އެސްޓީއޯއިން ޔޫރޯ ފޯރި 2024 އަގުހުރި ގިނަ އިނާމުތަކެއް ލިބުމުގެ ފުރުސަތާއެކު ފަށައިފި އެވެ.
ޖުލައި 14، ގެ ނިޔަލަށް ކުރިއަށް ގެންދާ މި ޕްރޮމޯޝަންގެ ދަށުން އެސްޓީއޯ ޕީޕަލްސް ޗޮއިސް މައި ފިހާރައިގެ އިތުރުން އަތޮޅު ތެރޭގެ ފިހާރަތަކުގައި ކުރިއަށްދާނެ އެވެ.
މި ޕްރޮމޯޝަންގައި ފިލިޕްސް ބްރޭންޑް ޓީވީ، ހޯމް ތިއޭޓާ ސިސްޓަމް، ހެޑްފޯން އަދި ބޮކްސްލައިޓް ބްރޭންޑްގެ ޕްރޮޖެކްޓާއިން 15 ޕަސަންޓާ ހަމައަށް ޑިސްކައުންޓު އަންނަނީ ދެމުންނެވެ.
މީގެއިތުރުން ޕްރޮމޯޝަންގެ ދަށުން ކުރާ ކޮންމެ ވިޔަފާރިއަކަށް ކޫޕަނެއް ލިބޭއިރު، ގުރުވަތުން ހޮވޭ ފަރާތަކަށް 50،000ރ. ގެ އަގުހުރި އިނާމު ދިނުމަށް ވަނީ ނިންމާފަ އެވެ.
ކޮންމެ މެޗެއްގެ ނަތީޖާ ދިމާ ކުރުމުގެ ފުރުސަތު އެސްޓީއޯ ޕީޕަލްސް ޗޮއިސްގެ ފޭސްބުކް ޕޭޖްގައި ހުޅުވާލާއިރު، ގްރޫޕް ސްޓޭޖުން އެންމެ ގިނަ ޕޮއިންޓް ހޯދާ ފަރާތަކަށް ހޯމް ތިއޭޓާ ސިސްޓަމެއް ދޭނެ އެވެ.
ދެވަނަ ބުރުން އެންމެ ގިނަ ޕޮއިންޓް ހޯދާ ފަރާތަކަށް 32 އިންޗީގެ ޓީވީއަކާއި ހޯމް ތިއޭޓާ ސިސްޓަމެއް އަދި ކުއާޓާ ފައިނަލުން އެންމެ ގިނަ ޕޮއިންޓް ހޯދާ ފަރާތަކަށް 43 އިންޗީގެ ޓީވީއަކާއި ހޯމް ތިއޭޓާ ސިސްޓަމެއް ދިނުމަށް ވަނީ ހަމަޖެހިފަ އެވެ.
ފައިނަލް މެޗްގެ ނަތީޖާ ދިމާކުރާ ފަރާތަކަށް 65 އިންޗީގެ ޓީވީއެއް އަދި ކޮންމެ ބުރެއްގައިވެސް ޕޮއިންޓް އެއްވަރު ވެއްޖެނަމަ އިނާމު ލިބޭ ފަރާތް ހޮވާނީ ގުރުއަތުން ކަމަށް އެސްޓީއޯއިން ބުނެ އެވެ.
