ދޮޅިޔަދޫ ރަހުނުކޮށް ނެގި ލޯނުތަކަށް 869 މިލިއަން ނުދައްކައިގެން ވިއްކުމުގެ ހުއްދަ އެސްބީއައިއަށް ދީފި

ދޮޅިޔަދޫ ރަހުނުކޮށް ނެގި ލޯނުތަކަށް 869 މިލިއަން ނުދައްކައިގެން ވިއްކުމުގެ ހުއްދަ އެސްބީއައިއަށް ދީފި

ދޮޅިޔަދޫ އިންވެސްޓްމަންޓުން ސްޓޭޓް ބޭންކް އޮފް އިންޑިއާ (އެސްބީއައި) އިން ނަގާފައިވާ ލޯނުތަކަށް އިންޓްރެސްޓާއި ޖޫރިމަނާގެ ގޮތުގައި 869 މިލިއަން ރުފިޔާ ނުދައްކައި އޮތުމުން އެ ލޯނުތައް ނެގިއިރު ރަހުނުކުރި ދޮޅިޔަދޫ އައިލެންޑް ރިސޯޓު ވިއްކުމުގެ ހުއްދަ ތިންވަނަ ފަހަރަށް އެ ބޭންކަށް ސިވިލް ކޯޓުން ދީފި އެވެ.

ސިވިލް ކޯޓަށް އެސްބީއައިގެ ފަރާތުން ދޮޅިޔަދޫ ތަރައްގީ ކުރުމަށް ނެގި ލޯނުތައް ނުދައްކައިގެން އެ ފައިސާ ހޯދުމަށް ހުށަހެޅީ ހަތެއް ޖެނުއަރީ, 2013, ގަ އެވެ. އެ މައްސަލަ އެ ކޯޓުން ބަލައި ނިންމީ 15 މާޗު, 2015, ގަ އެވެ.

އެއީ, ޖުލައި 2, 2006 ގައި ދޮޅިޔަދޫ އިންވެސްޓްމަންޓުގެ ނަމުގައި ނަގާފައި އޮތް 10 މިލިއަން ޑޮލަރުގެ ލޯނަކާއި އޮގަސްޓު 17, 2008 ގައި ނަގާފައި އޮތް ހަތަރު މިލިއަން ޑޮލަރުގެ ލޯނަކާއި 38.4 މިލިއަން ރުފިޔާގެ ލޯނަށްވާ ފައިސާ އެއްބަސްވުމާ އެއްގޮތަށް އަދާކޮށްފައި ނުވާތީ އެސްބީއައިއިން ސިވިލް ކޯޓަށް ވެއްދި މައްސަލައެކެވެ. އެއީ ދޮޅިޔަދޫ ރަހުނު ކުރުމަށް ފަހު ނެގި ލޯނުތަކެކެވެ.

މާޗު 2015, ގައި ހުކުމް ކުރުމާ ހަމައަށް ފުރަތަމަ ލޯނަށް 11.1 މިލިއަން ޑޮލަރު އަދި ދެވަނަ ލޯނަށް 2.9 ޑޮލަރާއި ތިންވަނަ ލޯނަށް 39.7 މިލިއަން ރުފިޔާ ނުދައްކައި އޮތްކަން ޝަރީއަތަށް އޮތީ ސާބިތުވެފަ އެވެ. 10 މަސް ދުވަހުގެ ތެރޭގައި ފައިސާ ދައްކަން ހުކުމް ކުރި ނަމަވެސް އެ ފައިސާ އެ ކުންފުނިން ދައްކާފައި ނުވެ އެވެ.

އޮގަސްޓު 12, 2024 ގެ ނިޔަލަށް ފުރަތަމަ ލޯނަށް އިންޓްރެސްޓާއި ޖޫރިމަނާ އާއެކު 33 މިލިއަން ޑޮލަރު އޮތީ އަރާފަ އެވެ. ދެވަނަ ލޯނަށް 13.8 މިލިއަން ޑޮލަރު އަދި ތިންވަނަ ލޯނަށް 149 މިލިއަން ރުފިޔާ އަރާފައި އޮތްކަން ރަހުނު ވިއްކާލުމަށް ސިވިލް ކޯޓުން ދިން ހުއްދައިން އެނގެ އެވެ.

އެހެންކަމުން, އެ ލޯނުތަކާއި އިންޓްރެސްޓާއި ޖޫރިމަނާގެ ގޮތުގައި މުޅި ޖުމުލަ ގާތްގަނޑަކަށް 869 މިލިއަން ރުފިޔާ ދޮޅިޔަދޫ އިންވެސްޓްމަންޓުން އެސްބީއައިއަށް ދައްކަން ޖެހެ އެވެ.

ދޮޅިޔަދޫ ރަހުނުކޮށްގެން ބޭންކް އޮފް މޯލްޑިވްސް (ބީއެމްއެލް) އާއި ބޭންކް އޮފް ސިލޯން (ބީއޯސީ) އޮތީ ލޯނު ނަގާފަ އެވެ. އެހެންވެ އެ މައްސަލައިގައި އެ ދެ ބޭންކުން ވެސް ބައިވެރިވެފައިވެ އެވެ. އެސްބީއައިއިން ރަށް ވިއްކާލުމަށް އެ ބޭންކުތަކުން އިއުތިރާޒު ނުކުރާކަން ސިވިލް ކޯޓަށް ވަނީ އަންގާފަ އެވެ.

ދޮޅިޔަދޫ ވިއްކުމުގެ އެންމެ ކުޑަ އަގަކީ 15 މިލިއަން ޑޮލަރު ކަމަށް ވަނީ ކަނޑައަޅާފަ އެވެ. އަދި, 45 ދުވަހުގެ ތެރޭގައި ދޮޅިޔަދޫ ވިއްކާލަން ވަނީ ހުއްދަ ދީފަ އެވެ. އެ މުއްދަތު ވިއްކާލެވިއްޖެނަމަ 10 ދުވަހުގެ ތެރޭގައި އެ ފައިސާ ތިން ބޭންކުގެ މެދުގައި ބަހަން ވެސް ވަނީ އެއްބަސްވެފަ އެވެ.

ދޮޅިޔަދޫ ވިއްކާލަން މަސައްކަތް ކުރާތާ އެތައް އަހަރުތަކެއް ވަނީ ވެފަ އެވެ. 100 އެނދު ހުންނަ ރިސޯޓު ވިއްކުމަށް 2019 ގައި އިއުލާނުކުރީ 42 މިލިއަން ޑޮލަރަށެވެ. ޖެނުއަރީ 2022, ގައި އިއުލާނުކުރީ 33 މިލިއަން ޑޮލަރަށް އެ ރަށް ވިއްކާލުމަށެވެ. ނަމަވެސް, މިއަދާ ހަމައަށް ވެސް އެ ރަށް ގަންނާނެ ބަޔަކު ނުވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox