ސުއަރޭޒް، އުރުގުއޭ ގައުމީ ޓީމުން ރިޓަޔާކުރަަން ނިންމައިފި

Sep 3, 2024, 5:11 AM
ސުއަރޭޒް، އުރުގުއޭ ގައުމީ ޓީމުން ރިޓަޔާކުރަަން ނިންމައިފި

މޮންޓެވީޑޯ، އުރުގުއޭ (ސެޕްޓެމްބަރު 3) - އުރުގުއޭ ގައުމީ ފުޓްބޯޅަ ޓީމަށް އެންމެ ގިނަ ގޯލު ޖަހައިދިނުމުގެ ރެކޯޑް ހަދާފައިވާ ފޯވާޑް، ލުއިސް ސުއަރޭޒް ގައުމީ ޓީމުން ރިޓަޔާކޮށްފި އެވެ.

ސުއަރޭޒް، 37، ބުނީ އަންނަ ހުކުރު ދުވަހު ޕެރަގުއޭއާ ދެކޮޅަށް ކުޅޭ ފީފާ ވޯލްޑް ކަޕް ކޮލިފައިން މެޗަކީ ގައުމީ ޖޯޒީގައި އޭނާ ފެންނާނެ ފަހު މެޗު ކަމަށެވެ.

"ކުޅުންތެރިއަކަށް އެންމެ ބޮޑު ހިތްހަމަޖެހުމެއް ލިބޭނެ އެއް ކަމަކީ، ގައުމީ ޓީމުން ރިޓަޔާކުރުމުގެ ރަނގަޅު ވަގުތެއްގައި އެ ކަން ނިންމުން. އަހަންނަށް ފަހުރުވެރިކަމާ އެކު، ގައުމީ ޓީމުން އެއްކައިރިވެލެވޭނެ އެންމެ ރަނގަޅު ވަގުތު ކަމަށް ފެންނާތީ، ގައުމީ ޓީީމުން ރިޓަޔާކުރަން ނިންމައިފިން،" އެމެރިކާ ލީގުގެ އިންޓަ މިއާމީ އަށް ކުޅެމުން އަންނަ ސުއަރޭޒް ބުންޏެވެ.

Advertisement

"އަހަރެންގެ އުމުރުން 37 އަހަރު، ދެން އޮތް ވޯލްޑް ކަޕަށް އަހަރެން އެންމެ ރަނގަޅަށް ހުންނާނެ ކަމުގެ ޔަގީންކަމެއް ވެސް ނެތް. އެހެންވީމަ، ގައުމީ ޓީމަށް ނުކުޅެވެނީ އަނިޔާއާ ހެދި ކަމަށް ނޫނީ، ޓީމަށް ނުނަގައިގެންކަން ވިސްނުމަށް ވުރެ، އަމިއްލަ އަށް މި ގޮތަށް ރިޓަޔާކުރުމަކީ ހިތްހަމަޖެހުމަކީ،"

ގައުމީ ޓީމުގައި ހޭދަކުރި 17 އަހަރުގައި ސުއަރޭޒް ވަނީ އެ ޓީމަށް 142 މެޗުން 69 ލަނޑު ޖަހައިފަ އެވެ. އޭނާ އަކީ އުރުގުއޭ އަށް އެންމެ ގިނަ ގޯލު ޖަހައިދިނުމުގެ ރެކޯޑް ހޯލްޑަރެވެ.

އުރުގުއޭ ޓީމަށް ސުއަރޭޒް ކުޅުނު ފުރަތަމަ މެޗަކީ، 2007 ވަނަ އަހަރު ފެބްރުއަރީ މަހު ކޮލަމްބިއާއާ ދެކޮޅަށެވެ. ސުއަރޭޒް ވަނީ އުރުގުއޭ ޓީމަށް 2014، 2018 އަދި 2022 ވަަަަނަ އަހަރުގެ ވޯލްޑް ކަޕްގައި ކުޅެފަ އެވެ. އަދި 2011، 2016، 2019، 2021 އަދި 2024 ވަނަ އަހަރުގެ ކޮޕަ އެމެރިކާގައި ކުޅުނެވެ. ސުއަރޭޒް ވަނީ، 2011 ވަނަ އަހަރުގެ ކޮޕަ އެމެރިކާ އުރުގުއޭ އަށް ކާމިޔާބުކޮށްދޭން އިސް ރޯލެއް އަދާކޮށްފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox