ހުޅުމާލޭގައި ހުންނަ މަޝްހޫރު ދިއްދޫ ހޮޓާ ހުސްކުރަން ކޯޓުން އަންގައިފި

Jan 12, 2026, 10:17 AM
ހުޅުމާލޭ ފޭސް އެކެއްގައި ހުންނަ ދިއްދޫ ހޮޓާ: މިއީ ގިނަ ބަޔަކު ދަންނަ، މަގުބޫލު ހޮޓަލެއް --- ފޮޓޯ: ދިއްދޫ ހޮޓާ ފޭސްބުކް ޕޭޖް

ހުޅުމާލޭ ފޭސް އެކެއްގައި ހުންނަ ދިއްދޫ ހޮޓާ: މިއީ ގިނަ ބަޔަކު ދަންނަ، މަގުބޫލު ހޮޓަލެއް --- ފޮޓޯ: ދިއްދޫ ހޮޓާ ފޭސްބުކް ޕޭޖް

ހުޅުމާލޭގައި ހުންނަ އެންމެ ނަން މަޝްހޫރު ހޮޓާތަކުގެ ތެރޭގައި ހިމެނޭ "ދިއްދޫ ހޮޓާ" ކުރިއަށް އޮތް 15 ދުވަހުގެ ތެރޭގައި ހުސްކުރަން ސިވިލް ކޯޓުން އިއްޔެ އަމުރުކޮށްފި އެވެ.

ދިއްދޫ ހޮޓާ ހުސްކުރަން ކޯޓުން އެންގީ އެ ހޮޓާ ހުންނަ އިމާރާތުގެ ވެރިފަރާތާއި ހޮޓަލުގެ ވެރިފަރާތާ ދެމެދު ތަން ކުއްޔަށް ނަގަން ވެވުނު އެއްބަސްވުމާ މެދު ހިލާފު އުފެދިގެން ހުށަހެޅި މައްސަލައެއް ބެލުމަށް ފަހުގަ އެވެ.

ދިއްދޫ ހޮޓަލުގެ ކުލީގެ އެއްބަސްވުމާ މެދު ހިލާފު އުފެދިގެން ފުރަތަމަ މައްސަލައެއް ބެލީ ސިވިލް ކޯޓުގެ ހުޅުމާލޭ ޑިވިޝަނުންނެވެ. މި މައްސަލަ އެ ކޯޓަށް ހުށަހެޅީ ދިއްދޫ ހޮޓާ ހުންނަ "ގުޑްވިލް" އިމާރާތުގެ ވެރިފާރާތް، ނައީމާ އާދަމެވެ.

Advertisement

ނައީމާ ކޯޓުގައި ބުނީ، އޭނާގެ އިމާރާތުގެ އެންމެ ތިރީ ބުރީގައި ހޮޓާ ހިންގަމުން އަންނަނީ، އެއްބަސްވުމުގެ މުއްދަތު ހަމަވީ ފަހުން، އޭނާގެ ހުއްދައެއް ނެތި ކަމަށެވެ. މި ބުނާ އެއްބަސްވުމުގެ މުއްދަތު ހަމަވީ ޑިސެމްބަރު 31، 2023 ގައި އެވެ.

އެއްބަސްވުމުގެ މުއްދަތު ހަމަވީ ނަމަވެސް، އޭރު ނަސީރަށް ތަނުން ނުކުމެވެން ނެތުމުން މިދިޔަ އަހަރުގެ ފެބްރުއަރީ މަހާ ހަމައަށް އިމާރާތް ބޭނުންކުރަން ހުއްދަ ދިން ކަމަށް ނައީމާ ބުންޏެވެ. އަދި މައްސަލަ ގޯސްވީ، ނައީމާ ބުނި ގޮތުގައި، ފަހުން ދިން މުއްދަތުގެ ތެރޭގައި ވެސް ހޮޓާ ހުސްކުރަން ނަސީރު އެއްވެސް މަސައްކަތެއް ނުކުރުމުންނެވެ.

މި މުއްދަތަށް ތަން ހުސްނުކުރުމުން ނައީމާ ވަނީ ތިން މަަސް ދުވަހުގެ ތެރޭގައި ތަން ހުސްކުރަން ލިޔުމުން ނަސީރަށް އަންގާފަ އެވެ. ނައީމާ ބުނީ، މި ތިން މަސް ދުވަސް ހަމަވީ ފަހުން ތަނުގެ ކުލި ވެސް ނުލިބޭ ކަމަށެވެ.

މި މައްސަލައިގެ ރައްދުގައި، ނަސީރު ކޯޓަށް ހުށަހެޅި މައްސަލައިގައި އޭނާ ބުނީ ތަން ބޭނުންކުރަމުން އަންނަނީ ކުލި މުއްދަތު އިތުރު ތިން އަހަރަށް ދައްމާލަން އަނގަބަހުން ވެވުނު އެއްބަސްވުމެއްގެ ދަށުން ކަމަށެވެ.

ނަސީރު ކޯޓުގައި އެދުނީ، ކުލި މުއްދަތު އިތުރުކޮށްފައިވާކަން ސާބިތުވާ ކަމަށާއި، އެ މުއްދަތަށް ތަން ބޭނުންކުރުމުގެ ހައްގު އޭނާއަށް އޮތް ކަމަށް ކަނޑައަޅައިދިނުމަށެވެ. އަދި، މި މުއްދަތުގެ ކުރިން ތަން ހުސްކުރަން ޖެހޭ ނަމަ، ތަން މަރާމާތުކުރަން ހަރަދު ކުރި ދެ މިލިއަން ރުފިޔާ އާއި ގެއްލުމުގެ ބަދަލު ނަގައިދިނުމަށް އޭނާ އެދުނެވެ.

ނަސީރު ބުނީ އޭނާއަށް އަނގަބަހުން ޔަގީންކަން ދިން މީހަކީ ނައީމާގެ ފިރިމީހާ، އިދްރީސް ކަމަށެވެ. ކޯޓުން މައްސަލަ ނިންމުމުގައި އެންމެ ބޮޑަށް ބެލީ، ނައީމާގެ ފަރާތުން އެއްބަސްވުމާ ގުޅޭ ކަންކަމުގައި މުއާމަލާތްކުރުމުގެ ބާރު އިދްރީސް ކިޔާ މީހަކަށް ދީފައިވާކަން ސާބިތުވޭތޯ އެވެ.

ހުކުމުގައި ވަނީ ނައީމާގެ ފަރާތުން އިމާރާތް ކުއްޔަށް ދޫކުރުމާ ގުޅޭ ގޮތުން މުއާމަލާތްކުރުމުގެ ބާރު އިދްރީސްއަށް ދީފައިވާކަން އެނގޭނެ ހެއްކެއް ނަސީރު ހުށަހަޅާފައި ނުވާ ކަމަށެވެ. ކޯޓުން ނިންމީ އިދްރީސްއަކީ އެ ފަދަ މުއާމަލާތެއް ކުރުމުގެ ބާރު ލިބިގެން ނުވާ މީހެއް ކަމަށެވެ.

ކުލި މުއްދަތު އިތުރުކުރަން އެއްބަސްވެފައިވާ ކަން ސާބިތުނުވާތީ ކޯޓުން ހުކުމް ކުރީ، އިމާރާތް މަރާމާތުކުރަން ނަސީރު ހަރަދު ކުރި ފައިސާ އާއި ވިޔަފާރި ހުއްޓާލަން ޖެހުމުން ލިބޭ ގެއްލުމުގެ ބަދަލު ނަގައިދެވެން ނެތް ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox