ކުޅިވަރު ޑިވެލޮޕްމަންޓް ޕްލޭނުގެ މަސައްކަތް ދަނީ ރަނގަޅަށް: ތަމޫހު

Feb 20, 2025, 9:32 AM
އޮލިމްޕިކް ކޮމިޓީގެ ސެކްރެޓަރީ ޖެނެރަލް ތަމޫހު.--- ފޮޓޯ: ހުސެއިން ވަހީދު / އަދަދު ސްޕޯޓްސް

އޮލިމްޕިކް ކޮމިޓީގެ ސެކްރެޓަރީ ޖެނެރަލް ތަމޫހު.--- ފޮޓޯ: ހުސެއިން ވަހީދު / އަދަދު ސްޕޯޓްސް

ރާއްޖޭގެ ކުޅިވަރުގެ 20 އަހަރުގެ ދުރުރާސްތާ ޕްލޭންގެ ކަންކަން ކުރަމުންދަނީ ސަރުކާރާއި މޯލްޑިވްސް އޮލިމްޕިކް ކޮމިޓީ (އެމްއޯސީ) ގުޅިގެން ކަމަށާއި މިހާތަނަށް ބަލާއިރު މީގެ އާ ގުޅޭ ކަންކަމުގެ މަސައްކަތުގެ ދުވެލި ދަނީ ރަނގަޅަށް ކަމަށް އޮލިމްޕިކް ކޮމިޓީގެ ސެކްރެޓަރީ ޖެނެރަލް ތަމޫހު އަހުމަދު ސައީދު (ތަމޫ) ވިދާޅުވެއްޖެ އެވެ.

ސަރުކާރާއި އޮލިމްޕިކް ކޮމިޓީ އަދި ސްޕޯޓްސް ކައުންސިލުން އިސްވެ، އެމެރިކާގެ، އިންޓަނޭޝަނަލް ކޯޗިން އެންރިޗްމަންޓް ސެޓިފިކެޓް ޕްރޮގްރާމް (އައިސީއީސީޕީ)ގެ އެހީތެރިކަމާ އެކު، މި ހެދި ރާއްޖޭގެ ކުޅިވަރުގެ ދުރުރާސްތާ ޕްލޭނުގައިވާ ގޮތުން، އެތުލީޓުންނަށް ރަނގަޅު ފެންވަރުގެ ތަމްރީން ދެމެހެއްޓެނިވި ގޮތެއްގައި ދިނުމުގެ ނިޒާމެއް ކަނޑައަޅާ ގޮތަށް ހިމަނާފައިވެ އެެވެ. އަދި ވީހާ ވެސް އަވަހަށް އެކި ކުޅިވަރުގެ ހުނަރުވެރި ކުދިން ހޯދައި، ރަނގަޅު ތަމްރީންތައް ދީ އެ ކުދިން ކުރިއެރުވުން ހިމަނާފައިވެ އެވެ.

މި ޕްލޭނުގެ ދުރު ވިސްނުމަކީ، ބައިނަލްއަގުވާމީ ބޮޑެތި ގޭމްސްތަކުން ރާއްޖެ އަށް މެޑަލް ހޯދޭނެ ވަރަށް ދުރާލާ އެތުލީޓުން ޑިވެލޮޕްކުރުމެވެ. އެ ގޮތުން، ޕްލޭނުގައި ކާމިޔާބު ހޯދުމުގެ ޓާގެޓެއްގެ ގޮތުން ހިމަނާފައިވަނީ، 2030 އާއި 2034 ގެ އޭޝިއަން ގޭމްސްގައި މެޑަލެއް ހޯދުމާއި 2036 އާއި 2040ގެ އޮލިމްޕިކްސް އިން ރާއްޖެ އަށް މެޑަލެއް ގެނެވޭތޯ އެ އަޒުމުގައި މަސައްކަތް ކުރުމެވެ.

