ޒަޔާން އާއި ނަބާގެ ޕެއާ ވެސް ބޮޓްސްވާނާ މުބާރާތުގެ ފައިނަލަށް

Nov 23, 2024, 5:58 PM
ޒަޔާން އާއި ނަބާގެ ޕެއާ ވެސް ބޮޓްސްވާނާ މުބާރާތުގެ ފައިނަލަށް

ބޮޓްސްވާނާ އިންޓަނޭޝަނަލް ބެޑްމިންޓަން މުބާރާތުގެ މިކްސް ޑަބަލްސްގެ ފައިނަލުން ރާއްޖޭގެ ރިވައިވަލް ސްޕޯޓްސް ކްލަބްގެ ޒަޔާން ޒަކީ އާއި ފާތިމަތު ނަބާހާ (ނަބާ)ގެ ޕެއާ އިން ޖާގަ ހޯދައިފި އެވެ.

މިއީ، ބެޑްމިންޓަން ވޯލްޑް ފެޑެރޭޝަން (ބީޑަބްލިއުއެފް) އިން ރުހުންދީފައިވާ މުބާރާތެއްގެ ފައިނަލުގައި ނަބާ އާއި ޒަޔާންގެ ޕެއާ އިން ކުޅޭ ދެ ވަނަ ފަހަރެވެ. މީގެ ކުރިން، 2019 ވަނަ އަހަރު ޕާކިސްތާންގެ މުބާާރާތުގެ ފައިނަލުގައި ކުޅެ ވަނީ ރަން މެޑަލް ހޯދައިފަ އެވެ. އެއީ، މިހާތަނަށް ރާއްޖޭން ބީޑަބްލިއުއެފް މުބާރާތެއްގައި ހޯދި ތިން ރަން މެޑަލްގެ ތެރެއިން އެއް ރަން މެޑަލް އެވެ.

ބޮޓްސްވާނާ މުބާރާތުގެ ސެމީ ފައިނަަލުގައި ނަބާ އާއި ޒަޔާންގެ ޕެއާ އިން އަޒަރުބައިޖާންގެ ޖާހިދު އަލްހަސަނޯފް އާއި ހާޖަރުގެ ޕެއާއާ ބަލިކުރީ 21-13، 21-18 އިންނެވެ. ފައިނަލުގައި މާދަމާ ޒަޔާން އާއި ނަބާގެ ޕެއާ އިން ކުޅޭނީ، އަޒަރުބައިޖާންގެ އާގިލް ގަބިލޯވް އާއި އީރާ މަފްތުހާގެ ޕެއާއާ އެވެ.

Advertisement

ޒަޔާން އާއި ނަބާގެ ޕެއާ އިން ވަނީ ދާދި ފަހުން، ޒެމްބިއާ މުބާރާތުގައި ވާދަކޮށް، ސެމީ ފައިނަލުން ފުރުސަތު ހޯދައި، ލޯ މެޑަލް ހާސިލްކޮށްފަ އެވެ.

ބޮޓްސްވާނާ މުބާރާތުގެ ދެ ފައިނަލެއްގައި ރާއްޖޭގެ ކުޅުންތެރިން ވާދަކުރާނެ އެވެ. އަންހެން ސިންގަލްސް ފައިނަލުގައި ރާއްޖޭގެ ދެބެން ކަމަށްވާ، ނަބާ އާއި އައިމިނަތު ނަބީހާ (ނަބީ)ގެ ކުރިމަތިލުމެއް ފެނިގެންދާނެ އެވެ. މިއީ، ބީޑަބްލިއުއެފް މުބާރާތެއްގެ ސިންގަލްސް ފައިނަލުގައި ރާއްޖޭން ކުޅޭ ފުރަތަމަ ފަހަރެވެ.

ފިރިހެން ޑަބަލްސްގެ ސެމީ ފައިނަލުގައި ވާދަކޮށް ރާއްޖޭގެ ނިބާލް އާއި ޒަޔާންގެ ޕެއާ ބަލިވީ އަޒަރުބައިޖާންގެ އާގިލް ގަބީލޯވް އާއި ޑިކީ ޑްވީ ޕަންގެސްޓޫގެ ޕެއާ އަތުންނެވެ. ސެޓުތައް ދިޔައީ، 21-16، 21-08 އިންނެވެ. އަދި އަންހެން ޑަބަލްސް ސެމީ ފައިނަލުގައި ނަބާ އާއި ނަބީގެ ޕެއާ ވަނީ ސްރީ ލަންކާގެ ހަސީނީ އަމްބަލަންގޮޑަގޭ އާއި ހަސާރާ ވިޖަރަޔަތުނޭގެ ޕެއާއާ އެވެ. ހަސިނީ އާއި ހަސާރާގެ ޕެއާ ވަނީ ޒެމްބިއާ މުބާރާތުގެ ފައިނަލުން ނަބާ އާއި ނަބީ އަތުން ބަލިވެފަ އެވެ. އެކަމަކު، ބޮޓްސްވާނާ މުބާރާތުގެ ސެމީން ހަސިނީ އާއި ހަސާރާގެ ޕެއާ މިރޭ މޮޅުވީ، 21-14، 21-18 އިން ސެޓުތައް ގެންގޮސްގެންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox