ކެންޑިޑޭޓުންގެ ކެމްޕެއިން ބަޖެޓުގެ 90 ޕަސެންޓު ހަރަދުކުރަނީ ވޯޓު ގަންނަން: ދިރާސާ

އެންމެ ފަހުން ބޭއްވި މަޖިލިސް އިންތިހާބުގެ ވޯޓު ގުނުމުގެ މަސައްކަތް ކުރަނީ: އާންމު އިންތިހާބުތަކުގައި ބައެއް ދާއިރާތަކަށް 15 މިލިއަން ރުފިޔާ ކެމްޕެއިނަށް ހަރަދުކުރާ ކަމަށް ދިރާސާއިން ދައްކާ -- ފޮޓޯ: މިރާން ނާޝިމް/އަދަދު

އެންމެ ފަހުން ބޭއްވި މަޖިލިސް އިންތިހާބުގެ ވޯޓު ގުނުމުގެ މަސައްކަތް ކުރަނީ: އާންމު އިންތިހާބުތަކުގައި ބައެއް ދާއިރާތަކަށް 15 މިލިއަން ރުފިޔާ ކެމްޕެއިނަށް ހަރަދުކުރާ ކަމަށް ދިރާސާއިން ދައްކާ -- ފޮޓޯ: މިރާން ނާޝިމް/އަދަދު

ރައްޔިތުންގެ މަޖިލީހުގެ އިންތިހާބުތަކުގައި ވާދަކުރާ ކެނޑިޑޭޓުންގެ ކެމްޕެއިން ބަޖެޓުގެ 75 ޕަސެންޓާއި 90 ޕަސެންޓު ފައިސާ ހަރަދުކުރަނީ އާންމުންގެ ވޯޓު ގަންނަން ކަމަށް ދިރާސާ ރިޕޯޓަކުން ދައްކައިފި އެވެ.

އަމިއްލަ ޖަމިއްޔާއެއް ކަމުގައިވާ, ވެސްޓްމިނިސްޓާ ފައުންޑޭޝަން ފޯ ޑިމޮކްރެސީ (ޑަބްލިޔުއެފްޑީ) އިން ހެދި "ކޮސްޓް އޮފް ޕޮލިޓިކްސް" ދިރާސާގައިވާ ގޮތުގައި ހުރިހާ އިންތިހާބެއްގައިހެން ވޯޓު ގަތުމުގެ ކަންކަން ވަރަށް ފުޅާކޮށް ހިނގަ އެވެ.

އެ ގޮތުން އިންތިހާބުތަކުގައި ވާދަކުރާ ކެނޑިޑޭޓުން, ޕާޓީތަކުގެ ޓިކެޓު ހޯދަން ބާއްވާ ޕްރައިމަރީތަކުގައި ދެ ލައްކަ ރުފިޔާ އާއި ފަސް ލައްކަ ރުފިޔާއާ ދެމެދުގެ އަދަދެއް ހަރަދުކުރެ އެވެ. އަދި އާންމު އިންތިހާބުތަކުގައި ދެ މިލިއަނާއި ފަސް މިލިއަނާ ދޭތެރޭގެ އަދަދެއް ހަރަދުކުރެ އެވެ. ބައެއް ދާއިރާތަކުގެ އިންތިހާބުގައި 15 މިލިއަން ރުފިޔާއާ ހަމައަށް ހަރަދުކުރާ ކަމަށް ވެސް އެ ރިޕޯޓުގައި ވެ އެވެ.

Advertisement

ކެމްޕެއިން ބަޖެޓުގެ ތެރެއިން ބޮޑު ބަޔެއް ވޯޓު ގަންނަން ހަރަދުކުރާއިރު, ކޮންމެ ވޯޓެއްގެ "މާކެޓު ރޭޓް" އަކީ 5,000ރ. ކަމަށް ދިރާސާގައި ވެ އެވެ. މިހެން ހަރަދުކުރާއިރު ސީދާ ނަގުދު ފައިސާ ދިނުމާއި ބިލުތައް ދައްކައި ދިނުމާއި ދަތުރުކުރަން ހަރަދުކުރުމާއި ގޭތެރޭގައި ގެންގުޅޭ އެޕްލަޔަންސްތައް ވެސް ހިމެނެ އެވެ.

ކެމްޕެއިނުތަކުގައި ހަރަދުކުރާ ފައިސާގެ ތެރޭގައި އަމިއްލަ ފައިސާ އާއި ވިޔަފާރިތަކުން ދޭ ޑޮނޭޝަންތައް ހިމެނެ އެވެ. އޭގެ އިތުރުން ކުށްކުރާ މީހުންގެ ތެރެއިންނާއި ބޭރުގެ ފަރާތްތަކުން ވެސް ކެމްޕެއިންތަކަށް ހަރަދުކުރާ ކަމަށް ތުހުމަތުކުރެވޭ ކަމަށް އެ ދިރާސާއިން ދައްކަ އެވެ.

މިހެން ހޯދާ ފައިސާގެ ތެރޭގައި ނުރަސްމީ ލޯނުތައް އާންމު ކަމަށާއި, މިހެން ނަގާ ލޯނުތައް ނަގަނީ އޭގެ މުގާބިލުގައި ސަރުކާރުގެ ކޮންޓްރެކްޓުތަކާއި އެހެން ބައެއް ކަންކަން ކޮށްދޭން އެއްބަސްވެގެން ކަމަށް ވެސް އެ ރިޕޯޓުގައި ބަޔާންކޮށްފައި ވެ އެވެ.

މަޖިލިސް އިންތިހާބުގެ ކެންޑިޑެސީ ހޯދަން ބާއްވާ ޕްރައިމަރީތަކުގައި ޕާޓީތަކުގެ ވެރިންގެ ނުފޫޒު ވަރަށް ބޮޑު ކަމަށް ވެސް ޑަބްލިޔުއެފްޑީން ބުނެފައިވެ އެވެ. އަދި ސަރުކާރު ހިންގާ ޕާޓީން މަޖިލިސް އިންތިހާބު ކާމިޔާބުކުރާއިރު, މި އިންތިހާބުތަކުގައި ދައުލަތުގެ ވަސީލަތްތައް ބޭނުންކުރުން ވެސް އާންމު ކަމަށް ހޯދުންތަކުން ދައްކަ އެވެ.

ޑަބްލިޔުއެފްޑީގެ މި ދިރާސާއަކީ ރާއްޖޭގައި ހުންނަ އިނގިރޭސިވިލާތުގެ ހައި ކޮމިޝަނުގެ އިންޓަގްރޭޓަޑް ސެކިއުރިޓީ ފަންޑުން ފަންޑުކޮށްގެން ހަދާފައިވާ ދިރާސާއެެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox