އަލްހިޖްރަ ގްރޫޕަށް ދެއްކި ފައިސާ ބޭނުންކުރުމުން، 24 އުމުރާވެރިއަކު ރާއްޖެ ނާދެވި ސައުދީގައި ތާށިވެއްޖެ

ދިވެހިންތަކެއް އުމްރާއަށް ފުރަނީ: އަލްހިޖްރަ ގްރޫޕުން ފައިސާ ބޭނުން ކޮށްލުމުން، 24 އުމްރާވެރިއަކު ރާއްޖެ ނާދެވި ސައުދީގައި ވަނީ ތާށިވެފައި -

ދިވެހިންތަކެއް އުމްރާއަށް ފުރަނީ: އަލްހިޖްރަ ގްރޫޕުން ފައިސާ ބޭނުން ކޮށްލުމުން، 24 އުމްރާވެރިއަކު ރާއްޖެ ނާދެވި ސައުދީގައި ވަނީ ތާށިވެފައި -

އަލްހިޖްރަ ޓްރެވަލްސް އެންޑް ޓުއާސް ގްރޫޕުން ފައިސާ ބޭނުން ކުރުމުން، 24 ދިވެހި އުމްރާވެރިއަކު ރާއްޖެ ނާދެވި ސައުދީ އަރަބިއްޔާގައި ތާށިވެއްޖެ އެވެ.

"އަދަދު" އަށް އެނގިފައިވާ ގޮތުގައި އަލްހިޖްރަ ގްރޫޕުގެ ހަވާލުގައި ޑިސެމްބަރު 25، އަދި 26 ގައި ސައުދީއަށް އުމްރާގެ އަޅުކަން އަދާ ކުރުމަށް ދިޔަ ދިވެހިން އެ ގައުމުގައި ތާށިވީ ރިޓާން ޓިކެޓު ނަގަން އޮތް ފައިސާ އެހެން ކަމަކަށް އެ ގްރޫޕުން ބޭނުން ކުރުމުންނެވެ.

އަލްހިޖްރަ އުމްރާ ގްރޫޕުގެ ހަވާލުގައި ދިޔަ 18 އުމްރާވެރިއަކު ދިޔައީ އެ ގްރޫޕަށް ފައިސާ ދައްކައިގެންނެވެ. އަދި އޭގެ ތެރެއިން ބާކީ ހަ މީހުންނަކީ އެހީތެރިންނާއި ސްޕޮންސާގެ ގޮތުގައި ފޮނުވި މީހުންނެވެ.

މި ނޫހަށް މައުލޫމާތު ލިބިފައިވާ ގޮތުގައި އެ 24 އުމްރާވެރިން އަނބުރާ ރާއްޖެ ގެނައުމަށް ޓިކެޓަށް 180،000ރ. ހަރަދުވެ އެވެ. އެ ފައިސާ ހޯދުމަށް އަލްހިޖްރަ ގްރޫޕުން މަސައްކަތް ކުރަމުން އަންނަ ކަމަށް ވެސް މި ނޫހަށް މައުލޫމާތު ލިބެ އެވެ.

އޭގެއިތުރުން އަލްހިޖްރަ ގްރޫޕުން އުމްރާވެރިން ސައުދީއަށް ގެންދަން ވެސް ޓިކެޓު ފައިސާ ހަމަނުޖެހިގެން އުޅުނު ކަމަށް މައުލޫމާތު ލިބެ އެވެ. ނަމަވެސް ފަހުން އުމްރާއަށް މީހުން ގެންދާ ވަރަށް ފައިސާ ހަމަޖެހުމުން އެ ގްރޫޕުން އުމްރާވެރިން ގެންދިޔައީ އެވެ.

އަލްހިޖްރަ ގްރޫޕުން އުމްރާއަށް މީހުން ފޮނުވުމުގެ އުސޫލުގެ ދަށުން އުމްރާ ދަތުރުގެ ރިޕޯޓު މީހުން ހައްޖަށް ގެންދިޔުމުގެ ކުރިން މިނިސްޓްރީއަށް ހުށަހަޅާފައި ވެސް ނުވެ އެވެ.

އެ ރިޕޯޓާ އެކު އުމްރާއަށް ދާ މީހުންގެ ޓިކެޓާއި، ވިސާ އާއި މައްކާ އާއި މަދީނާގައި ހުރުމާއި ކެއިން ބުއިން އަދި ހުރުން ހަމަޖެހިފައިވާ ކަމުގެ ލިޔުން ވެސް ހުށަހަޅަން ޖެހެ އެވެ.

މިކަމާ ގުޅިގެން އިސްލާމިކް މިނިސްޓަރު ޑރ. މުހައްމަދު ޝަހީމް "އަދަދު" އަށް ވިދާޅުވީ އަލްހިޖްރަ ގްރޫޕުން އުމްރާއަށް ގެންދިޔަ ބަޔަކު ރާއްޖެ ނާދެވި ތާށިވެފައިވާތީ އެކަން ވަރަށް ގާތުން ބަލަމުންދާ ކަމަށެވެ.

"އަޅުގަނޑުމެންގެ ސަމާލުކަމަށް އައިސްފައިވަނީ ތިކަން. މިނިސްޓްރީން އުމްރާވެރިންގެ ހައްގުތައް ހިމާޔަތް ކުރުމަށްޓަކައި ހަމަ ގަދަޔަށް މަސައްކަތް ކޮށްދޭނަން އިރާދަކުރެއްވިއްޔާ. ގްރޫޕުން އެމީހުންގެ ކަންތައްތައް ގެންދާ ގޮތް އަޅުގަނޑުމެން ވަރަށް ގާތުން މިދަނީ ބަލަމުން،" މިނިސްޓަރު ވިދާޅުވި އެވެ.

ޝަހީމް ވިދާޅުވީ އަލްހިޖްރަ ގްރޫޕުން އުމްރާވެރިން އަތުން ނެގި ފައިސާ އެހެން ކަންކަމަށް ބޭނުން ކޮށްފައިވާ ކަމުގެ މައުލޫމާތު މިނިސްޓްރީއަށް ލިބިފައިވާ ކަމަށާއި އެފަދަ ކަންކަން ހިނގުމަކީ ވަރަށް ދެރަ ކަމެއް ކަމަށެވެ.

"އުމްރާވެރިން އަތުން ފައިސާ ނަގައިގެން، އެ ފައިސާ އެހެން ކަންތައްތަކަށް ހަރަދު ކޮށްފައި ހުރި ކަމަށް މިނިސްޓްރީއަށް މައުލޫމާތު ލިބެނީ. އެއީ ހަގީގަތުގައި ވަރަށް ބޮޑު މައްސަލައެއް. ހެދިފައި އޮންނަ އުސޫލުތަކާއި ގަވާއިދުތަކަށް އިހުތިރާމު ކުރަން ޖެހޭނެ،" ޝަހީމް ވިދާޅުވި އެވެ.

އަލްހިޖްރަ ގްރޫޕްގެ ޑިރެކްޓަރު މުސްތަފާ މުހައްމަދު "އަދަދު" އަށް ވިދާޅުވީ އުމްރާއަށް މީހުން ދޭ ފައިސާއިން އެއްވެސް އިތުރު ކަމެއް ނުކުރާ ކަމަށާއި ބަޖެޓުގެ ތާށިކަން ބޮޑަށް ދިމާވީ އަންނަ ރޯދަ މަހަށް އުމްރާ ދަތުރެއް ވެސް ނުނެގުމާ އެކީގައި ކަމަށް މުސްތަފާ ވިދާޅުވި އެވެ.

"އުމްރާގެ ލާރިން އުމްރާގެ ދަތުރުތައް ފިޔަވައި އިތުރު އެއްވެސް ކަމަކަށް އަޅުގަނޑުމެން ހަރަދެއް ނުކުރަން އާންމުކޮށެއް. ހަމަ އުމްރާގެ ކަންތައްތަކަށް މި ހަރަދު ކުރަނީ. އެކަމަކު އެހެންޏާ ރޯދަ މަހަށް ނަގަން. އެކަމަކު މިފަހަރު ރޯދަ މަހަށް ނުނަގަން. އެހެންވީމަ ރޯދަ މަހަށް ނުނަގަންޏާމުންނެއް އަޅުގަނޑުމެން އަތުގައި ބަޖެޓެއް ވެސް ނެތީ އިތުރަށް،" އޭނާ ވިދާޅުވި އެވެ.

ރިޓާން ޓިކެޓު ނުނަގައި އުމްރާވެރިން ސައުދީއަށް ފޮނުވީ މާލީ ގޮތުން ތަނަވަސްކަން އެވަގުތު ނެތިގެން ހަމަ އެކަނި ބުކިން ހެއްދުމަށް ފަހު ކަމަށް މުސްތަފާ ވިދާޅުވި އެވެ.

އޭގެއިތުރުން މުސްތަފާ ވިދާޅުވީ ކައްކަން ބޭނުންކުރާ ސާމާނު ދެ ފަހަރެއްގެ މަތިން ގެއްލުމާއި މިފަހަރު އުމްރާއަށް ގެންދަން ބުކިން ހެއްދި ހޮޓާ ބަންދު ކުރުމުގެ ސަބަބުން ވެސް އިތުރު ހަރަދުތަކެއް ހިނގި ކަމަށެވެ.

މިނިސްޓްރީއާ ވާހަކަ ދައްކައިގެން ވެސް އުމްރާއަށް ގެންދިޔަ މީހުން އަނބުރާ ގެނެވޭނެ ގޮތެއް ބަލަމުންދާކަން ފާހަގަކޮށް މުސްތަފާ ވިދާޅުވީ މިނިސްޓްރީން ބޭނުންވާ ލިޔުމެއް ލިބުމުން އަމިއްލަ ފަރާތަކުން އުމްރާވެރިން އަނބުރާ ރާއްޖެ ގެނައުމަށް ހަމަޖެހިފައިވާ ކަމަށެވެ.

ކޮމެންޓް

ފަހުގެ ޚަބަރު

ޓުއާ އޮޕަރޭޓަރުން އަތުން ނަގާ ޓެކްސް އުވާލަން ކޮމިޓީން ފާސްކޮށްފި

ބޭރުގެ ޓުއާ އޮޕަރޭޓަރުންގެ އަތުން ޓެކްސް ނެގުމަށް ގާނޫނަށް ގެނައި ބަދަލު އުވާލުމަށާއި، ޖީއެސްޓީ ނަގަންޖެހޭ އާމްދަނީގެ މިންގަނޑު 1.5 މިލިއަން ރުފިޔާއަށް މަތިކުރުމަށް ރައްޔިތުންގެ މަޖިލީހުގެ އިގްތިސޯދީ ކޮމިޓީން ވަނީ ފާސްކޮށްފައި. މި އިސްލާހުތަކުގެ މަގުސަދަކީ ކުދި ވިޔަފާރިތަކަށް ހުރި ގޮންޖެހުންތައް ކުޑަކޮށް، ވިޔަފާރިތައް ކުރިއެރުވުމަށް ފުރުސަތު ދިން.

ހަރަދުގެ ތަފްސީލް ބަލަހައްޓާފައިނުވާތީ އަދާލަތު ޖޫރިމަނާކޮށްފި

ސިޔާސީ ޕާޓީތަކުގެ ގާނޫނާ އެއްގޮތަށް ހަރަދުތަކުގެ ތަފްސީލު ބަލަހައްޓާފައި ނުވާތީ، އިލެކްޝަންސް ކޮމިޝަނުން އަދާލަތު ޕާޓީ 25,000 ރުފިޔާއިން ވަނީ ޖޫރިމަނާކޮށްފައި. މި ފިޔަވަޅު އެޅީ އެ ޕާޓީގެ 2024 ވަނަ އަހަރުގެ އޮޑިޓް ރިޕޯޓުގައި ބައެއް މުދަލާއި ތަކެތީގެ އަގު ކަށަވަރުކުރެވޭނެ ލިޔެކިޔުންތައް ނެތްކަން ފާހަގަކޮށްފައިވާތީ.

މޫސުން ގޯސްވެ އުތުރުގެ އަތޮޅުތަކަށް ޔެލޯ އެލާޓު ނެރެފި

ހުޅަނގު މޫސުމުގެ ބާރުގަދަވެ ރާއްޖެއަށް ކުރަމުންދާ ވިއްސާރައިގައި، ހއ. އަތޮޅުން ފެށިގެން ޅ. އަތޮޅާ ހަމައަށް މެޓް އޮފީހުން ޔެލޯ އެލާޓް ނެރެފިއެވެ. ކުރިއަށް އޮތް ދުވަސްތަކުގައި ރާއްޖޭގެ ބޮޑު ބަޔަކަށް ބޯކޮށް ވާރޭވެހި ފެންބޮޑުވާނެ ކަމަށް ލަފާކުރެވޭތީ މޫސުމަށް ސަމާލުވުމަށް ވަނީ އިލްތިމާސްކޮށްފައެވެ.

ރިސޯޓުތަކުގައި ދީނުގެ ހުރުމަތް ކެނޑިގެން ނުވާނެ: އަދާލަތު

ރާއްޖޭގެ ރިސޯޓެއްގައި އެއްޖިންސުން ކައިވެނިކުރި މައްސަލަ އަދާލަތު ޕާޓީން ހަރުކަށި އިބާރާތުން ކުށްވެރިކޮށް، އެކަމުގައި ބައިވެރިވި ފަރާތްތަކަށް ފިޔަވަޅު އެޅުމަށް ވަނީ ގޮވާލާފައެވެ. މި މައްސަލަ ފުލުހުން ތަހުގީގު ކުރަމުންދާއިރު، ރާއްޖޭގެ ގާނޫނުތަކާއި ދީނީ އުސޫލުތަކާ ހިލާފު މިފަދަ އަމަލުތައް ނުހިންގުމަށް ފުލުހުން ވަނީ އިލްތިމާސްކޮށްފައެވެ.

ފެނަކައިގެ މަހިބަދޫ ބްރާންޗުން 11 މުވައްޒަފަކު ވަކިކޮށްފި

އދ. މަހިބަދޫ ފެނަކަ ބްރާންޗުގެ މަސައްކަތްތައް ސްޓެލްކޯގެ ދަށަށް ބަދަލުކުރުމަށްފަހު، ވަޒީފާގެ ޔަގީންކަން ދީފައިވަނިކޮށް 11 މުވައްޒަފަކު ވަނީ ކުއްލި ގޮތަކަށް ވަނީ ވަކިކޮށްފައި. ވަކިކުރި މުވައްޒަފުން ތުހުމަތުކުރާ ގޮތުގައި މިއީ ސިޔާސީ ނިންމުމެއް ކަމަށާއި، ވަޒީފާގައި ބޭތިއްބީ ހަމައެކަނި ސަރުކާރު ހިންގާ ޕާޓީއަށް ނިސްބަތްވާ މުވައްޒަފުން.

ފެންފުއްޓާ ފަރަށް އެރި "ދެރަހަ" ބޯޓުގެ ފަޅުވެރިން ސަލާމަތްކޮށްފި

މި ހާދިސާ ހިނގާފައިވަނީ ރޭގެ ދަންވަރުގެ ވަގުތެއްގަ އެވެ. އެ ހާދިސާގެ ރިޕޯޓު ލިބުމާއެކު، އެމްއެންޑީއެފް ސަދަން އޭރިއާ ކޮމާންޑް ކޯސްޓްގާޑް ފޯތު ސްކޮޑްރަންގެ ސިފައިން ވަނީ ވަގުތުން އެ ސަރަހައްދަށް ދަތުރުކޮށް، އެހީތެރިކަން ފޯރުކޮށްދޭން ފަށާފަ އެވެ.

ސޯޝަލްމީޑިއާގައި ދަރިވަރަކަށް ބުލީކުރި މައްސަލައެއް ބަލަނީ

މިއީ އިންޓަނެޓު މެދުވެރިކޮށް ބުލީކުރި މައްސަލައެއް ފުލުހުން ތަހުގީގުކުރާ ފުރަތަމަ ފަހަރު ކަމަށްވާއިރު، މި މައްސަލަ ބަލަމުންދަނީ ކަމާގުޅުންހުރި އެހެން އިދާރާތަކާ ގުޅިގެންނެވެ.

Newsletter

Get the latest news delivered straight to your inbox