ލިވަޕޫލުން ޕީއެސްޖީ ބަލިކުރިއިރު، ބާސެލޯނާ އާއި ބަޔާނުން ފައިދާނަގައިފި

Mar 5, 2025, 10:32 PM
ލިވަޕޫލްގެ އެލިއަޓް ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: ގެޓީއިމޭޖަސް

ލިވަޕޫލްގެ އެލިއަޓް ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: ގެޓީއިމޭޖަސް

ޕެރިސް (މާޗް 6) - ޗެމްޕިއަންސް ލީގުގެ ގަދަ 16 ބުރުގައި، ފަހު ވަގުތު ލިވަޕޫލުން 1-0 އިން ޕީއެސްޖީ ބަލިކުރިއިރު، ބާސެލޯނާ އާއި ބަޔާން މިއުނިކުން ވެސް ފުރަތަމަ ލެގު ކާމިޔާބުކޮށް ފައިދާނަގައިފި އެވެ.

އަމިއްލަ ދަނޑުގައި ބަޔާނުން 3-0 އިން ބަޔާ ލެވަކޫސަން ބަލިކުރިއިރު، ބާސެލޯނާ އިން ރަށުންބޭރުގައި ކުޅުނު މެޗުގެ ބޮޑުބައި ކުޅުންތެރިއަކު މަދުކޮށް ކުޅުނު ނަމަވެސް، 1-0 އިން ވަނީ ބެންފީކާ ބަލިކޮށްފަ އެވެ.

ޕެރިހުގައި ލިވަޕޫލުން ކުޅުނު މެޗުގައި ގިނަ ވަގުުތު ބޯޅަ ހިފަހައްޓައިގެން، މެޗު ޑޮމިނޭޓްކޮށް، ޕީއެސްޖީން ރަނގަޅު ހަމަލާތަކެއް ފޮނުވާލި އެވެ. އެކަމަކު، އެ ބޯޅަތައް ހުއްޓުވުމުގައި ލިވަޕޫލްގެ ކީޕަރު، އެލިސަން ބެކާ ވަނީ މޮޅު ކުޅުމެއް ދައްކައިފަ އެވެ. މެޗުގައި ޕީއެސްޖީން ފޮނުވާލި ރަނގަޅު ނުވަ ޝޮޓެއް އެލިސަން މަތަކުރި އެވެ.

Advertisement

މި މެޗުގައި، ޕީއެސްޖީގެ ކްވިޗާ ކްރަވަޝްކޭލިއާ ޖެހި ގޯލެއް ވީޑިއޯ އެސިސްޓަންޓް ރެފްރީ (ވީއޭއާރް) އިން އޮފްސައިޑް ކަމަށް ނިންމިއިރު، ލިވަޕޫލްގެ ޑިފެންޑަރު، އިބްރާހިމާ ކޮނާޓޭ އެންމެ ފަހަތުގައި ހުރެފައި، ޕީއެސްޖީގެ ބްރެޑީ ބާކޮލާ އަށް ފައުލުކުރި ކަމަށް ބެލެވޭތީ، ވީއޭއާރް އިން ޔަގީންކުރުމަށް ފަހު ނިންމީ ފައުލެއް ނޫން ކަމަށެވެ.

ލިވަޕޫލް މެޗުން މޮޅުވީ، ބަދަލަކަށް ކުޅެން އަރައި، ލިބުނު ފުރަތަމަ ބޯޅައިން މެޗުގެ 87 ވަަނަ މިނިޓްގައި ހާވީ އެލިއަޓް ޖެހި ގޯލުންނެވެ. ބަދަލަަކަށް ކުޅެން އެރި ޑާވިން ނޫނޭޒް ދިން ބޯޅަ އެލިއަޓް ވަނީ ޕީއެސްޖީގެ ކީޕަރު، ޖިއަންލުއީޖީ ޑޮނަރުންމާ އަތުގައި ޖައްސާފައި ގޯލަށް ވައްދާލައިފަ އެވެ.

މިއީ، ޕީއެސްޖީ ދަނޑުގައި އެ ޓީމާ ދެކޮޅަށް ކުޅުނު ތިން މެޗުން ލިވަޕޫލް މޮޅުވި ފުރަތަމަ ފަަހަރެވެ. މި ދެ ޓީމު އަންނަ ހަފްތާގައި ދެ ވަނަ ލެގުގައި ލިވަޕޫލް ދަނޑުގައި ބައްދަލުކުރާނެ އެވެ.

ބެންފީކާ ދަނޑުގައި ކުޅުނު މެޗުގެ 22 ވަނަ މިނިޓްގައި ބާސެލޯނާގެ 18 އަހަރުގެ ޑިފެންޑަރު، ޕައު ކުބަރްސީ އަށް ވަނީ ސީދާ ރަތް ކާޑެއް ދައްކައިފަ އެވެ. މެޗުން ބާސެލޯނާ މޮޅުވި ގޯލު ޖެހީ ދެ ވަނަ ހާފުގައި އޭރިއށާބޭރުން ފޮނުވާލި ޝޮޓަކުން ރަފީނިއާ އެވެ.

އަމިއްލަ ދަނޑުގައި ކުޅުނު ބަޔާނަށް ފުރަތަމަ ލަނޑު، ހެރީ ކޭން ޖަހައިދިނީ އޭރިއާތެރެއަށް އައި ބޯޅައެއް ބޮލުން ގޯލަށް ފޮނުވާލައިގެންނެވެ. ބަޔާނުން ޖަމާލް މުސިއާލާގެ ގޯލުން ލީޑުނަގާފައިވަނިކޮށް، ލެވަކޫސަންގެ ނޯޑީ މުކިއޭލޭ އަށް ދެ ވަނަ ރީނދޫ ކާޑާ އެކު ރަތް ކާޑެއް ދެއްކި އެވެ. ލެވަކޫސަންގެ ކުޅުންތެރިއަކު މަދުވުމުގެ ފައިދާނަގައި، ބަޔާނުން ތިން ވަނަ ގޯލު ޖެހީ، 75 ވަނަ މިނިޓްގައި ޕެނަލްޓީ އަކުން ކޭން އެވެ.

ޗެމްޕިއަންސް ލީގުގެ ގަދަ 16 ބުރުގައި، އިންޓަ މިލާނުން ވަނީ ފުރަތަމަ ލެގުގައި 2-0 އިން ފެޔަނޫޑް ބަލިކޮށްފަ އެވެ. ނޮކައުޓް ޕްލޭއޮފްގައި އޭސީ މިލާން ކަޓުވާލި ފެޔަނޫޑް ކޮޅަށް އިންޓަގެ ގޯލުތައް ޖަހައިދިނީ މާކަސް ތުރާމް އާއި ލައުޓާރޯ މާޓީނޭޒް އެވެ. މި މެޗުގައި އިންޓަ އަށް ތިން ވަނަ ގޯލެއް ޖަހަން ލިބުނު ޕެނަލްޓީން އެ ޓީމުގެ ޕިއޮޓްރޭ ޒިއެލިންސްކީ ފޮނުވާލި ބޯޅަ ކާމިޔާބެއްނުވި އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox