އޮލިމްޕިކްސްގެ ރަން މެޑަލް ހޯދައި ޖޮކޮވިޗް "ގޯލްޑަން ސްލޭމް" ފުރިހަމަކޮށްފި

Aug 4, 2024, 3:34 PM
ޖޮކޮވިޗް މި ފަހަރުގެ އޮލިމްޕިކްސްގެ ރަން މެޑަލް ދައްކާލަނީ.--- ފޮޓޯ: ގެޓީއިމޭޖަސް

ޖޮކޮވިޗް މި ފަހަރުގެ އޮލިމްޕިކްސްގެ ރަން މެޑަލް ދައްކާލަނީ.--- ފޮޓޯ: ގެޓީއިމޭޖަސް

ޕެރިސް (އޮގަސްޓް 4) - ސްޕެއިނުގެ ކާލޯސް އަލްކަރާޒް އަތުން، މޮޅުވެ، އޮލިމްޕިކްސްގެ ރަން މެޑަލް ހޯދައި، ސާބިއާގެ ތަރި ނޮވަކް ޖޮކޮވިޗް ޓެނިހުގެ ގޯލްޑަން ސްލޭމް ފުރިހަމަކޮށްފި އެވެ.

ފޯރިގަދަ ފައިނަލުގައި، ޖޮކޮވިޗް ސެޓުތައް ގެންދިޔައީ، 7-6 (7-3)، 7-6 (7-2) އިންނެވެ.

އުމުރުން 37 އަހަރުގެ ޖޮކޮވިޗަކީ، އޮލިމްޕިކްސް އިން ރަން މެޑަލް ހޯދި ފިރިހެން ސިންގަލްސް އެންމެ ދުވަސްވީ ކުޅުންތެރިޔާ އެވެ. އެކަމަކު، އޭނާ އަށް މި ކާމިޔާބީ ހާއްސަވާނީ ގޯލްޑަން ސްލޭމް އިންނެވެ.

ޓެނިހުގެ ގްރޭންޑް ސްލޭމް ހަތަރު މުބާރާތާއި އޮލިމްޕިކްސް ރަން މެޑަލް ހޯދައި، މީގެ ކުރިން ހަތަރު ކުޅުންތެރިއަކު ވަނީ އެންމެ މަތީ ފަޑިން ޖާގަ ހޯދައިފަ އެވެ. ޖޮކޮވިޗް ވެސް އެ ލިސްޓަށް ނަން އެރުވީ އެވެ. އެ ލިސްޓުގައި ހިމެނެނީ، ރަފައެލް ނަޑާލް، އަންދްރޭ އަގާސީ، ސެރީނާ ވިލިއަމްސް އަދި ސްޓެފީ ގްރާފް އެވެ.

މެޗުން މޮޅުވުމަށް ފަހު، ޖޮކޮވިޗް އުފާފާޅުކުރަނީ.--- ފޮޓޯ: ގެޓީއިމޭޖަސް

މީގެ ދެ މަސް ކުރިން، ޖޮކޮވިޗްގެ ކަކުލަށް އަނިޔާވީ ފްރެންޗް އޯޕަން ކުޅެނިކޮށެވެ. އެހެންވެ، މި ފަހަރުގެ އޮލިމްޕިކްސް އަށް ޖޮކޮވިޗް ފިޓްނުވެދާނެ ކަމަށް ބެލެވުނެވެ.

އެކަމަކު، ޖޮކޮވިޗް މި ވަނީ އެނބުރި އައިސް، އެންމެ ފަހުން، ވިމްބަލްޑަން ފައިނަލުގައި އޭނާ އަތުން މޮޅުވި، ސްޕެއިނުގެ 21 އަހަރުގެ އަލްކަރާޒް ބަލިކޮށް، ކެރިއަރުގައި މަދުވާ އޮލިމްޕިކްސް ރަން މެޑަލް ހޯދައިފަ އެވެ.

އޮލިމްޕިކްސްގައި، މީގެ ކުރިން، ޖޮކޮވިޗްގެ އެންމެ ރަނގަޅު ފަހަރަކީ، 2008 ވަނަ އަހަރު ސިންގަލްސް އިން ހޯދި ލޯ މެޑަލް އެވެ. އެންމެ ފަހުން، ބޭއްވި 2020ގެ އޮލިމްޕިކްސްގައި ޖޮކޮވިޗް ދިޔައީ ހަތަރު ވަނަ އެވެ.

ރަނގަޅު ފޯމެއްގައި ހުރި އަލްކަރާޒް އަށްް، އޮލިމްޕިކްސްގެ ރިހި މެޑަލް ލިބުނުއިރު، ފައިނަލުގައި ވެސް އޭނާ ވަނީ ޖޮކޮވިޗް ކައިރީ ނިސްބަތުން ރަނގަޅު ކުޅުމެއް ދައްކައިފަ އެވެ. އެކަމަކު، ޖޮކޮވިޗް ކުރިހޯދުމުގައި އިސް ރޯލެއް ކުޅުނީ ތަޖުރިބާ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox