ހއ. ބާރުށުގެ ތިން މަޝްރޫއެއްގެ ސާވޭ ހެދުމާއި ޑިޒައިން މަސައްކަތް ކުރުމަށް ޑެންމާކުގެ އެމްޓީ ހޯގާޑް ކުންފުންޏާ ސީއެސްއާރްގެ ދަށުން ކުރުމަށް އެ ކުންފުނީގެ ފަރާތުން ހުށަހެޅުމުން އެކަމަށް ސަރުކާރުން މިއަދު ހުއްދަ ދީފި އެވެ.
ބާރަށު ދާއިރާގެ މެންބަރު އިބްރާހިމް ޝުޖާއު "އެކްސް" ގައި ވިދާޅުވީ އެ ތިން މަޝްރޫއު ކުރިއަށް ގެންދިޔުމުގެ ހުއްދަ ހޯގާޑަށް ދިނީ ކޮންސްޓްރަކްޝަން މިނިސްޓްރީން ކަމަށެވެ.
ސާވޭ ހެދުމާއި ޑިޒައިން މަސައްކަތް ކުރާ ތިން މަޝްރޫއު:
- ޖެޓީ މަރާމާތު ކުރުން.
- މަސްވެރިންނަށް ހާއްސަ މަސް ޖެޓީއެއް ތަރައްގީ ކުރުން.
- ވަށައިގެން އޮންނަ މަގު (ރިންގް ރޯޑް) ތާރު އަޅައި ތަރައްގީ ކުރުން.
ޝުޖާއު ވިދާޅުވީ އެ ތިން މަޝްރޫއަކީ ރައީސް ޑރ. މުހައްމަދު މުއިއްޒުގެ ސަރުކާރުން ވެފައިވާ ވައުދުތަކުގެ ތެރޭގައި ހިމެނޭ ވައުދުތައް ކަމަށެވެ.
Advertisement
ބާރަށު މާކޮޅު ސަރަހައްދުގައި އެ ތަނުގެ ގުދުރަތީ ރީތިކަމާ ގުޅޭ ގޮތަށް އީކޯ ޓޫރިޒަމްގެ މަޝްރޫއެއް ހިންގައި، އެ ރަށުގައި މިސްކިތެއް ބިނާ ކުރެއްވުމަކީ ވެސް ރައީސް މުއިއްޒުގެ ވައުދެކެވެ.
