ގައުމީ ޓޭބަލް ޓެނިސް މުބާރާތުގެ އަންހެން ސިންގަލްސް ޗެމްޕިއަންކަން ޖެހިޖެހިގެން ފަސް ވަނަ ފަހަރަށް ހޯދި 16 އަހަރުގެ ފާތިމަތު ދީީމާ އަލީ، ގައުމީ ލެވަލް ކާމިޔާބީގެ ސިލްސިލާ ހަރުފަތެއް ކުރިއަށްގެންގޮސްފި އެވެ.
މިދިޔަ ދެ މަހެއްހާ ދުވަސްތެރޭ ދީމާ ވަނީ ގައުމީ ޓީމުގެ ރޭންކިން މުބާރާތުގެ އެއް ވަނަ އަނެއްކާ ވެސް ހޯދުމުގެ އިތުރުން، އެސޯސިއޭޝަން ކަޕްގެ ސިންގަލްސް ތަށި ދިފާއުކޮށްފަ އެވެ.
މިއަދު ހަވީރު، ގައުމީ ޓީޓީ ތަށި ޖެހިިޖެހިގެން ފަސް ވަނަ ފަހަރަށް އުފުލާލިއިރު، ދީމާގެ ކާމިޔާބީތައް މި ވަނީ އިތުރަށް ފުރިހަމަަކޮށްފަ އެވެ.
ދީމާއާ އެންމެ ގާތުން މި ހުރިހާ އިވެންޓެއްގައި ވެސް ވާދަކުރީ، އައިޝަތު ރަފާ ނާޒިމް އެވެ. ކުރިން ޒުވާން އުމުރުގައި ގައުމީ ޗެމްޕިއަންކަން ހޯދި ރަފާ އަތުން ދީމާ މި ފަަހަރުގެ ގައުމީ ފައިނަލުގައި ވެސް މޮޅުވީ ހަތަރު ސެޓުންނެވެ. އެއީ، 11-08، 12-10، 11-03 އަދި 11-08 އިންނެވެ.
ދީމާ، ގައުމީ މުބާރާތުގައި ލިބުނު ތަށިތަށް ހިފައިގެން.--- ފޮޓޯ: މިރާން ނާޝިމް / އަދަދު ސްޕޯޓްސް
ގައުމީ މުބާރާތުގައި ދީމާގެ އިތުރު ކާމިޔާބީތަކަށް ބަލާއިރު، 19 އަހަރުން ދަށުގެ އަންހެން ސިންގަލްސް ކަމާއި އަހްޔާރު އަހުމަދު ހާލިދުއާ އެއް ޕެއާ އަކަށް ކުޅެގެން، 19 އަހަރުން ދަށުގެ މިކްސް ޑަބަލްސް ޗެމްޕިއަންކަމާއި މިޝްކާ މުހައްމަދު އިބްރާހިމްއާ އެއް ޕެއާ އަކަށް ކުޅެގެން އޯޕަން އަންހެން ސިންގަލްސް ޗެމްޕިއަންކަމެވެ. އޯޕަން ބައިގެ މިކްސް ޑަަބަލްސް އިން ދީމާ އާއި އަހްޔާރުގެ ޕެއާ އަށް ލިބުނީ، ރަނަރަޕް އެވެ.
ގައުމީ މުބާރާތަށް ފަހު، ދީމާ އަށް ދެން މި އަހަރު އޮތް މުބާރާތްތަކީ، ތައިލެންޑާއި ވިއެޓްނާމްގައި އޮތް ޑަބްލިއުޓީޓީ މުބާރާތްތަކެވެ.
ތޭރަ އަަަހަރުން ދަށާއި 15 އަހަރުން ދަށުގެ ގައުމީ އަންހެން ސިންގަލްސް ޗެމްޕިއަންކަން ހޯދާފައިވަނީ، އައިޝަތު އަލްސާ ނާފިޒު އެވެ. އަދި 15 އަހަރުން ދަށުގެ އަންހެން ޑަބަލްސް ޗެމްޕިއަނުންނަކީ އަލްސާ އާއި އައިޝަތު މަލަކް ތާސީންގެ ޕެއާ އެވެ. ސަތާރަ އަހަރުން ދަށުގެ އަންހެން ސިންގަލްސް ޗެމްޕިއަނުންނަކީ، މިޝްކާ މުހައްމަދު އިބްރާހިމް އެވެ.
ދެ ވަނަ ޑިވިޝަންގެ އަންހެން ޗެމްޕިއަންކަން ހޯދީ، އަފްނާން އިބްރާހިމް އެވެ.
