ލަންޑަން (ސެޕްޓެމްބަރު 23) - ލޯން އެއްބަސްވުމެއްގެ ދަށުން ޗެލްސީ އަށް ކުޅެމުން އަންނަ އިނގިރޭސި ފޯވާޑް، ޖޭޑަން ސަންޗޯގެ އެއްބަސްވުން އެ ކްލަބުން ދާއިމީ ކުރާނަމަ، މި ފަހަރުގެ ލީގުގައި އެ ޓީމުން ނިންމާ މަގާމު މުހިންމު ރޯލެއް އަދާކުރާނެ ކަމަށް ރިޕޯޓްތައް ބުނެފި އެވެ.
ސަންޗޯގެ އެއްބަސްވުން ދާއިމީ ކޮންޓްރެކްޓަކަށް ބަދަލުކުރެވޭ ގޮތަށް އޮތްއިރު، އެކަން ކުރުމަށް ޗެލްސީން 30-40 މިލިއަން ޑޮލަރުގެ ފީއެއް ޔުނައިޓެޑަށް ދައްކަން ޖެހޭނެ އެވެ. އެކަމަކު، ފުޓްބޯލް ލަންޑަން އިން ރިޕޯޓްކުރާ ގޮތުގައި ސަންޗޯ، ޗެލްސީ އަށް ވިއްކާލާނެ ފީއެއް ކަނޑައެޅުމުގައި އެންމެ އިސް ރޯލެއް ކުޅޭނީ، ޗެލްސީން އިނގިރޭސި ޕްރިމިއާ ލީގު ނިންމާ މަގާމެއްގެ ގޮތުންނެވެ.
އެ ގޮތުން، ޗެލްސީން ލީގުގެ ގަދަ 10ގެ ތެރޭގައި ނިންމާނަމަ، ސަންޗޯގެ ކޮންޓްރެޓް ދާއިމީ ކުރަން ދައްކަން ޖެހޭ ފީ އުޅެނީ 25-25 މިލިއަން ޑޮލަރުގަ އެވެ. ޗެލްސީން ޗެމްޕިއަންކަން ހޯދައިފިނަމަ އަދި ލީގުގެ ގަދަ 10 އިން ބޭރުން ނިންމައިފިނަމަ، ދައްކަން ޖެހޭ ފީއަކަށް ދެ ޓީމުން ޖެހޭނީ މަޝްވަރާ ކުރާށެވެ.
މީގެ ތިން އަހަރު ކުރިން، 90 މިލިއަން ޑޮލަރަށް، ޔުނައިޓެޑަށް ބަދަލުވި ސަންޗޯ އާއި ޔުނައިޓެޑްގެ ކޯޗު އެރިިކް ޓެން ހާގާ ދެމެދު މައްސަލަ ޖެހި، ސަންޗޯ މިދިޔަ ސީޒަނުގައި ވަނީ ލޯނަކަށް ކުރީގެ ކްލަބް، ބޮރޫޝިއާ ޑޯޓްމަންޑަށް ކުޅެފަ އެވެ. ސަންޗޯ އަށް އަލުން ޔުނައިޓެޑުން ފުރުސަތު ލިބޭނެ ކަމަށް ޓެން ހާގް މި ސީޒަނުގައި ބުނި ނަމަވެސް، ސަންޗޯ އަށް ޓީމުން ފުރުސަތެއް ނުދެ އެވެ.
ޗެލްސީގެ ކޯޗު، އެންޒޯ މަރެސްކާއާ އެކު، މެންޗެސްޓާ ސިޓީގައި މަސައްކަތްކުރި ސަންޗޯ އަންނަނީ ޗެލްސީގައި ރަނގަޅު ކުޅުމެއް ދައްކަމުންނެވެ. ކުޅުނު ދެ މެޗުގައި ސަންޗޯ ވަނީ ދެ ލަނޑު ޖަހަން ފުރުސަތު ތަނަވަސްކޮށްދީފަ އެވެ.
