މީހެއްގެ އިނގިލި ބުރިކޮށް، ޓޯޗާކުރީ ދެ ސިފައިން ހިމެނޭ ފަސް މީހުންގެ ގްރޫޕަކުން

އެމްއެންޑީއެފްގެ އޮފިސަރެއް: މީހެއްގެ އިނގިލި ބުރިކޮށް ޓޯޗާކުރީ ދެ ސިފައިން ހިމެނޭ ފަސް މީހުންގެ ގްރޫޕަކުން ކަމަށް ފުލުހުން ބުނުން -- ފޮޓޯ: އަދަދު ފައިލް

އެމްއެންޑީއެފްގެ އޮފިސަރެއް: މީހެއްގެ އިނގިލި ބުރިކޮށް ޓޯޗާކުރީ ދެ ސިފައިން ހިމެނޭ ފަސް މީހުންގެ ގްރޫޕަކުން ކަމަށް ފުލުހުން ބުނުން -- ފޮޓޯ: އަދަދު ފައިލް

މީހެއްގެ އިނގިލި ބުރިކޮށް ޓޯޗާކުރީ ދެ ސިފައިން ހިމެނޭ ފަސް މީހުންގެ ގްރޫޕަކުން ކަމަށް ފުލުހުން މިއަދު ބުނެފި އެވެ.

ފުލުހުން ބޭއްވި ނޫސްވެރިންގެ ބައްދަލުވުމުގައި ޗީފް ސުޕްރިޓެންޑެންޓް އޮފް ޕޮލިސް ހަސަން ޝިފާއު ބުނީ، އުމުރުން 30 އަހަރުގެ ދިވެހި ފިރިހެނަކު ރަހީނުކޮށް ޖިސްމާނީ ގޮތުން ބޮޑެތި އަނިޔާތަކެއްދީ، ތޫނު ހަތިޔާރެއް ބޭނުން ކޮށްގެން އޭނާގެ ވައަތު ފައިގެ ކުޑަވައި އިނގިލީގެ ދެވަނަ ބަދައާ ހިސާބުން ބުރިކޮށްލާފައިވާ ކަމަށެވެ.

"އޭނާގެ ވައަތު ލޯ މަތީގައި ޖަހައި މާރާމާރީ ހިންގުމުގެ ސަބަބުން އޭނާގެ ވައަތު ލޮލަށް ލޭ އަރާ ވައަތު ލޯ ދުޅަވެ ނޫފައިގަނެފައި ހުރި. އޭގެ އިތުރުން ހަށިގަނޑުގެ އެކި ތަންތަނުގައި އަލިފާން ޖެއްސުމުގެ ސަބަބުން ލިބިފައިވާ އަނިޔާތަކެއް ކަމަށް ބެލެވޭ ޒަހަމްތަކަކާއި އަދި އޭނާގެ ހަށިގަނޑުގެ އެކި ތަންތަނުގައި ތަޅައި މާރާމާރީ ހިންގުމުގެ ސަބަބުން ލިބިފައިވާ ޒަހަމްތައް ފެންނަން ހުރި،" ޝިފާއު ވިދާޅުވި އެވެ.

މައްސަލައާ ގުޅިގެން ހައްޔަރުކުރީ ރ. ކަނދޮޅުދޫ، މެހުރާ، އަލީ ސާމީ، 25، އާއި ގދ. ގައްދޫ، ހުދުވެލި، އަހުމަދު ސާއިފް ވަހީދު، 18، އާއި ތ. ތިމަރަފުށި، އުތުރުގެއާގެ، މުހައްމަދު ނަހުޝާން ހުސެއިން، 21، ގެ އިތުރުން އެމްއެންޑީއެފްގެ ދެ މުވައްޒަފުން ކަމަށްވާ ކ. މާފުށި، ފުލްމޫން، މުހައްމަދު ނަފާހް، 23، އަދި ލ. ގަން، ތުނޑި ލިންކް، އަހުމަދު ޒަޔާން، 24، އެވެ.

ޝިފާއު ވިދާޅުވީ ހައްޔަރުކުރި ދެ ސިފައިންގެ މައުލޫމާތު އެމްއެންޑީއެފްއަށް ދީ އެ މީހުންނަށް އަޅަން ޖެހޭ ފިޔަވަޅުތައް އެޅުމަށް އެ މުއައްސަސާއިން މަސައްކަތް ކުރަމުންދާ ކަމަށެވެ.

މައްސަލައާ ގުޅިގެން ހައްޔަރުކުރި ފަސް މީހުން މިވަގުތު ތިބީ ބަންދުގައިކަން ފާހަގަކުރައްވާ ޝިފާއު ވިދާޅުވީ މައްސަލައާ ގުޅިގެން 18 އަހަރުން ދަށުގެ ކުޑަ ތިން ކުދިން ހިމެނޭތީ އެކަން ވެސް ބަލަމުންދާ ކަމަށެވެ.

އަނިޔާ ލިބުނު ފަރާތް ލައްވައި މަސްތުވާތަކެތި ވިޔަފާރި ކުރި ކަމަށް ތުހުމަތު ކުރެވޭ ކަމަށާއި އޭނާ ރަހީނު ކޮށްގެން ގެންގުޅުނު ދެ އެޕާޓްމަންޓުގައި މަސްތުވާތަކެތި ވިޔަފާރިކުރަން ބޭނުން ކުރާ ތަކެތި ފެނިފައިވާ ކަމަށް ޝިފާއު ވިދާޅުވި އެވެ.

އޭގެއިތުރުން އެ ދެ އެޕާޓްމަންޓުން ހައްޔަރުކުރި ފަސް މީހުންނާ ގުޅޭ ބައެއް ތަކެތި ފެނިފައިވާ ކަމަށް ވެސް ޝިފާއު ވިދާޅުވި އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox