ގަވާއިދާ ހިލާފަށް އުޅެމުންދިޔަ ނުވަ ބިދޭސީއަކު އިމިގްރޭޝަނާ ހަވާލުކޮށްފި
ގަވާއިދާ ރާއްޖޭގައި ދިރިއުޅެމުންދިޔަ ނުވަ ބިދޭސީއަކު މޯލްޑިވްސް އިމިގްރޭޝަން ޑިޕާޓްމަންޓުން ހިފަހައްޓައިފި އެވެ.
އިމިގްރޭޝަނުން ބުނީ އެ ބިދޭސީން އިމިގްރޭޝަންގެ ބެލުމުގެ ދަށަށް ގެންދިޔައީ ހުޅުމާލޭގެ ބައެއް ތަންތަން ބަލައި ފާސް ކުރުމުގެ ތެރެއިން ކަމަށެވެ. ހުޅުމާލޭގެ 10 ތަނެއް ބަލައި ފާސް ކުރި ކަމަށް އިމިގްރޭޝަނުން ބުނެ އެވެ.
ގަވާއިދާ ހިލާފަށް ރާއްޖޭގައި ދިރިއުޅޭ ބިދޭސީން ހޯދުމަށް ހިންގާ "އޮޕަރޭޝަން ކުރަނގި" ގެ ދަށުން ސެޕްޓެމްބަރު 22، ގެ ނިޔަލަށް ޖުމުލަ 4054 ބިދޭސީން ޑީޕޯޓުކޮށްފައިވާ ކަމަށް އިމިގްރޭޝަނުން ބުނެ އެވެ.
ކޯޓަށް ހާޒިރު ކުރަން ބޭނުންވާ ދެ މީހަކު ފުލުހުން ހޯދަނީ
ކްރިމިނަލް ކޯޓަށް ހާޒިރު ކުރަން ބޭނުންވާ ދެ މީހަކުު ނުފެނިގެން އެ ދެ މީހުން ހޯދަން ފުލުހުން އިއުލާނުކޮށްފި އެވެ.
ފުލުހުން ހޯދަނީ ވ. ސެޓަލައިޓް، މުހައްމަދު ނައީމް، 41، އާއި ގދ. ވާދޫ، ސަބާހީމަންޒިލް، އިޒާމް ޒާހިރު، 25، އެވެ.
ފުލުހުން ބުނީ ހޯދަމުންދާ ދެ މީހުންގެ ތެރެއިން ނައީމްއަކީ މަސްތުވާތަކެތި ޓްރެފިކް ކުރުމުގެ މައްސަލައެއްގައި ކޯޓަށް ހާޒިރު ކުރަން ބޭނުންވާ މީހެއް ކަމަށެވެ. އިޒާމް ވެސް ހޯދަނީ ކޯޓުގައި އޭނާގެ މައްޗަށް އުފުލާފައިވާ ދައުވާއަކާ ގުޅިގެން ކަމަށް ފުލުހުން ބުންޏެވެ.
ފުލުހުން ބުނީ އެ ދެ މީހުންގެ އެއްވެސް މައުލޫމާތެއް އެނގޭ ނަމަ އެ އިދާރާއަށް އެންގުމަށެވެ.
ކާބޯތަކެތި ވިއްކާ ތަންތަން އިންސްޕެކްޓު ކުރާނެ އޮފިސަރުން ތަމުރީނު ކުރަނީ
ކާބޯތަކެތި ވިއްކާ ތަންތަން އިންސްޕެކްޓު ކުރާނެ އޮފިސަރުން ތަމްރީނު ކުރުމުގެ ޕްރޮގްރާމުތަކެއް ހެލްތު މިނިސްޓްރީން ފަށައިފި އެވެ.
ތަމުރީނު ކުރާ އޮފިސަރުންގެ ޒިންމާއަކަށް ވާނީ ކާބޯތަކެތި ވިއްކާ ތަންތަން ގާނޫނާއި ގަވާއިދާ އެއްގޮތަށް ހިންގާތޯ ބެލުމެވެ. އަދި ކާބޯތަކެތި ވިއްކާ ތަންތަން ސާފުތާހިރުކަމުގެ މިންގަނޑަށް ފެތޭތޯ ވެސް އިންސްޕެކްޓަރުން ބަލަންޖެހޭނެ އެވެ.
އަލަށް އަމަލު ކުރަން ފެށި ކާބޯތަކެތީގެ ރައްކާތެރިކަން ކަށަވަރު ކުރުމުގެ ގާނޫނުގެ ދަށުން، ކާބޯތަކެތި ވިއްކާ ތަންތަން ބަލައި ފާސް ކުރުމަކީ ސަރުކާރުގެ ޒިންމާއެކެވެ. ކާބޯތަކެތި ވިއްކުމަށް ސަރުކާރުން ހުއްދައެއް ވެސް ނަގަންޖެހެ އެވެ.
