ހުލާސާކޮށް އިއްޔެ: މާލެ ފުރިބާރުވެއްޖެ، މަގުތަކުގައި ބާކީ އޮތީ 18 ޕަސެންޓު

މާލެގެ މަގެއް ވެހިކަލްތަކުން ފުރިފައި. -- ފޮޓޯ: އަދަދު

މާލެގެ މަގެއް ވެހިކަލްތަކުން ފުރިފައި. -- ފޮޓޯ: އަދަދު

މިދިޔަ އަހަރުގެ ނިޔަލަށް މާލެ ސަރަހައްދުގައި، އެއްގަމު އުޅަނދުތަކުން މަގުގެ ޖާގައިގެ 82 ޕަސެންޓު ފުރިފައިވާ ކަމަށް ތަފާސް ހިސާބުތަކުން ދައްކައިފި ކަމަށް އިއްޔެ ރިޕޯޓުކުރި އެވެ. އެހެންވެ، ދެން ބާކީ އޮންނާނީ 18 ޕަސެންޓެވެ.

މާލެ ސަރަހައްދުގެ މަގުތަކަކީ އަމާން ތަނަކަށް ހެދުމަށް ބުދަ ދުވަހުގެ ރޭ އިފުތިތާހު ކުރި މާލެފަހި ޕްރޮގުރާމުގެ ކަރުދާހުގައި ހިމަނާފައިވާ ތަފާސްހިސާބުތަކުން ދައްކާ ގޮތުގައި 2023 ގެ ނިޔަލަށް މާލެ ސަރަހައްދުގެ މަގުތަކުގައި ދުއްވާ 115،928 އުޅަނދުފަހަރު ރަޖިސްޓަރީކޮށް ބޭނުން ކުރަމުންދެ އެވެ.

އޭގެ ތެރެއިން 22،714 އުޅަނދަކީ 2022 ވަނަ އަހަރުގެ ނިޔަލަށް އުފެއްދި ތާރީހުން ފެށިގެން 15 އަހަރު ވެފައިވާ އުޅަނދެވެ. އެ އުޅަނދުތަކުން އެކަނި ވެސް މާލޭގެ 67،399 އަކަ މީޓަރުގެ ސަރަހައްދެއް ބޭނުން ކުރާ ކަމަށް އެ ކަރުދާހުން ދައްކަ އެވެ.

މާލޭގެ މަގުތަކުގެ ޖުމުލަ އޭރިއާއަކީ 390،000 އަކަ މީޓަރެވެ. ވެހިކަލްތަކުގެ ޖާގަ ޖުމުލަ ކޮށްލުމުން 319,402 އަކަ މީޓަރު އަރަ އެވެ. އެހެންވެ، މާލޭގެ މަގުތަކުގައި ދުއްވާ އުޅަނދުތައް ހިއްސާކުރާ ޖާގަ އުނި ކުރުމުން ހިނގާބިނގާވެ އުޅޭ މީހުންނަށް މާލޭގެ މަގުތަކުން އޮތީ އެންމެ 18 ޕަސެންޓެވެ.

މާލޭ ސަރަހައްދުގައި ބޭނުން ކުރާ އެއްގަމު އުޅަނދުގެ ތެރެއިން އެންމެ ގިނައީ މޮޓޯ ސައިކަލެވެ. 2023 ގެ ނިޔަލަށް މާލެ ސަރަހައްދުގައި 100،555 މޮޓޯ ސައިކަލު ހުރި ކަމަށް ޓްރާންސޕޯޓުގެ ތަފާސްހިސާބުތަކުން ދައްކަ އެވެ. މި ސަރަހައްދުގައި ބޭނުންކުރާ ބަހާއި ލޮރީ އަދި ވޭނުގެ އަދަދު އެއްކޮށްލުމުން ޖުމުލައަކީ 1828 އެވެ.

titledesc

އެ ހިސާބުތަކުން ދައްކާ ގޮތުގައި 2013 ވަނަ އަހަރުން ފެށިގެން އެންމެ ގިނަ އުޅަނދު ރަޖިސްޓްރީ ކުރީ މިދިޔަ އަހަރެވެ. މިދިޔަ އަހަރު އެކަނިވެސް 10،871 އުޅަނދު ރަޖިސްޓްރީ ކުރި އެވެ.

ޓްރާސްޕޯޓު މިނިސްޓްރީގެ ތަފާސް ހިސާބުތަކުން ދައްކާގޮތުން ފާއިތުވި ފަސް އަހަރު ތެރޭގައި މާލެ ސަރަހައްދުގައި 16،242 އެކްސިޑެންޓު ރިޕޯޓު ކޮށްފައިވެ އެވެ.

އޭގެ ތެރޭގައި އެންމެ ގިނައީ ސައިކަލު އެކްސިޑެންޓެވެ. އެ ކަރުދާހުގައި އާންމު ކޮށްފައިވާ މައުލޫމާތަށް ބަލާއިރު މާލެ ސަރަހައްދުގައި އެވަރެޖުކޮށް އަހަރެއްގެ މައްޗަށް 833 ސައިކަލު އެކްސިޑެންޓު ވެފައިވެ އެވެ.

މިދިޔަ ފަސްއަހަރު ތެރޭގައި އެންމެ މަދު އެކްސިޑެންޓު ހިނގާފައި ވަނީ ކޮވިޑު ދުވަސްވަރު އެވެ. ދެ ފަހަރެއްގެ މަތިން ދިވެހީން ލޮކްޑައުންގައި ތިބެން ޖެހުނު 2020 ވަނަ އަހަރު މާލެ ސަރަހައްދުން ރިޕޯޓު ކޮށްފައި ވަނީ 2244 އެކްސިޑެންޓުގެ މައްސަލަ އެވެ.

މުހިއްމު ބައެއް ހަބަރު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox