ޕަބްލިކް ސާވިސް މީޑިއާ (ޕީއެސްއެމް) ގެ މެނޭޖިން ޑިރެކްޓަރު މުހައްމަދު ސައީދު އިސްތިއުފާދެއްވައިފި އެވެ.
އޭނާ އިސްތިއުފާ ދެއްވިކަން މި ނޫހަށް ވަނީ ކަށަވަރުވެފަ އެވެ. ނަމަވެސް މިކަމާ ގުޅިގެން ޕީއެސްއެމް އަދި ޕީސީބީ އިންވެސް މިހާތަނަށް ރަސްމީ ބަހެއް ބުނެފައެއް ނުވެ އެވެ. ސައީދުވެސް ފޯނަށް ޖަވާބެއް ނުދެއްވަ އެވެ.
ކުރިން އެ މަގާމުގައި ހުންނެވި ޒީނާ ޒާހިރު އިސްތިއުފާ ދެއްވުމުން، ޕީއެސްއެމްގެ އެމްޑީގެ މަގާމަށް ސައީދު އައްޔަންކުރީ އޮގަސްޓު 25، އެވެ.
ސައީދަކީ ދައުލަތުގެ ގިނަ މަގާމުތަކެއް ފުރުއްވި ބޭފުޅެކެވެ. އޭނާ އެންމެ ގިނަ ދުވަހު އުޅުއްވީ ތައުލީމީ ދާއިރާގަ އެވެ.
ރައީސް ޔާމީންގެ ވެރިކަމުގައި އެޑިއުކޭޝަން މިނިސްޓްރީގެ ޕާމަނަންޓް ސެކްރެޓަރީއަކީ އޭނާ އެވެ. މިދިޔަ އަހަރު ބޭއްވި ރިޔާސީ އިންތިހާބުގައި ސައީދު މަސައްކަތް ކުރެއްވީ ޕީޕީއެމް/ޕީއެންސީއާއެކު އެވެ.
