ހުލާސާކޮށް އިއްޔެ: އިސްރާފެއް; ބޮކިފަތި ދަމަން ރަށަކަށް 777،777ރ، ޖުމުލަ 28 މިލިއަން

Feb 21, 2025, 1:09 AM
މިދިޔަ އަހަރު އީދަށް ލައިޓްތައް ބޭނުން ކޮށްފައި: މި އަހަރު އީދަށް ލައިޓްތައް ގެންނަން 28 މިލިއަން ރުފިޔާ އިތުރަށް ހަރަދު ކުރަނީ -- ފޮޓޯ: ސޯޝަލް މީޑިއާ

މިދިޔަ އަހަރު އީދަށް ލައިޓްތައް ބޭނުން ކޮށްފައި: މި އަހަރު އީދަށް ލައިޓްތައް ގެންނަން 28 މިލިއަން ރުފިޔާ އިތުރަށް ހަރަދު ކުރަނީ -- ފޮޓޯ: ސޯޝަލް މީޑިއާ

މި އަހަރުގެ ފިތުރު އީދަށް 36 ރަށަކަށް ގެންނަ ލައިޓްތަކަށް އިތުރަށް 28 މިލިއަން ރުފިޔާ ހަރަދު ކުރާނެ ކަމަށް ލޯކަލް ގަވަމަންޓް މިނިސްޓަރު އާދަމް ޝަރީފް އިއްޔެ ވިދާޅުވި އެވެ.

އާދަމް ޝަރީފް ވިދާޅުވީ ފަހުން ވެސް ބޭނުން ކުރެވޭ ގޮތަށް އިތުރަށް ލައިޓްތައް ގެންނަނީ އަލަށް ލައިޓްތައް ފޮނުވަން ނިންމާފައިވާ ރަށްތަކަށް ކަމަށެވެ.

"އަޅުގަނޑުމެން މި ގެންނަނީ، މިސާލަކަށް މާލެއަކަށް އަޅުގަނޑުމެން ނުގެންނަން. ކުރިން ދިން ރަށްރަށަކަށް އަޅުގަނޑުމެން ނުގެންނަން. އަލަށް ގެންނަ ރަށްރަށަށް މި ގެންނަނީ އެނގޭތޯ. ގެންނައިރު އަޅުގަނޑުމެން މި އަހަރު 36 ރަށަށް ހަރަދުވާނެ ކަމަށް މި ބަލަނީ އެންމެ ގިނަވެގެން 28 މިލިއަން އެނގޭތޯ،" މިނިސްޓަރު ވިދާޅުވި އެވެ.

Advertisement

އެހެންވެ، ކޮންމެ ރަށަކަށް ޖެހެނީ 777،777ރ. އެވެ. މިއީ މަސައްކަތުގެ އަގަށް ބަލާއިރު ބޮޑު އަދަދެކެވެ.

އާދަމް ޝަރީފް ވިދާޅުވީ މި އަހަރު ފިތުރު އީދަށް ރައީސް ޑރ. މުހައްމަދު މުއިއްޒުގެ އިރުޝާދާ އެކު ކޮންމެ އަތޮޅަކުން އާބާދީ އެންމެ ބޮޑު ދެ ރަށަށް އީދު ލައިޓް ދިއްލުމަށް ބޭނުންވާ ވަސީލަތްތައް ފޮނުވަން ހަމަޖެހިފައިވާ ކަމަށެވެ.

މިގޮތުން ސްޓެލްކޯ އާއި ފިނޭންސް މިނިސްޓްރީއާ މަޝްވަރާ ކުރެވި އީދު ލައިޓްތައް ދިއްލުމަށް ރަށްރަށަށް ފޮނުވަން ޖެހޭ ވަސީލަތްތައް ހޯދުމުގެ މަސައްކަތް ކުރަމުންދާކަން އާދަމް ޝަރީފް ފާހަގަކުރެއްވި އެވެ.

"މިދިޔަ ފަހަރު އަޅުގަނޑުމެންނަށް އީދު ލައިޓް ފޮނުވުނީ މައިގަނޑު ގޮތެއްގައި އަތޮޅުތަކުގައި އަތޮޅު ވެރިކަން ކުރާ ރަށަށް. އެގޮތުން މިފަހަރު އަޅުގަނޑުމެން ކޮންމެ އަތޮޅެއްގެ ވެސް ދެ ރަށަކަށް އީދު ލައިޓް ފޮނުވަން،" މިނިސްޓަރު ވިދާޅުވި އެވެ.

"އަޅުގަނޑުމެން އަތޮޅުތަކުން ރަށްރަށް އިހުތިޔާރުކުރީ މިފަހަރު ކޮންމެ އަތޮޅަކުން ވެސް އަޅުގަނޑުމެން ކަނޑައެޅީ ދެ ރަށަކަށް އެ ފުރުސަތު ދޭން. އަދި އެ ދެ ރަށް އަޅުގަނޑުމެން އިހުތިޔާރުކުރީ އެ ދެ ރަށެއްގެ އާބާދީ އެންމެ ގިނަ އަދަދަށް ބަލައިގެން. އެހެންވީމަ އެގޮތުން ކަނޑައެޅުނު ރަށްރަށް މި ލިސްޓުގައި ހިމެނިފައިވާނީ."

އާދަމް ޝަރީފް ވިދާޅުވީ އީދު ލައިޓްތަކަށް ހަރަދުތަކެއް ހިނގި ނަމަވެސް، ރައްޔިތުންގެ ހިތްހަޖެހުމަށް އެފަދަ ހޭދަތައް ކުރުމަކީ ވަރަށް މުހިންމު ކަމެއް ކަމަށެވެ.

މިހާރު ލިބިފައިވާ އީދު ލައިޓްތަކަކީ އީދު ދުވަހުގެ އިތުރުން އެހެން މުނާސަބަތުތަކަށް ވެސް އޭގެ ބައިތައް ބޭނުން ކުރެވޭ ފަދަ ލައިޓްތަކެއްކަން އާދަމް ޝަރީފް ވަނީ ފާހަގަކުރައްވާފަ އެވެ.

ރައްޔިތުންގެ މެދުގައި ދީނީ އެއްބައިވަންތަކަމާއި އިސްލާމީ ރޫހު އާލާކުރަން ސަރުކާރުން ގެންގުޅޭ ސިޔާސަތުގެ ދަށުން މިދިޔަ އަހަރު ފިތުރު އީދަށް ސިޓީތަކާއި ވެރި ރަށްތައް ދިއްލާލުމަށް ދައުލަތުގެ ބަޖެޓުން 42.19 މިލިއަން ރުފިޔާ ހަރަދު ކުރި އެވެ.

ރަށްރަށް ގެންދާ ލައިޓްތަކަށް ލޯކަލް ގަވަމަންޓް މިނިސްޓްރީން ހަރަދު ކުރި ނަމަވެސް، އެ ތަކެތި ބަހައްޓައި ބަލަހައްޓަނީ ރަށްރަށާއި ސީޓީ ކައުންސިލްތަކުންނެވެ.

މުހިއްމު ބައެއް ހަބަރު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox