އެސޯސިއޭޝަންތައް މަދު ކުލަބުތަކެއްގެ އަތްދަށުގައި، ކޮމިޝަނާ އޮފް ސްޕޯޓްސް ހުރީ ސިޔާސީ ނުފޫޒުގެ ތެރޭގައި: މުހައްމަދު އިބްރާހިމް

ގަލޮޅު އުތުރު ދާއިރާގެ މަޖިލިސް މެންބަރު، މުހައްމަދު އިބްރާހިމް -- ފޮޓޯ: ރައްޔިތުންގެ މަޖިލިސް

ގަލޮޅު އުތުރު ދާއިރާގެ މަޖިލިސް މެންބަރު، މުހައްމަދު އިބްރާހިމް -- ފޮޓޯ: ރައްޔިތުންގެ މަޖިލިސް

ރާއްޖޭގެ ކުޅިވަރު އެސޯސިއޭޝަންތައް ކޮންޓްރޯލް ކުރަނީ މަދު ކުލަބުތަކަކުން ކަމަށާއި ކުލަބު ޖަމިއްޔާތަކުގެ ބެލެނިވެރިފަރާތް ހުންނަނީ ސިޔާސީ ނުފޫޒުގެ ތެރޭގައި ކަމަށް ގަލޮޅު އުތުރު ދާއިރާގެ މަޖިލިސް މެންބަރު، މުހައްމަދު އިބްރާހިމް (ކުޑޫ) ވިދާޅުވެއްޖެ އެވެ.

ރައްޔިތުންގެ މަޖިލީހުގެ ޖަލްސާގައި މިއަދު ކުރިއަށްދިޔަ، ކުޅިވަރާ ބެހޭ ބިލަށް ބަހުސް ކުރައްވަމުން މުހައްމަދު އިބްރާހިމް ވިދާޅުވީ ރާއްޖޭގެ ކުޅިވަރު އެސޯސިއޭޝަންތައް "މަދު ކުލަބުތަކެއްގެ އަތްދަށުވެފައި" އޮތްއިރު ސިޔާސީ ނުފޫޒާއި ގުޅުމުގެ ތެރެއިން ކޮމިޝަނާ އޮފް ސްޕޯޓްސް އައްޔަނު ކުރުމަކީ ބޮޑު ހިތާމައެއް ކަމަށެވެ.

"މިހާރުގެ ކޮމިޝަނާ އޮފް ސްޕޯޓްސް އަކީ ޕީއެންސީގެ ސެކްރެޓަރީ ޖެނެރަލް، ކޮމިޝަނާ އޮފް ސްޕޯޓްސް އަކަށް މަގާމު ދޫކޮށްލެއްވީ، އައްޔަނު ކުރެއްވީ މިނިސްޓަރުންގެ ފެންވަރުގައި، ކޮމިޝަނާ އޮފް ސްޕޯޓްސް ސިޔާސީ ނުވާނެ ހަމަ އެއްގޮތެއް ވެސް އަޅުގަނޑަކަށް ނުވިސްނޭ، މިނިސްޓަރެއްގެ ހެދުންކޮޅުގައި ބޮޑު މާސިންގާ ކައުންސިލެއްގެ ދޮރުން ވަދެވޭނެބާއޭ ވެސް އަޅުގަނޑު ހިތަށް އަރާ، އެއް އުރައެއްގައި ދެ ކަނޑިއަށް އޮވެވޭނެތޯ ވެސް މިއީ ހަމަ އަޅުގަނޑު ކޮށްލަން ބޭނުންވާ ސުވާލެއް،" މުހައްމަދު އިބްރާހިމް ވިދާޅުވި އެވެ.

Advertisement

އޭނާ ވިދާޅުވީ ކޮމިޝަނާ އޮފް ސްޕޯޓްސްގެ މަގާމު އުފެއްދީއްސުރެން ވެސް އެކަން އޮންނަނީ އެ ގޮތަށް ކަމަށެވެ.

ރާއްޖޭގެ ކޮމިޝަނާ އޮފް ސްޕޯޓްސްގެ މަގާމުގައި މިވަގުތު ހުންނެވީ މުހައްމަދު ތޮލާލް އެވެ. އޭނާ އެ މަގާމާ ހަވާލުވަޑައިގަތީ މިދިޔަ އަހަރުގެ ނޮވެމްބަރު 21 ގަ އެވެ.

އޭނާ އެ މަގާމާ ހަވާލުވެވަޑައިގަތުމުގެ ކުރިން ހުންނެވީ ޕީޕީއެމްގެ ސެކްރެޓަރީ ޖެނެރަލްގެ މަގާމުގަ އެވެ. ކުޅިވަރު ގާނޫނުގައި އޮންނަ ގޮތުން ކޮމިޝަނާ އޮފް ސްޕޯޓްސްގެ މަގާމުގައި ހުންނަވާ ބޭފުޅަކަށް ޕާޓީއެއް ހިންގުމުގެ މަގާމުގައި ވެސް އަދި ޕާޓީއެއްގެ މެންބަރެއްގެ ގޮތުގައި ވެސް ނުހުރެވޭނެ އެވެ. ނަމަވެސް ކޮމިޝަނާ އޮފް ސްޕޯޓްސްގެ މަގާމާ ހަވާލުވުމަށްފަހު ވެސް ޕީއެންސީގެ އެކި މަސައްކަތުގައި ތޮލާލް ހަރަކާތްތެރިވެ އެވެ.

މިއަދުގެ ޖަލްސާގައި ވާހަކަދައްކަވަމުން ކުޅިވަރު ކުރިއެރުވޭނީ މުހައްމަދު އިބްރާހިމް ވިދާޅުވީ މާލޭގައި ތިބި މަދު ބައެއްގެ އަތްދަށުން ކުޅިވަރު މިނިވަންކޮށް ސަރަހައްދީ ޖަމިއްޔާތައް ބާރުވެރިކޮށްގެން ކަމަށެވެ. އެގޮތުން އެމީހުންގެ ނިންމުންތައް ނިންމުމާއި ކުޅިވަރުގެ މުސްތަގުބަލާ މެދު ބަސް ބުނުމުގެ ހައްގު ސަރަހައްދީ ޖަމިއްޔާތަކަށް ދޭންޖެހޭ ކަމަށް އޭނާ ވިދާޅުވި އެވެ.

"އެކަމަކު އަބަދުވެސް ބުނަން، ރަނގަޅު ކަންކަން ކުރެވޭނީ ރަނގަޅު މީހުން ރަނގަޅު ތަންތަނަށް ރަނގަޅު ގަޑީގައި ލައިގެން، އޭގެ ބަދަލުގައި އަޅުގަނޑަށް ފެންނަނީ ޕާޓީއަށް ސަނާ ކިޔާ މީހުންނަށް ބޮޑެތި މަގާމުތައް ދެމުން ގެންދާތަން،" މުހައްމަދު އިބްރާހިމް ވިދާޅުވި އެވެ.

އެތުލެޓިކްސް އެސޯސިއޭޝަނުގެ ރައީސްގެ މަގާމް 2012 ވަނަ އަހަރުން ފެށިގެން ފުރުއްވަމުން އަންނަ ތޮލާލްގެ އެކިއެކި ދައުރުތަކުގައި ރާއްޖޭން ވަނީ ބައިނަލްއަގުވާމީ ލެވަލްގައި އެތުލެޓިކްސްގައި ބޮޑެތި ކާމިޔާބީތަކެއް ހާސިލްކޮށްފަ އެވެ. ވޭތުވެދިޔަ އަހަރުތަކަށް ބަލާއިރު، ރާއްޖޭގެ އެތުލެޓިކްސް އަށް ތޮލާލްގެ ލީޑަޝިޕްގެ ދަށުން ބައިނަލްއަގުވާމީ ލެވަލްގައި ގިނަ ކުރިއެރުންތަކެއް ވަނީ ލިބިގެންގޮސްފަ އެވެ.

އޮލިމްޕިކް ކޮމިޓީގެ ނައިބު ރައީސްގެ މަގާމަށް ތޮލާލް އިންތިހާބުވީ، 2021 ވަނަ އަހަރު ބޭއްވި އިންތިހާބުގައި، ރައީސް މުހައްމަދު އަބްދުއްސައްތާރު (ޗަމްޕީ)ގެ ޓީމުގައި ހިމެނިވަޑައިގެންނެވެ. އޭނާ ވަނީ ސްޕޯޓްސް ކޮމިޝަނަރުގެ މަގާމަށް އިންތިހާބު ވުމަށް ފަހު، އޮލިމްޕިކް ކޮމިޓީގެ މަަގާމުން ދުރުވެފަ އެވެ. މިދިޔަ ދެ އަހަރު، އޮލިމްޕިކް ކޮމިޓީގެ ލީޑަޝިޕުގައި ހިމެނިވަޑައިގެން، އެކި މަސައްކަތްތަކުގައި ތޮލާލް ވަނީ ބައިވެރިވެވަޑައިގެންފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox