ސަރުކާރު ހިންގާ ޕީޕަލްސް ނެޝަނަލް ކޮންގްރެސް (ޕީއެންސީ) ގެ ފިކުރަށް ތާއީދު ކުރާ މީހުންގެ ބަދަލުގައި އެ ޕާޓީގައި ތިބީ ވަޒީފާގެ ބޭނުމުގައި ތިބި މީހުން ކަމަށް އައްޑޫ މީދޫ ދާއިރާގެ މެންބަރު އަބްދުއްރަހުމާން މިއަދު ވިދާޅުވެއްޖެ އެވެ.
އެކްސްގައި ކުރެއްވި ޕޯސްޓެއްގައި އަބްދުއްރަހުމާން ވިދާޅުވީ އިހުލާސްތެރިކަމާ އެކު ޕީއެންސީގެ ފިކުރަށް ތާއީދުކޮށް، އެ ފިކުރަކީ ކޯއްޗެއްކަން އެނގި ޕާޓީ ދެކެ ލޯބިވާ އެކަކު ވެސް ނެތް ކަމަށެވެ.
"ޕީއެންސީ ފިކުރަށް ތާއިދުކޮށް، އެޕާޓީ އަދި އެ ފިކުރު އެއީ ކޯޗެއްކަން އެނގޭ އެ ޕާޓީދެކެ ލޯބިން ތިބި ބަޔަކުނެތް، ހުސް ތިބީ މަގާމާއި، ވަޒީފާ، ކަމާއި ބަހާ ސަރުކާރުން ހޯދަން ތިބި މީހުންނާއި ވަގުން. ގައުމަށާއި ޕާޓީއަށް އިހްލާސްތެރިންނެއް ނެތް،" އަބްދުއްރަހުމާން ވިދާޅުވި އެވެ.
ޕީއެންސީއަކީ 3،000 އިން ފެށި އެހެން ފިކުރެއްކަން ފާހަގަކުރައްވާ އަބްދުއްރަހުމާން ވިދާޅުވީ ޕީޕީއެމް އުވާލިއަސް ޕީއެންސީގެ ފިކުރު ވަރަށް ބީރައްޓެހި ކަމަށެވެ.
"ޕީއެންސީގަ ވެސް ގިނައީ މަޖިލިސް އިންތިހާބު ޕްރައިމަރީ ސްކޭމުގަ އަޅުގަނޑުމެން ޖައްސުވާ ފުރުވި ފޯމް ، ފިކުރުވެގެން ފުރި ފޯމެއްނެތް،" އޭނާ ވިދާޅުވި އެވެ.
އަބްދުއްރަހުމާން ވިދާޅުވީ ދިވެހިންގެރާއްޖެ އާއި ޕީޕީއެމް މެންބަރުންނަށް މަޖިލިސް ތަމްސީލް ކުރުމުގެ ފުރުސަތު ނުދިން ހިސާބުން އޭރު ވެސް ވަޒީރު ކަމާއި ލިބެން އޮތް ކަމެއް ގެއްލިގެންދާނެތީ ބިރުން ކަމަށެވެ.
ޕީއެންސީ ޓިކެޓުގައި ރައްޔިތުންގެ މަޖިލީހަށް ވާދަ ކުރައްވަން މަސައްކަތް ކުރެއްވި އަބްދުއްރަހްމާންއަށް އެ ފުރުސަތު ނުދިނުމުން މަޖިލިސް ގޮނޑި ކާމިޔާބު ކުރެއްވީ އަމިއްލަ ގޮތުން ވާދަ ކުރައްވައިގެންނެވެ. އޭނާ ހުންނެވީ އަދިވެސް އަމިއްލަ މެންބަރެއްގެ ގޮތުގަ އެވެ.
