އިސްތަންބޫލް، ތުރުކީ (ފެބްރުއަރީ 19) - ރެއާލް މެޑްރިޑަށް ކުޅެމުން އަންނަ ޒުވާން ތަރި، އާޑާ ގުލާ އަށް މުސްތަގުބަލު އެބައޮތް ކަމަށް ރެއާލް އާއި އާސެނަލްގައި މީގެ ކުރިން ވިދާލި، ޖަރުމަނު ގައުމީ ޓީމުގެ ކުރީގެ މިޑްފީލްޑަރު، މެސުޓް އޮޒިލް ބުނެފި އެވެ.
ފެނަބާޗޭގައި ތަފާތު މޮޅު ކުޅުމެއް ދައްކަމުން އައި ގުލާ، 19، 2023 ވަނަ އަހަރު، 25 މިލިއަން ޑޮލަރަށް އަރާ ޑީލެއްގައި ރެއާލުން ސޮއިކޮށްފަ އެވެ. އެކަމަކު، ތުރުކީ ގައުމީ ޓީމަށް ވެސް ކުޅެމުން އަންނަ ގުލާ އަށް ރެއާލުގައި އެންމެ އެކަށީގެންވާ މިންވަރަށް ކުޅެން ފުރުސަތު ނުލިބޭތީ، އެ ވާހަކަތައް ތުރުކީ މީޑިއާގައި އަންނަނީ ގެނެސްދެމުންނެވެ.
ތުރުކީ ދަރިކޮޅަށް ނިސްބަތްވާ އޮޒިލް އަކީ ވެސް ކެރިއަރުގެ މުހިންމު އުމުރެއްގައި ރެއާލަށް ދިއުމަށް ފަހު، ފަހުން އާސެނަލްގައި ތަފާތު ދެއްކި ކުޅުންތެރިއެކެވެ. ތުރުކީ މީޑިއާ އަކަށް ދިން އިންޓަވިއުއެއްގައި އޮޒިލް ބުނީ، އޭނާ އާއި ގުލާ އަށް ދިމާވެފައި ހުރި ހާލަތާ އެއްގޮތް ކަންތައްތަކެއް އެބަހުރި ކަމަށެވެ.
"އަހަރެން ރެއާލުގައި ހުރިއިރު ވެސް މަޝްހޫރު ގިނަ ކުޅުންތެރިންތަކެއް ތިބި، ފުރުސަތުތައް އެ ކަހަލަ ކްލަބްތަކުގައި އަންނާނީ އެކި ގޮތަށް، ރަނގަޅު ވިސްނުމުގައި ހުރެފިއްޔާ، ގުލާ އަށް ވެސް މުސްތަގުބަލު އެބައޮތް،" އޮޒިލް ބުންޏެވެ.
"ގުލާ އާއި ކެނާން (ޔުވެންޓަސް އަށް ކުޅެމުން އަންނަ ކެނާން ޔިލްޑިޒް) އަކީ ތުރުކީ ފުޓްބޯޅައިގެ މުސްތަގުބަލު އެ މީހުންނަށް ހާއްސަ ސަމާލުކަމެއް ދޭން ޖެހޭ،"
ސްޕެއިނުގެ މީޑިއާ ރިޕޯޓްތައް ބުނާގޮތުން، ގުލާ އަންނަނީ މި ސީޒަނަށް ފަހު ރެއާލް ދޫކޮށްލަން ވާހަކަ ދައްކަމުންނެވެ. އޮޒިލް އެކޭ އެއްގޮތަށް ގުލާ ވެސް ރެއާލް ދޫކޮށްލުމަށް ފަހު ފެނުން ގާތީ ޕްރިމިއާ ލީގުގެ ކްލަބަކުންނެވެ.