Advertisement

އޮލިމްޕިކް ކޮމިޓީގެ އަހަރީ އާންމު ޖަލްސާ އަށް ފަހު ބޭއްވި ނޫސްވެރިންގެ ބައްދަލުވުމުގައި، ސުވާލަކަށް ޖަވާބު ދެއްވަމުން ތަމޫހު ވިދާޅުވީ މިނިސްޓްރީގެ ވެސް ޕްލޭން ހުރީ އޮލިމްޕިކް ކޮމިޓީއާ ގުޅިގެން ކުރުމަށް ކަމަށްވާތީ މި ކަމުގައި ވަރަށް ކައިރިން ބައިވެރިވަމުން އަންނަ ކަމަށެވެ.

"ފަސް އަހަރުން ސަރުކާރު ބަދަލުވަމުން މި ދަނީ، އޮލިމްޕިކް ކޮމިޓީ އަކީ ވެސް އިލެކްޓެޑް (އިންތިހާބީ) ބައެއް. އެކަމަކު، ސްޕޯޓްސް ކޮމިއުނިޓީ އަކީ އަބަދު އެކައްޗެއް ކިޔާ، އެއް މިސްރާބަކަށް ދާ ބަަޔަކަށްވާތީވެ، އޮލިމްޕިކް ކޮމިޓީގެ އިންވޯލްވްމަންޓް އެހާ ބޮޑުކޮށް ގެނައުމުން ވާ ގޮތަކީ، 20 އަހަރަށް އެކުލަވާލެވޭ ޕްލޭނެއް އެ ދާން ޖެހޭ މިސްރާބުން ދިއުމަށް، އެއީ، އޮލިމްޕިކް ކޮމިޓީ ބައިވެރިވާން ޖެހޭ ކަމެއް ކަމަށް ފެނޭ،" ތަމޫހު ވިދާޅުވި އެވެ.

އޭނާ ވިދާޅުވީ، އެ ޕްލޭނާ ގުޅޭ މަސައްކަތްތައް ވަރަށް ބާރަށް ކުރިއަށްދާ ކަމަށާއި ހުރިހާ އެސޯސިއޭޝަންތަކާ ބައްދަލުކޮށް، މައުލޫމާތު އެއްކުރުމުގެ މަސައްކަތްތައް ކުރިއަށްދާ ކަމަށެވެ.

"މި ވަަގުތު، ޑޭޓާ ކަލެކްޝަން ޕްރޮސަސް އެއް މި ދަނީ، ހަ ކޯ ޓީމެއް އުފެދި، އެ ހަ ކޯ ޓީމުން ހަ މަސައްކަތްތަކެއް ކުރަމުން މި ދަނީ، އެސޯސިއޭޝަންތަކަށް ބައެއް ފަހަރު އެބަ ފީލްވޭ ގިނަ މީޓިންތަކަކަށް އަންނަން ޖެހޭކަން. މި ގެންނަނީ، އެކި އޭރިއާސް އަށް އެކި މައުލޫމާތު ހޯދަން ވެގެން،" އޭނާ ވިދާޅުވި އެވެ.

ރާއްޖޭގެ ކުޅިވަރުގެ ޕްލޭން ހެދި ކޮންސަލްޓަންޓުން ވެސް ލަފާދީފައިވަނީ އެންމެ ފުރަތަމަ ކަމެއްގެ ގޮތުގައި މައުލޫމާތު އެއްކޮށް މި ވަގުުތު ދިވެހި ކުޅިވަރުގެ ކަންކަން ހުރިނެތް ގޮތް ދެނެގަނެ، އެ އަށް ފަހު ކުރިއަށް ދިއުން އެންމެ ރަނގަޅުވާނެ ކަމަށެވެ.

"ފުރަތަމަ ގަބޫލުކުރެވެނީ، ކޮންސަލްޓަންޓުންގެ ވެސް ވިސްނުމަކަށްވީ، ބޭސްލައިނެއް ކްރިއޭޓްކުރަން ޖެހެއޭ، ތިބި ހިސާބެއް އެބަ ޖެހެއޭ ބަލަން. ދެނޭ ކުރިއަށްދާނީ، އޭތި، މި ދަނީ މަސައްކަތް ކުރަމުން އެކުލަވާލުމަށް އެ އަށް ފަހު، ދުނިޔޭގެ އެކި ގައުމުތަކުގައި ވެސް ކުރިއަށް ގޮސްފައި ހުރި ޕްލޭންތައް ބަލައި އަޅުގަނޑުމެންގެ ރާއްޖެ އަށް އެންމެ ކޮމްޕެޓިބަލް އީ ކޮން ޕްލޭނެއްތޯ ބަލާފައި ކުރިއަށްދާން މަސައްކަތް ކުރެވޭނީ،" ތަމޫހު ވިދާޅުވި އެވެ.

"ދަންނަވާނީ، ރަނގަޅު ސްޕީޑެއްގައި (ޕްލޭނުގެ މަސައްކަތް) ކުރިއަށް އެބަދެއޭ، އެސޯސިއޭޝަންތަކުން ސުވާލު ވެސް އެބަކުރެއޭ. ހިތްހަމަނުޖެހުން ވެސް ފާޅުކުރެއޭ، އެކަމަކު، ދެބައި މީހުންގެ ވެސް، މި އޮންނަނީ އެއްބަޔަކު އަނެއްބަޔަކާ ޖެހިގަނެގެން އުޅުމެއް ނޫން. މި އޮންނަނީ އެއް ޓާގެޓެއް، ރާއްޖޭގައި އޮތް ކުޅިވަރު މި އަށް ވުރެ ރަނގަޅު ހިސާބަކަށް ގެންދިއުން."

ތަމޫހު ވަނީ ރޭ ކުޅިވަރު ހަބަރުތައް ގެނެސްދޭ މީޑިއާތަކަށް އިލްތިމާސެއް ވެސް ކުރައްވައިފަ އެވެ.

އެ ގޮތުން، ރާއްޖޭގެ ކުޅިވަރު އެސޯސިއޭޝަންތަކުން ކުރާ ނުރަނގަޅު ކަންތައްތައް މީޑިއާ އިން ރިޕޯޓްކުރަމުން އަންނައިރު، އެސޯސިއޭޝަންތަކުން ކަންކަން ރަނގަޅުކުރަންކުރާ މަސައްކަތްތައް ވެސް ގެނެސްދޭނަމަަ، އެއީ ރާއްޖޭގެ ކުޅިވަރަށް ކޮށްދެވޭ ހިދުމަތެއް ކަމަށް ތަމޫހު ވަނީ ވިދާޅުވެފަ އެވެ.

"ވަރަށް ގިނަ މީޑިއާތަކުގައި އެސޯސިއޭޝަންތަކުގެ ވަރަށް ގިނަ ވާހަކަތައް ޖެހެމުންދަނީ. ރަނގަޅު، ލިޔެވެން ވެސް ޖެހޭނެ ކަމަށް ގަބޫލުކުރަނީ. އެކަމު، މަރާލާ ހިސާބަށް ނުގޮސް، (އެކަން ރަނގަޅު ކުރެވޭނެ) އަޅުގަނޑުމެންގެ އެސޯސިއޭޝަންތައް ވެސް މަސައްކަތް ކުރަމުން މިދަނީ ކުޅިވަރު ކުރިއަރުވަންކަން، އޭގެ ފައިން ލައިނެއް އިންނާނެކަން ގަބޫލުކުރަން، ގުޑް އެންޑް ބޭޑްގައި،" އޭނާ ވިދާޅުވި އެވެ.

ކުޅިވަރު އެސޯސިއޭޝަންގެ ހަބަރުތައް މީޑިއާގައި ޖަހާއިރު، އަވަހަށް މައުލޫމާތު އާންމުންނަށް ގެނެސްދޭން އުޅުމުން ބައެއް ފަހަރު އޮޅުން އަރާ ގޮތަށް ހުންނަ ކަމަށާއި އޭގެ ބަދަލުގައި، އެކަން އޮތްގޮތް ފުރިހަމަ އަށް ދެނެގަނެ، ގެނެސްދޭ ހަބަރުތަކުން ކުޅިވަރަށް މަންފާ ކުރާނެ ގޮތަކަށް މީޑިއާ އިން ވެސް ކުރިއަށްދިއުން ރަނގަޅުވާނެ ކަމަށް ތަމޫހު ފާހަގަކުރެއްވި އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox