"މައި އެލައިޑް" ފަސޭހަކަމާއެކު އިންޝުއަރަންސް ކަވަރޭޖު

"މައި އެލައިޑް" ފަސޭހަކަމާއެކު އިންޝުއަރަންސް ކަވަރޭޖު

ދިރިއުޅުމުގެ ހުރިހާ ކަމެއް ޓެކްނޮލޮޖީގެ އެހީގައި ޑިޖިޓަލް ވަމުންދާ މި ޒަމާނުގައި އަހަރެމެންނަށް ގިނަ ފަސޭހަތަކެއް ދަނީ ލިބެމުންނެވެ. އެކިއެކި އާންމު ހިދުމަތްތައް ވެސް އޮންލައިން ޕޯޓަލްތަކާއި މޯބައިލް އެޕްލިކޭޝަންތައް މެދުވެރިކޮށް، ކޮންމެ ތަނެއްގައި ހުރެގެން ވެސް ހޯދޭނެ މަގުތައް ދަނީ ފަހިވަމުންނެވެ.

ރަސްމީ ގަޑީގައި އޮފީހެއްގައި ކިއު ހަދައިގެން ލިޔެކިޔުން ހުށަހެޅުމުގެ ޒަމާން މި ދަނީ މާޒީއަށް ވަމުންނެވެ. އިންޓަނެޓުގެ ފަސޭހަތަކަށް އަހަރެމެންގެ ކަންކަން ހޭނި، ދަނީ ތަރުތީބުވަމުންނެވެ. ބާޒާރުކުރުމާއި ޔޫޓިލިޓީ ބިލުތައް ދެއްކުން ވެސް މި މޭރުމުން ތަރުތީބުވެއްޖެ އެވެ. ހަމަ އެފަދައިން ދިރިއުޅުމުގެ ވަރަށް މުހިންމު އެއް ކަންތައް ކަމުގައިވާ، މާލީ ރައްކާތެރިކަން ހޯދުމުގެ ނިޒާމު ވެސް މިފަދައިން ތަރުތީބުވެއްޖެ އެވެ.

އެލައިޑް އިންޝުއަރަންސުން "މައި އެލައިޑް" ޕޯޓަލް އުފެއްދީ—ކަސްޓަމަރުންގެ ދިރިއުޅުމުގެ ފަސޭހައަށެވެ. އެލައިޑުގެ އޮފީހަކަށް ދިއުމުގެ ބަދަލުގައި ކޮންމެ ތަނެއްގައި، ކޮންމެ ވަގުތަކު ހުރެގެން ވެސް ބުރަކަމެއް ނެތި އިންޝުއަރަންސް ޕްލޭނެއް ބައްލަވައިގަނެވޭނެ ގޮތް ތަރުތީބު ކޮށްލުމަށެވެ. އެ ޕޯޓަލް މެދުވެރިކޮށް އެލައިޑާއި އަޔާދީ ތަކާފުލްގެ އެކިއެކި ޕްލޭނުތައް ނެގެ އެވެ،

އެއްގަމު އުޅަނދު ދުއްވާ މީހުންނަށް މޮޓޯ އިންޝުއަރަންސާއި މޮޓޯ ތަކާފުލް، ބިދޭސީ މުވައްޒަފުން ގެންގުޅޭ ވިޔަފާރިތަކާއި އިދާރާތަކަށް އެކްސްޕެޓްރިއޭޓް ޕްލަސް އިންޝުއަރަންސް އަދި ތަކާފުލް، އަމިއްލަ ނަފްސަށް ދިމާވެދާނެ ހާލަތަކުން ބުރައެއް ޖެހިދާނެކަމުގެ ރައްކަލަކަށް ޓަކައި ދަތުރުވެރިންނަށް ހާއްސަ ޓްރެވަލް ތަކާފުލް އަދި ހައްޖާއި އުމްރާއަށް ދާ މީހުންނަށް ހައްޖު/އުމްރާ ތަކާފުލް ފަދަ ޕްލޭނުތައް "މައި އެލައިޑް" މެދުވެރިކޮށް ލިބެ އެވެ.

އޭގެއިތުރުން ގޭތެރޭގައި ގެންގުޅޭ މުދަލާއި އެކިއެކި އެއްޗެހީގެ ރައްކަލަށް ޓަކައި "އަހަރެންގެ ހިޔާ"، "ހިޔާވަހި"، އަދި "ހޯމް ކޮންޓެންޓް ތަކާފުލް" ފަދަ ޕްލޭނުތަކެވެ. އަދި ދަނޑުވެރިންނަށް ހާއްސަ ތަކާފުލް ޕްލޭން ވެސް "މައި އެލައިޑް" ޕޯޓަލްއިން ނެގެ އެވެ.

"މައި އެލައިޑް" ގެ ފަސޭހައަކީ، ޕޯޓަލް މެދުވެރިކޮށް ޕްލޭނުތަކާ ބެހޭ ތަފްސީލީ މައުލޫމާތު ފެންނަން ހުރެމެވެ. ޕޯޓަލް މެދުވެރިކޮށް ޕްލޭނު ބައްލަވައިގަނެވޭނެ މަގު ފަހިވެފައި އޮތުމެވެ. ހުށަހަޅަންޖެހޭ ލިޔެކިޔުމެއް ވާނަމަ ޕޯޓަލްއަށް އަޕްލޯޑު ކުރެވޭނެ އެވެ. އަދި އޮންލައިންކޮށް ފައިސާ ދެއްކުމުގެ އިންތިޒާމު ވެސް އޮވެ އެވެ.

ކުރީގައި ނަގާ ޕްލޭނުތަކުގެ މައުލޫމާތާއި މިހާރު އެކްޓިވްކޮށް ހިނގަމުންދާ ޕްލޭންތައް ވެސް "މައި އެލައިޑް" މެދުވެރިކޮށް ފެންނަން ހުރެ އެވެ. މީގެ އިތުރުން އެ ޕޯޓަލް މެދުވެރިކޮށް އިންޝުއަރަންސް ނުވަތަ ތަކާފުލްގެ ކްލެއިމްތައް ވެސް ކުރުމުގެ މަގު އޮންނަނީ ފަހިވެފަ އެވެ.

ޕޯޓަލްގައިވާ ފޯމު ފުރާލައި، ޕޮލިސީ ނަންބަރާއި އަދި ދިމާވި ހާދިސާގެ ތަފްސީލު ޖެހުމުން ކްލެއިމްސްގެ ޕްރޮސެސް ވެސް ފެށިގެން ދާނެ އެވެ. މިއީ ކުރިން އެލައިޑުގެ އޮފީހަށް ލިޔެކިޔުން ހަމަކޮށްގެން ގޮސް ހުށަހަޅަންޖެހޭ ކަންކަން ކަމުގައި ވީ ނަމަވެސް މިހާރު، ކޮންމެ ތަނެއްގައި ހުރެގެން ކޮންމެ ވަގުތެއްގައި ވެސް ހުށަހެޅެ އެވެ.

"މައި އެލައިޑް" ޕޯޓަލްއަކީ ހަމައެކަނި ވެބްސައިޓެއް ނޫނެވެ—އެލައިޑްގެ މޯބައިލް އެޕްލިކޭޝަން މެދުވެރިކޮށް ވެސް "މައި އެލައިޑް"ގެ ހުރިހާ ހިދުމަތެއް ހޯއްދެވޭނެ އެވެ. އިތުރު އެހީ ބޭނުންވާ ނަމަ "މައި އެލައިޑް"ގެ ވެބްސައިޓު ނުވަތަ އެލައިޑްގެ މޯބައިލް އެޕްގައިވާ "ލައިވް ޗެޓް" ފަންކްޝަން ބޭނުންކޮށްގެން އެ އެހީއެއް ވެސް ހޯދުމުގެ މަގު އޮންނާނެ އެވެ.

އެލައިޑާއި އަޔާދީގެ މަގްސަދަކީ ދިރިއުޅުން ފަސޭހަކޮށްދީ، މާލީ ބުރަތަކުން ރައްކާތެރިކަން ކަށަވަރުކޮށްދިނުން ކަމަށް އެ ކުންފުނިން ބުންޏެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox