ދައުލަތުގެ މީޑިއާ ޕީއެސްއެމްއާ ހަވާލުވުމަށްފަހު ވެސް ޒީނާ އަމިއްލަ ނޫސް ހިންގުމުގައި!

ޕީއެސްއެމްގެ މެނޭޖިން ޑިރެކްޓަރު، ޒީނާ ޒާހިރު، މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި -- ފޮޓޯ: ޕީއެސްއެމް

ޕީއެސްއެމްގެ މެނޭޖިން ޑިރެކްޓަރު، ޒީނާ ޒާހިރު، މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި -- ފޮޓޯ: ޕީއެސްއެމް

ދައުލަތުގެ މީޑިއާ، ޕީއެސްއެމްގެ ފުލްޓައިމް ވަޒީފާގައި އުޅޭ މުވައްޒަފުންނަށް އާންމު އުސޫލުގެ ދަށުން އެހެން މީޑިއާތަކުގައި މަސައްކަތް ކުރުން މަނާ ނަމަވެސް، އެ މީޑިއާގެ މެނޭޖިން ޑިރެކްޓަރު، އަމިއްލަ ނޫސް ހިންގުމުގައި އަވަދިނެތި އުޅުއްވާކަން އެނގިއްޖެ އެވެ.

ޕީއެސްއެމްގެ މެނޭޖިން ޑިރެކްޓަރު ކަމާ ޒީނާ ނޮވެމްބަރު 14، 2023، ގައި ހަވާލުވި ދުވަހުން ފެށިގެން މިއަދާ ހަމައަށް ޒީޓައިމްސްގެ ނަމުގައި ހިންގާ ނޫސް ވެބްސައިޓުގައި ޒީނާގެ ބައިލައިނުގައި އަށް އާޓިކަލެއް ޕަބްލިޝް ކޮށްފައިވެ އެވެ.

މި ނޫހުން ޕީއެސްއެމްގެ ތަރުޖަމާނު، ޒީކް މުހައްމަދު ރިޒާއަށް ގުޅުމުން އޭނާ އެންމެ ފުރަތަމަ ވިދާޅުވީ ޕީއެސްއެމްގެ ފުލްޓައިމް ވަޒީފާގައި އުޅޭ އެއްވެސް މުވައްޒަފަކަށް އިތުރު މީޑިއާއަކަށް މަސައްކަތް ނުކުރެވޭނެ ކަމަށެވެ. އަދި އެކަން ކުރާނަމަ ޕީއެސްއެމްގެ ހިއުމަން ރިސޯސަސް ޑިޕާޓުމެންޓުން އެކަން ބަލާނެ ކަމަށް ވެސް ޒީކް ވިދާޅުވި އެވެ.

Advertisement

"މިކޮޅުގައި ފުލްޓައިމް މުވައްޒަފެއްގެ [ގޮތުގައި] އުޅޭ އެއްވެސް ސްޓާފަކަށް އިތުރު އެއްވެސް މީޑިއާއަކަށް މަސައްކަތެއް ނުކުރެވޭނެ އިނގޭތޯ މިކޮޅުގެ އެޗްއާރު ޕޮލިސީ އިންނަ ގޮތުން، މިކޮޅުގެ ފުލްޓައިމް އެއްވެސް މުވައްޒަފަކަށް އެހެން މީޑިއާއެއްގައި ވަޒީފާ އަދައެއް ނުކުރެވޭނެ، އެކަހަލަ އިޝޫއެއް ރެއިޒްވެއްޖެއްޔާ މިކޮޅުން އެޗްއާރުން ދެން އެ މައްސަލަ ބަލާނެ، އެކަމަކު މިކޮޅުގެ މީޑިއާގައި މަސައްކަތް ކުރަމުން އިތުރު އެހެން މީޑިއާއެއްގައި މަސައްކަތެއް ނުކުރެވޭނެ އިނގޭތޯ؟،" ޒީކް ވިދާޅުވި އެވެ.

ޒީނާ ޒާހިރުގެ ނަމުގައި ޒީޓައިމްސްގައި ޝާއިއު ކޮށްފައި ހުރި އަޓިކަލްތައް
ޒީނާ ޒާހިރުގެ ނަމުގައި ޒީޓައިމްސްގައި ޝާއިއު ކޮށްފައި ހުރި އަޓިކަލްތައް

ޒީނާ ޒާހިރުގެ ނަމުގައި ޒީޓައިމްސްގައި ޝާއިއު ކޮށްފައި ހުރި ބައެއް އަޓިކަލްތައް

އެކަން އެހެން އޮއްވައި ޕީއެސްއެމްގެ މެނޭޖިން ޑިރެކްޓަރުގެ މަގާމުގައި ހުންނަވައި އެހެން މީޑިއާއެއްގެ މަސައްކަތްތައް ޒީނާ ކުރައްވަނީ ކޮން އުސޫލެއްގެ ދަށުންތޯ ސުވާލު ކުރުމުން ޒީކް ވިދާޅުވީ ޒީޓައިމްސްއަކީ ޒީނާގެ ކުންފުންޏެއް ކަމަށާއި އެތަނުގައި މަސައްކަތްތަކެއް ކުރަނީ މުވައްޒަފެއްގެ ހައިސިއްޔަތުން ހެން ހީނުވާ ކަމަށެވެ.

"އޭތި އަޅުގަނޑަށް ހީވަނީ އަޅުގަނޑުމެންގެ އެމްޑީގެ، އަނެއް، ކުންފުންޏެއްތާ ދެއްތޯ ޒީޓައިމްސްއަކީ، ބަޓް ޝީ އިޒް ހަމަ ފުލްޓައިމް ޕީއެސްއެމް ވީމާ އަޅުގަނޑަކަށް ހިއެއް ނުވޭ އަނެއްހެން އެކޮޅުގައި މުވައްޒަފެއް ގޮތަށް މަސައްކަތް ކުރަނީހެނެއް،" ޒީކް ވިދާޅުވި އެވެ.

ނަމަވެސް ޒީނާގެ ބައިލައިންގައި ޒީޓައިމްސްގައި އާޓިކަލް ޕަބްލިޝް ކޮށްފައި ހުރިކަން ފާހަގަކޮށް ސުވާލު ކުރުމުން ޒީކް ވިދާޅުވީ "އާދެ، ދެން އަޅުގަނޑު އެމްޑީގެ ވަކި ޖަވާބެއް ހޯދާލާނަން، ބަޓް މިކޮޅު، އިން ޖެނެރަލް ޕީއެސްއެމްގެ ފުލް އަނެއް މުވައްޒަފަކަށް އިތުރު މީޑިއާއެއްގައި މަސައްކަތެއް ނުކުރެވޭނެ އިނގޭތޯ؟" ކަމަށެވެ.

ޕީއެސްއެމްގެ ފުލްޓައިމް މުވައްޒަފެއްގެ ގޮތުގައި ހުރެ، އިތުރު މީޑިއާއެއްގައި މަސައްކަތް ނުކުރެވޭނެ ކަމަށް ތަކުރާރުކޮށް ވިދާޅުވުމަށްފަހު، ފަހުން ފޮނުވި ޓެކްސްޓް މެސެޖެއްގައި ޒީކް ވިދާޅުވީ ޕީއެސްއެމްގެ މުވައްޒަފުންނަށް "މެނޭޖުމެންޓުގެ ހުއްދައާއެކު އެހެން މީޑިއާތަކަށް ވެސް މަސައްކަތް ކުރެވޭނެ،" ކަމަށެވެ.

މިކަމާ ގުޅޭގޮތުން ޕީއެސްއެމްގެ މެނޭޖިން ޑިރެކްޓަރު ޒީނާ ޒާހިރުއަށް ގުޅުމުން ޖަވާބެއް ނުދެއްވަ އެވެ.

ޕީއެސްއެމްގެ ބައެއް އެހެން ސީނިއާ މުވައްޒަފުން ވެސް ބައެއް އަމިއްލަ މީޑިއާތައް ހިންގުމުގައި އިސްކޮށް މަސައްކަތް ކުރާކަން މި ނޫހަށް ވަނީ އެނގިފަ އެވެ. އަދި އެފަދަ މައްސަލައެއްގައި މީގެ ކުރިން ބަޔަކަށް ފިޔަވަޅު އަޅާފައިވާކަން ވެސް އެނގިފައިވެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox