އެލައިޑް ފެސްޓް: މުޖުތަމައު، އާއިލާ އަދި މާލީ ބާރުވެރިކަމުގެ ސިލްސިލާއެއް

މާލޭގައި ބޭއްވި އެލައިޑް ފެސްޓްގެ ތެރެއިން -- ފޮޓޯ: ޖަވިޔަނި

މާލޭގައި ބޭއްވި އެލައިޑް ފެސްޓްގެ ތެރެއިން -- ފޮޓޯ: ޖަވިޔަނި

މުޖުތަމައުގެ މާލީ ވިލުންވެރިކަމަށް އިސްކަންދީ، އަދި އެކަމަށް ބާރުއަޅާ އެލައިޑް އިންޝުއަރަންސް ކޮމްޕެނީ އޮފް ދަ މޯލްޑިވްސް އިން އާއިލީ ގުޅުންތައް ދިރުވައި، އުފާވެރި މާހައުލުތައް އުފައްދައި އަދި މާލީ ރައްކާތެރިކަމާއި ބާރުވެރިކަން ހޯދާ މައުލޫމާތު ފޯރުކޮށްދިނުމަށް މި އަހަރު މުހިންމު މަސައްކަތްތަކެއް ވަނީ ކުރިއަށް ގެންގޮސްފަ އެވެ.

އެލައިޑުން 2022 އިން ފެށިގެން "އެލައިޑް ފެސްޓް"ގެ ނަމުގައި މާލޭގައި ބާއްވަން ފެށި އާއިލީ ހަވީރުތައް މި އަހަރު އިތުރު ހަރުފަތަކަށް ވަނީ ގެންގޮސްފަ އެވެ. މިގޮތުން އެލައިޑަށް 40 އަހަރު ފުރުން ފާހަގަކުރުމަށް މާލެއިން ބޭރުގައި އެލައިޑް ފެސްޓްގެ ހަރަކާތްތައް ބޭއްވި އެވެ. އަދި މި އަހަރަށް މި ސިލްސިލާގެ ހަރަކާތްތައް ނިންމާލުމަށް މާލޭގައި ދެ ދުވަހުގެ ބޮޑު ހަރަކާތެއް ވެސް ބޭއްވި އެވެ.

ޑިސެމްބަރު 5، އަދި 6 ގައި މާލޭގެ ހެންވޭރު އާޓިފިޝަލް ބީޗުގައި އެލައިޑުން ބޭއްވި އެލައިޑް ފޭސްޓަށް ބޮޑު ތަރުހީބެއް ލިބުނެވެ. އެ ހަރަކާތުގައި އެތައް ކުޑަކުދިންނަކަށް އުފަލާއި މަޖާކޮށްލައި، އެކުދިންގެ ފަންނުވެރިކަން ބޭނުންކޮށްލުމަށާއި އެކި ކުޅިވަރުތައް ކުޅެލައި، އިނާމު ހޯދުމަށް ފުރުސަތު ލިބުނެވެ.

މީގެއިތުރުން އެ ފެސްޓަށް ޒިޔާރަތްކުރި ފަރާތްތަކުގެ މެދުގައި ގުރުއަތުތައް ނަގައި، ނަސީބުވެރިންނަށް ހާއްސަ އިނާމުތަކެއް ވެސް ދިނެވެ.

އެލައިޑް ފެސްޓުގެ އެހެން އެޑިޝަންތަކެކޭ ވެސް އެއްފަދައިން، އިންޝުއަރަންސާއި މާލީ ރޭވުންތެރިކަމާއި ވިލުންވެރިކަމާއި ބާރުވެރިކަމާ ބެހޭގޮތުން މައުލޫމާތު ދިނުމުގެ ބޫތުތައް ވެސް އެލައިޑް ފެސްޓްގައި ހުއްޓެވެ.

އެގޮތުން، ފަހަށް ރައްކާކުރުމުގެ މުހިންމުކަމާއި، ކުރިމަތިވެދާނެ ހާދިސާއަކަށް މާލީ ގޮތުން ތައްޔަރުވުމުގެ މުހިންމުކަމާއި އަދި އެކަންކަމަށް އަމާޒުކޮށް އެލައިޑުން ހުށަހަޅާ އިންޝުއަރަންސް އަދި ތަކާފުލް ޕްރޮޑަކްޓްތަކުގެ މައުލޫމާތު ވަނީ ފޯރުކޮށްދިނެވެ.

މި އަހަރުގެ ތެރޭގައި ރާއްޖޭގެ ތަފާތު ކަންކޮޅުތަކުން އެލައިޑް ފެސްޓް ތަޖުރިބާކޮށްފި އެވެ.

އާންމުކޮށް އަހަރަކު އެންމެ ފަހަރަކު، މާލޭގައި ބާއްވަމުން އައި އެލައިޑް ފެސްޓްގެ 2025 ގެ ސިލްސިލާ ފެށީ، ކުޑަކުދިންގެ ދުވަހުގެ މުނާސަބަތާ ގުޅުވައި ރާއްޖޭގެ އެންމެ އުތުރު ސިޓީ، ކުޅުދުއްފުށި ސިޓީން މެއި މަހު އެވެ. އެއަށް ފަހު ޖެހިގެން އައި ޖޫން މަހު އެލައިޑް ފެސްޓް ދެން ދަތުރުކުރީ އެންމެ ދެކުނުން އައްޑޫ ސިޓީއަށެވެ. އެ ދެ ސިޓީގައި ބޭއްވި އެލައިޑް ފެސްޓަށް ވެސް ބޮޑު ތަރުހީބެއް ލިބުނެވެ.

މީގެއިތުރުން އޯގަސްޓް މަހުގެ ތެރޭގައި އެލައިޑް ފެސްޓް ފުވައްމުލައް ސިޓީގައި ބޭއްވިއިރު، އެ ހަރަކާތުގައި 3،000 އަށްވުރެ ގިނަ އާއިލާ ބައިވެރިވި އެވެ. އެ ހަރަކާތް ވެގެންދިޔައީ މަޖާ، އިޖުތިމާއީ އަދި އުފާވެރި މާހައުލެއް އުފައްދައިދިން ކާމިޔާބު ކާމިޔާބު ހަރަކާތަކަށެވެ.

މި ހަރަކާތްތައް ބޭއްވުމުގައި އެލައިޑްގެ އަމާޒަކީ ދިވެހި އާބާދީއަކީ މާލީ ގޮތުން ޒިންމާދާރު، ވިލުންވެރި އާބާދީއަކަށް ހެދުމުގެ މަސައްކަތުގައި މުހިންމު ދައުރެއް އަދާކުރުން ކަމަށާއި އެފަދަ ގިނަ އިޖުތިމާއީ ހަރަކާތްތަކެއް އަންނަ އަހަރު ވެސް ބާއްވާނެ ކަމަށް އެ ކުންފުނިން ބުންޏެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox