ހަތް މިލިއަން ނުދެއްކުނީ މާލީ ހާލަތު ގޯސް ކަމުން ކަމަށް އާރުޑީސީން ކޯޓުގައި ބުނެފި

އާރުޑީސީގެ މައި އޮފީސް އިމާރާތް: އާރުޑީސީ އުފެއްދީ މަގު ހަދަން ނަމަވެސް މިހާރު ނުކުރާ މަސައްކަތެއް ނެތް --- ފޮޓޯ: އަތޫފް އާތިފް/އަދަދު

އާރުޑީސީގެ މައި އޮފީސް އިމާރާތް: އާރުޑީސީ އުފެއްދީ މަގު ހަދަން ނަމަވެސް މިހާރު ނުކުރާ މަސައްކަތެއް ނެތް --- ފޮޓޯ: އަތޫފް އާތިފް/އަދަދު

ރޯޑް ޑިވެލޮޕްމަންޓު ކޯޕަރޭޝަން (އާރުޑީސީ) އާ ދެކޮޅަށް އަމިއްލަ ކުންފުންޏަކުން ކޯޓަށް ހުށަހެޅި މައްސަލައެއްގައި ޖަވާބުދާރި ވަމުން، އެ ފައިސާ ނުދެއްކި ވަނީ ކުންފުނީގެ މާލީ ހާލަތު ގޯސް ކަމުން ކަމަށް އާރުޑީސީން ކޯޓުގައި ބުނެފި އެވެ.

އާރުޑީސީން މިހެން ބުނީ ކާޓިއުންސް ކުންފުނިން ފޯރުކޮށްދިން މުދަލާއި ހިދުމަތުގެ އަގަށްވާ 7.1 މިލިއަން ރުފިޔާގެ މައްސަލައެއްގައި އެއީ ދައްކަން ޖެހޭ ފައިސާ ކަމަށް އެއްބަސްވަމުންނެވެ.

މި މައްސަލައިގައި ކާޓިއުންސްއިން ވަނީ އެ ކުންފުންޏަށް ލިބެން ޖެހޭ ފައިސާގެ އިތުރުން އެ ފައިސާ ދައްކަމުން ނުދާތީ ނޮމިނަލް ޑެމޭޖަސް (ގެއްލުމުގެ ބަދަލު) ގެ ގޮތުގައި އެއް މިލިއަން ރުފިޔާ އާއި ވަކީލު ހަރަދުގެ ގޮތުގައި 30،000ރ. ނަގައިދޭން ވެސް އެދިފަ އެވެ.

ނަމަވެސް މި ދައުވާގެ އެއް ބަޔަށް އާރުޑީސީން އިއުތިރާފުވެފައިވާތީ، ސިވިލް ކޯޓުން އިއްވި ހުކުމުގައި ބަދަލާ މެދު ގޮތެއް ނިންމާފައި ނުވެ އެވެ. ހުކުމް ކުރީ، އާރުޑީސީން އެއްބަސްވި ބަޔަށް އެކަންޏެވެ.

ކޯޓުން މައްސަލައިގެ ލިޔުންތައް ރައްދު ކުރުމުން އާރުޑީސީން ވަނީ ކޯޓުގެ އިހުތިސާސްއާ މެދު ސުވާލު އުފައްދާފަ އެވެ. ފަހުން އާރުޑީސީން ވަނީ، އެއީ އިދާރީ ގޮތުން އެރި އޮޅުމެއް ކަމަށް ބުނެ، އެ ހުށަހެޅުން އަނބުރާ ނަގައި، ދައުވާގެ ބަޔަކަށް އެއްބަސްވެފަ އެވެ.

"...ދައުވާގައި ބަޔާންކޮށްފައިވާ 7،112،374/32ރ. (ހަތް މިލިއަން އެއް ލައްކަ ބާރަ ހާސް ތިން ސަތޭކަ ހަތްދިހަ ހަތަރު ރުފިޔާ ތިރީސް ދެ ލާރި) އަކީ ދައުވާލިބޭ ފަރާތުގެ މާލީ ތަނަވަސްކަން ހުރިގޮތުން މިހާތަނަށް ދެއްކިފައި ނުވާ ފައިސާ ކަމަށެވެ." ދައުވާއިން އެއްބަސްވީ ބަޔާ މެދު އާރުޑީސީން ކޯޓުގައި ބުނެފައިވެ އެވެ.

ކޯޓުން ވަނީ އާރުޑީސީ އާއި ކާޓިއުންސްއިން މަޝްވަރާކޮށްގެން ހައްލެއް ހޯދުމުގެ ފުރުސަތު ވެސް ފަހިކޮށްދީފަ އެވެ. ނަމަވެސް، މަޝްވަރާކޮށްގެން ވެސް ހައްލެއް ނުލިބުނު ކަމަށް ހުކުމުގައި ބަޔާންކޮށްފައިވެ އެވެ.

ކާޓިއުންސްއިން އެދުނީ ތިން މަސް ދުވަހުގެ ތެރޭގައި ދައްކަން ޖެހޭ ފައިސާ ދައްކަން އަމުރުކޮށްދިނުމަށެވެ. މި މުއްދަތު އިތުރުކޮށްދޭން އާރުޑީސީން ބޭނުންވި ނަމަވެސް، ކާޓިއުންސްއިން ވަނީ އެ ފުރުސަތު ދޭން ދެކޮޅު ހަދާފަ އެވެ.

މަދަނީ އިޖުރާއަތުގެ ގާނޫނާއި މަތީ ކޯޓުތަކުގެ ހުކުމްތަކުގައި ކަނޑައަޅާފައިވާ އުސޫލުތައް އޮންނަ ގޮތުން ދަރަނިވެރިޔާ އިތުރު ވަގުތަށް އެދުނަސް، ކޯޓަށް އެ ފުރުސަތު ދެވެނީ އަރަނިވެރިޔާ އެއްބަސްވާ ހާލަތެއްގަ އެވެ.

މިހެންކަމުން ކޯޓުން ވެސް ކަނޑައެޅީ އާރުޑީސީން އެދުނު ގޮތަށް މުއްދަތު އިތުރުކޮށްދެވެން ނެތް ކަމަށެވެ. އަދި، މި މައްސަލަ ބެއްލެވި ސިވިލް ކޯޓުގެ ގާޒީ ފައިސަލް އާދަމް ވަނީ، މިއަދު (ޑިސެމްބަރު 15،) އިން ފެށިގެން ތިން މަސް ދުވަހުގެ ތެރޭގައި އެ ފައިސާ ދައްކައި ހަލާސްކުރަން އާރުޑީސީއަށް އަމަރުކުރައްވާފަ އެވެ.

މިއީ ފައިސާ ނެތް ކަަމަށް ބުނެ ދައްކަން ޖެހޭ ފައިސާތައް އަނބުރާ ދެއްކުމުގައި އާރުޑީސީން ލުޔަކަށް އެދުނު ފުރުތަމަ މައްސަލައެއް ނޫނެވެ. މީގެ ކުރިން ވެސް އެ ކުންފުންޏާ ދެކޮޅަށް ކޯޓަށް ހުށަހެޅި މައްސަލަތަކުގައި އެ ކުންފުނިން ވަނީ ފައިސާގެ ދަތިކަން ހުރި ކަމަށް ބުނެ އަނބުރާ ދައްކަން ޖެހޭ ފައިސާ ދައްކާ މުއްދަތު އިތުރުކޮށްދޭން ހުށަހަޅާފަ އެވެ.

ހަމަ އެހެންމެ، އާރުޑީސީއާ ދެކޮޅަށް ހުށަހެޅި އެހެން މައްސަލައެއްގައި އެ ކުންފުނިން އަމިއްލަ ކުންފުންޏަކަށް ދައްކަން ޖެހޭ ފައިސާތައް ނުދައްކައިގެން ކޯޓުން ވަނީ އެ ކުންފުނީގެ ނަން މަތީގައި ހުރި ބޭންކު އެކައުންޓުތައް ހުސްކޮށްލައިގެން އެ ފައިސާ ރައްދުކޮށްފަ އެވެ.

ސަރުކާރުގެ ސައްތައިންސައްތަ ހިއްސާވާ އާރުޑީސީން ދައްކަން ޖެހޭ ފައިސާތައް ނުދެއްކި، މާލީ ހާލަތު ގޯސް ކަމަށް ބުނަމުން އަންނައިރު، ސަރުކާރުގެ މި އަހަރުގެ ބަޖެޓުން ވެސް އެންމެ ގިނައިން ފައިސާ ދިން ކުންފުނިތަކުގެ ތެރޭގައި އާރުޑީސީ ހިމެނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox