ލަންޑަން (ޑިސެމްބަރު 19) - ޗެލްސީ އަށް ކުޅެމުން އަށް ޔޫކްރެއިންގެ ފޯވާޑް މިހައިލޯ މުޑްރިކް މަނާބޭސް ބޭނުން ނުކުރާނެކަމުގެ އިތުބާރު ޗެލްސީ އަށާ އޭނާ އަށް އެބައޮތް ކަމަށް އެ ޓީމުގެ ކޯޗު އެންޒޯ މަރެކްސާ ބުނެފި އެވެ.
އިނގިރޭސި އެފްއޭ އިން މިދިޔަ އޮގަސްޓް މަހުގައި ނެގި ރުޓީން ޓެސްޓެއްގައި، މުޑްރިކް، 23، ގެ ސާމްޕަލް ވަނީ މަނާބޭހަކަށް ޕޮޒިޓިވްވެފަ އެވެ.
އެހެންކަމަށްވުމާ އެކު، އިނގިރޭސި އެފްއޭ އިން ނިންމާފައިވަނީ، ދެ ވަނަ ސާމްޕަލެއް ނެގުމަށް ފަހު، އިތުރަށް ކަންކަން ބެލުމަށެވެ. އެ ގޮތުން، ދެ ވަނަ ސާމްޕަލްގެ ޓެސްޓްތައް ނިމެންދެން މުޑްރިކް މި ވަގުތު ހުރީ އިނގިރޭސި އެފްއޭ އިން ދިން ވަގުތީ ސަސްޕެންޝަނެއްގަ އެވެ.
ޗެލްސީގެ ކޯޗު މަރެސްކާ ބުނީ މުޑްރިކް އަކީ މަނާ ބޭސް ބޭނުން ކުރާނެ ކުޅުންތެރިއެއް ނޫން ކަމަށާއި, އެކަމުގެ ފުރިހަމަ ޔަގީންކަން އެބައޮތް ކަމަށެވެ.
"ޗެލްސީގެ ކޯޗިން ސްޓާފުން އަދި ކުޅުންތެރިންވެސް މި ތިބީ މުޑްރިކްއާއެކު, މުޅި ޓީމަށްވެސް އެބައޮތް ޔަގީންކަން މުޑްރިކް މަނާ ބޭސް ބޭނުން ނުކުރާނެ ކަމުގެ." މަރެސްކާ ފާހަގަކުރި އެވެ.
ކުރިން ލެސްޓާ ސިޓީ އަށް ކޯޗުކޮށްދިން، މަރެސްކާ ބުނީ މުޑްރިކް އެނބުރި އަންނާނެ ކަމަށާއި, އެކަމަކު އޭނާ އަންނާނެ ދުވަހެއް އަދި ބުނަން ނޭނގޭ ކަމަށެވެ.
މުޑްރިކް، އެންމެ ފަހުން މެޗެއްގައި ކުޅެފައިވަނީ، މިދިޔަ މަހުގެ 28 ވަނަ ދުވަހު އެވެ. ޗެލްސީން މި މަހު އެއް ވަނަ ދުވަހު އެސްޓަން ވިލާއާ ކުޅުނު މެޗުގެ ސްކޮޑުގައި މުޑްރިކް ހިމެނުނު ނަމަވެސް އޭނާ ކުޅެން އަރާފައިނުވެ އެވެ.
މީގެ އެއް އަހަރު ކުރިން، އާސެނަލްގެ ޑީލެއް ހައިޖެކްކުރުމަށް ފަހު، ޗެލްސީން މުޑްރިކްގެ ސޮއި ހޯދީ ޔޫކްރެއިންގެ ޝަހުތަރު ޑޮނެސްކަށް 100 މިލިއަން ޑޮލަރު ދައްކައިފަ އެވެ. ޗެލްސީ އަށް ކުޅުނު 73 މެޗުން މުޑްރިކަށް ޖެހުނީ އެންމެ 10 ގޯލެވެ.
