ބަޖެޓު ފާސްކުރިއިރު ސަބްސިޑީ ބަދަލުތަކާއި މަޝްރޫއުތަކުގެ ތަފްސީލު މަޖިލީހުން ބޭނުމެއް ނުވި

ބަޖެޓު ފާސްކުރިއިރު ސަބްސިޑީ ބަދަލުތަކާއި މަޝްރޫއުތަކުގެ ތަފްސީލު މަޖިލީހުން ބޭނުމެއް ނުވި

އަންނަ އަހަރަށް ލަފާކޮށް ރައްޔިތުންގެ މަޖިލީހަށް ހުށަހެޅި 56.6 ބިލިއަން ރުފިޔާގެ ބަޖެޓު މިއަދު އެ މަޖިލީހުން ފާސްކުރިއިރު ސަބްސިޑީތަކަށް ގެންނަ ބަދަލުތަކާއި ޕީއެސްއައިޕީ މަޝްރޫއުތަކުގެ ތަފްސީލު ހޯދުމަށް ބަޖެޓު ދިރާސާކުރި ކޮމިޓީން ހުށަހެޅި ހުށަހެޅުންތައް އުނިކޮށްފި އެވެ.

ފިނޭންސް މިނިސްޓަރު މޫސާ ޒަމީރު އަންނަ އަހަރަށް ލަފާކުރާ ބަޖެޓް ހުށަހެޅީ އޮކްޓޯބަރު 31، ގަ އެވެ. އަދި ބަޖެޓަށް ބަހުސްކޮށް ނިމުނީ ނޮވެމްބަރު 16، ގަ އެވެ. އެ މަރުހަލާގެ ތެރޭގައި ކުރިއަށްދިޔައި ބަޖެޓު ދިރާސާކުރާ ކޮމިޓީން ބަޖެޓަށް އަށް ހުށަހެޅުމެއް ހުށަހެޅި އެވެ.

އެ ހުށަހެޅުންތައް އުނިކުރުމަށް ފަހު ބަޖެޓު ފާސްކުރަން ހުށަހެޅި މަނަދޫ ދާއިރާގެ މެންބަރު ހުސްނީ މުބާރަކު އެވެ. އޭނާ ހުށަހެޅި ގޮތަށް ބަޖެޓު ފާސްކުރީ 70 މެންބަރުންގެ ވޯޓާއެކު އެވެ. ބަޖެޓާ ދެކޮޅަށް 11 މެންބަރުން ވޯޓު ދެއްވި އެވެ.

ކޮމިޓީ މަރުހަލާގައި ބަޖެޓަށް ޖެނެރަލް ރިކޮމެންޑޭޝަންތައް ހުށަހެޅުމަށް ހުޅުވާލި ފުރުސަތުގައި އަށް ކަމެއް މަޖިލީހުގެ ނައިބު ރައީސް އަދި ދިއްގަރު ދާއިރާގެ މެމްބަރު އަހްމަދު ނާޒިމް ހުށަހެޅުއްވި އެވެ. ކޮމިޓީން ފާސްކުރީ އެ ހުށަހެޅުންތައް ހިމަނައިގެންނެވެ.

ބަޖެޓުން އުނިކުރި ހުށަހެޅުންތައް

  1. އަލަށް ފަށާ މަޝްރޫއުތަކުގެ ލިސްޓެއް، ރަށްތައް އެނގޭނެހެން، ފެބްރުއަރީގެ ކުރިން މަޖިލީހާ ހިއްސާކުރުން. އެކިއެކި ކުންފުނިތަކާ ހަވާލުކޮށްގެން ހިންގާ މަޝްރޫއުތަކުގެ ތެރެއިން ކުރިއަށް ދާނެ މަޝްރޫއުތަކާއި ކުރިއަށް ނުދާނެ މަޝްރޫއުތަކުގެ ލިސްޓެއް މާޗު މަސް ނިމުމުގެ ކުރިން މަޖިލީހާ ހިއްްސާކުރުން. ޕީއެސްއައިޕީގެ ތެރެއިން ކުރިއަށް ގެންދާ މަޝްރޫއުތަކުގެ ޕްރޮގްރެސް ރިޕޯޓެއް އަންނަ އަހަރުގެ ކޮންމެ ކުއާޓަރެއްގައި މަޖިލީހަށް ހުށަހެޅުން.
  2. އެސްއޯއީ ރިފޯމްގެ ތާވަލެއް އެކުލަވާލައި, އޭގެ ދަށުން އެޅުމަށް ރާވާ ފިޔަވަޅުތަކާއި، އަދި ތާވާލާ އެއްގޮތަށް އަޅުއްވާފައިވާ ފިޔަވަޅުތައް އެނގޭނެ ރިޕޯޓެއް ކޮންމެ ކުއާޓަރެއްގައި މަޖިލީހަށް ހުށަހެޅުން.
  3. ޓެކްސް ގާނޫނު ބަދަލުކުރުމުގެ މަސައްކަތް ކޮށް ޓެކުހާ ގުޅޭ ސިޔާސަތުތައް މެދުރާސްތާގައި އިސްލާހުކޮށް މަޖިލީހަށް ހުށަހެޅުން.
  4. ދައުލަތަށް ލިބެން ޖެހޭ ފައިސާ މާފުކުރުމުގައި ނަން-ޑިސްކްރިމިނޭޓަރީ އަދި ދެފުށްފެންނަ ނިޒާމަކުން ލުއި ދިނުމާއި މައާފުކުރުމުގައި ޢަމަލުކުރާނެ އުސޫލުތައް ގާއިމުކުރުމަށް ފަހު، އަންނަ އަހަރުގެ ދެވަނަ ކުއާޓަރުގައި މަޖިލީހަށް ހުށަހެޅުން.
  5. ޓާގެޓެޑް ޕެންޝަން ނިޒާމެއް ގެންނައިރު ހަމަހަމަކަން ނުގެއްލޭނެ ގޮތަށް އެކަން ކުރުމަށް ސަމާލުވުމަށް އެދުމާއި, މި ބަދަލުތައް ގެނައުމަށް ގާނޫނުތަކަށް ގެންނަން ޖެހޭ ބަދަލުތައް ގެނައުން އަވަސްކުރުމަށް އެދުން.
  6. އެންމެ ބޭނުން ޖެހޭ ފަރާތްތަކަށް ޓާގެޓެޑްކޮށް ފައިސާ ދޭ ނިޒާމަކަށް ބަދަލުކުރުމަށް އެ ނިޒާމު ތަންފީޒުކުރާނެ ގޮތުގެ ތާވަލެއް އެކުލަވާލައި އެ ސިޔާސަތުތައް ދެފުށްފެންނަ ހަރުދަނާ ގޮތެއްގައި ތަންފީޒުކުރުމަށް އެދި އަންނަ އަހަރުގެ ފުރަތަމަ ކުއާޓަރުގައި އެ ތާވަލު މަޖިލީހާ ހިއްސާކުރުން.
  7. ސަބްސިޑީ ޓާގެޓްކުރުމުގެ ސިޔާސަތު ތަންފީޒުކުރުމަށް ބޭނުންވާނެ ހުރިހާ މައުލޫމާތެއް އެއްތަނަކުން ލިބޭނެ ފަދަ ސިސްޓަމެއް ނުވަތަ "މީންސް ޓެސްޓިން" ސިސްޓަމެއް އަވަހަށް ނިންމައި ތަންފީޒުކުރުން އަވަސް ކުރުން.
  8. ދައުލަތުގެ ބަޖެޓާ ގުޅޭ "އެޕްރޮޕްރިއޭޝަން" ގާނޫނެއް އެކުލަވާލުން.

މި ރެކޮމެންޑޭޝަންތަކަކީ ސަރުކާރުން އަންނަ އަހަރު ތަންފީޒު ކުރުމަށް ނިންމާފައިވާ މުހިންމު ސިޔާސަތުތަކާ ގުޅޭ މައުލޫމާތު މަޖިލީހާ ހިއްސާކުރުމަށް ހުށަހެޅި ކަންކަމެވެ.

ސަބްސިޑީ ނިޒާމަށް ފަހުގެ ތާރީހެއްގައި ގެންނަ އެންމެ ބޮޑު ބަދަލު ގެންނާނެ ކަމަށް ސަރުކާރުން ތަކުރާރުކޮށް ބުނަމުންދިޔަ ނަމަވެސް މިހާތަނަށް އެކަމުގެ މައުލޫމާތު އާންމުންނާ ހިއްސާކޮށްފައި ނުވެ އެވެ. ދައުލަތުގެ މާލީ ހިސާބުކިތާބެކޭ އެއްގޮތަށް ރައްޔިތުންނަށް ކޮންމެހެން އެނގެން ޖެހޭ މާލީ ސިޔާސަތުތަކުގެ މައުލޫމާތު ވެސް ސަރުކާރުން ދަނީ ސިއްރުކުރަމުންނެވެ.

ސަބްސިޑީތައް ދިނުމަށް ބަޖެޓުގައި ހިމަނާފައި އޮތީ އެންމެ 7.9 ބިލިއަން ރުފިޔާ އެވެ. މި އަހަރުގެ ބަޖެޓުގައި 10.9 ބިލިއަން ރުފިޔާ އެވެ. ބަޖެޓު ފާސްކުރީ މަސްވެރިކަމާއި ތެލާއި ކަރަންޓާއި ބޭސްފަރުވާ އާއި މަސްވެރިންނަށް ދޭ ސަބްސިޑީ ވެސް މިއަހަރުގެ ބަޖެޓަށް ވުރެ ކުޑަކޮށެވެ.

މި ހިނގަމުންދާ އަހަރަށް ފާސްކުރި ބަޖެޓުގައި ވެސް ސަބްސިޑީ ނިޒާމު ބަދަލުކުރުމަށާއި ހަރަދު ކުޑަކުރުމުގެ އެހެން ސިޔާސަތުތަކެއް ވެސް ހިމަނާފައިވެ އެވެ. ނަމަވެސް, ސަރުކާރުން އެ ސިޔާސަތުތައް އެންމެ އެކަށީގެންވާ ގޮތެއްގައި ތަންފީޒު ނުކުރުމުން ދައުލަތުގެ ހަރަދުތައް އިންތިހާއަށް ބޮޑުވެ ސަޕްލިމެންޓަރީ ބަޖެޓެއް ވެސް މިއަހަރަށް ފާސްކުރި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox