އިޒްރޭލުން ފަލަސްތީނުގެ ރައްޔިތުން ގާޒާ ސިޓީ ދޫކޮށް ދިޔުމަށް އިންޒާރު ދީ، ވައިގެ މަގުން މުޅި ސިޓީ ތެރެއަށް ލީފްލެޓް އަޅައިފި އެވެ.
އެ ލީފްލެޓްތަކުގައި ލިޔެފައި ވަނީ ގާޒާ ސިޓީގައި ތިބި ހުރިހާ ރައްޔިތުން ރައްކާތެރި ހިސާބުތަކަށް ދިޔުމަށް އިންޒާރުދޭ ކަމަށެވެ.
ނަމަވެސް ގާޒާގެ އިންޓީރިއާ މިނިސްޓަރު ވަނީ އިޒްރޭލުގެ އޯޑަރަށް އެ ސިޓީގެ ރައްޔިތުން ބޯނުލެނބުމަށާއި، އިޒްރޭލުން މަސައްކަތް ކުރަނީ ފަލަސްތީނުގެ ރައްޔިތުންނަށް ބިރު ދެއްކުމަށް ކަމަށް ބުނެފަ އެވެ.
މިކަމާ ގުޅިގެން އދ އިން ބުނެފައި ވަނީ ފަލަސްތީނުގެ ރައްޔިތުންނަށް ހިމާޔަތް ދޭން ޖެހޭ ކަމަށާއި އެ ރައްޔިތުން ރައްކާތެރި ހިސާބުތަކަށް ބަދަލު ކުރުމަށް މިވަގުތު އެއްވެސް ބަޔަކު ނެތް ކަމަށެވެ.
އިޒްރޭލުން ވަނީ ފާއިތުވެދިޔަ ދުވަސްތަކުގައި ގާޒާ ސިޓީގެ އެކި ސަރަހައްދުތަކުން ފަލަސްތީނު މީހުން އެހެން ސަރަހައްދުތަކަށް ދިޔުމަށް އިންޒާރު ދީފަ އެވެ.
އިޒްރޭލުން ފަލަސްތީނުގައި ހިންގަމުންދާ ގަތުލްއާންމުގައި މިހާތަނަށް 38،200 އަށްވުރެ ގިނަ މީހުން ވަނީ ޝަހީދުކޮށްލައިފަ އެވެ. އޭގެ ތެރޭގައި ގިނައިން ހިމެނެނީ ކުޑަކުދިންނާއި އަންހެނުންނެވެ.
