވެރިނުވެ އެވެ.

އެކަން އެހެން އޮއްވައި، ސަރުކާރު ހިންގާ ޕީއެންސީން ވަނީ ޑެޕިއުޓީ ގަވަރުނަރުކަމުން އިމާދު ވަކި ކުުރުމަށް ރައްޔިތުންގެ މަޖިލީހަށް މައްސަލަ ވެސް ވައްދައިފަ އެވެ. ދިއްދޫ ދާއިރާގެ ޕީއެންސީ މެންބަރު، އަބްދުލްލަތީފް މުހައްމަދު ހުށަހަޅުއްވާފައި އޮތީ އެމްއެމްއޭގެ ޑެޕިއުޓީ މޭޔަރުކަމުގައި ހުންނަވައިގެން އަދާ ކުރަންޖެހޭ ޒިންމާތައް އިމާދު އުފުލާފައި ނުވާތީ އޭނާ އެ މަގާމުން ވަކި ކުރަން ފެންނަ ކަމަށް މަޖިލީހުން ފާސްކޮށްދިނުމަށް އެދި އެވެ.

އިމާދުގެ ގާނޫނީ ޒިންމާތައް އަދާ ކުރުމަށް ހުރަސް އަޅާފައިވާއިރު، އެމްއެމްއޭގެ ތެރެއިން ނޫސްވެރިންނަށް މައުލޫމާތު ދޭ މީހުން ހޯދުމަށް އެތެރޭގެ ތަހުގީގެއް ކުރަމުންދާކަން ވެސް މި ނޫހަށް ވަނީ އެނގިފަ އެވެ.

އެމްއެމްއޭގެ ބޯޑުން ނިންމީ 14 ބިލިއަނަށް ވުރެ ގިނަ ރުފިޔާއަށް ހުޅުމާލެ ދެވަނަ ފިޔަވަހީގައި ހިމެނޭ އާބަން އައިލް އިން 20 ހެކްޓަރުގެ ބިން ގަތުމަށެވެ. ނަމަވެސް އެމްއެމްއޭގެ ރިޒާވް ފައިސާގެ ގޮތުގައި އެހައި ފައިސާއެއް ނެތެވެ. އެހެންކަމުން ހުޅުމާލެއިން ބިން ގަންނެވޭނީ ނެތް ފައިސާ އުފައްދައިގެންނެވެ. އެއީ ފައިސާ ޗާޕު ކުރުމެވެ.

އެ ބިން ގަތުމަށް އެމްއެމްއޭ އިން މިހާރު ވަނީ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އަށް ރަސްމީ ސިޓީއެއް ފޮނުވާފަ އެވެ. މި ސިޓީއާ ގުޅިގެން އެޗްޑީސީން ވަކި ގޮތެއް ނިންމާފައިވާކަން އެ ކުންފުނިން ކަށަވަރުކޮށްދީފައެއް ނުވެ އެވެ.

މި އިންވެސްޓްމަންޓުގެ ބޭނުމަކީ ދައުލަތުގެ މާލީ ހާލަތު ގޯސްވަމުންދިޔުމާއެކު ދައުލަތުގެ ހަރަދުތައް ދެކޮޅު ޖެއްސޭނެ ގޮތެއް ހޯދުން ކަމަށްވެ އެވެ.

އެމްއެމްއޭއިން މި ވަރުގެ ބޮޑު އިންވެސްޓްމަންޓެއް ކޮށް އެ ފައިސާ އެޗްޑީސީން ރާއްޖޭގެ ބޭންކަކަށް ޖަމާކުރުމާއެކު އެ ބޭންކަކުން ލޯނުގެ ގޮތުގައި ދޫކޮރުވޭ އަދަދު ބޮޑުތަކުން އިތުރުވާނެ އެވެ. ސަރުކާރުގެ މަގުސަދަކީ ބޭންކަށް ބޮންޑު ވިއްކައިގެން އިތުރު ދަރަނި ނަގާ ހަރަދުތައް ދެކޮޅު ޖެއްސުން ކަމަށް ތަޖުރިބާކާރުން ބުންޏެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox