އަމާޒަކީ ސައުތު އޭޝިއަން ގޭމްސް އިން މެޑަލް ހޯދުން

May 5, 2025, 7:36 AM
އަމާޒަކީ ސައުތު އޭޝިއަން ގޭމްސް އިން މެޑަލް ހޯދުން

މި އަހަރަކީ ރާއްޖޭގެ ހޭންޑްބޯޅަ އަށް ކާމިޔާބު އަހަރަކަށްވާނެ ކަމުގެ އުންމީދު ބޮޑު ކަމަށާއި އަމާޒަކީ އަންނަ އަހަރުގެ ސައުތު އޭޝިއަން ގޭމްސް އިން ގައުމީ ހޭންޑްބޯޅަ ޓީމުތައް މެޑަލް ހޯދުން ކަމަށް ހޭންޑްބޯލް މޯލްޑިވްސްގެ ރައީސް، އަހުމަދު މުޖުތަބާ (މުޖޭ) ވިދާޅުވެއްޖެ އެވެ.

އޭނާ މި ގޮތަށް ވިދާޅުވީ، ސެޕްޓެމްބަރު މަހު ކުޅުދުއްފުށި ސިޓީގައި ކުރިއަށްދާ ކޮމަންވެލްތު ބީޗްހޭންޑްބޯޅަ މުބާރާތް ލޯންޗުކުރުމަށާއި އޮމާނުގައި މި މަހު ކުރިއަށްދާ އޭޝިއާގެ ބީޗްހޭންޑްބޯޅަ މުބާރާތުގައި ވާދަކުރާ ގައުމީ ބީޗްހޭންޑްބޯޅަ ޓީމުގައި ވާދަކުރާ ޓީމަށް ހާއްސަކުރި އިވެންޓްގައި ވާހަކަ ދައްކަވަމުންނެވެ.

ރާއްޖޭގައި ހޭންޑްބޯޅަ ވުޖޫދުކުރުމުން ފެށިގެން އެސޯސިއޭޝަންގެ އެކި މަގާމުތަކުގައި މަސައްކަތް ކުރަމުން އައި މުޖޭ ވިދާޅުވީ، ރާއްޖޭގައި ބީޗްހޭންޑްބޯޅަ އަށް އޮތް ފުރުސަތުތައް ކުރީގެ ރައީސުންނަށް ހިއްސާ ކުރެވުނު ކަމަށެވެ. އެކަމަކު، އޭރު ތިއްބެވި ވެރިން ނިންމެވީ އިންޑޯ ހޭންޑްބޯޅަ ވަކި ލެވަލަކަށް ގެންދިއުމަށް ފަހު، ބީޗްހޭންޑްބޯޅަ އިން ކުރިއަށް ދާން ފެށުން ކަމަށާއި އެ ވިސްނުމުގެ ސަބަބުން ފައިދާތަކެއް ކުރި ކަމަށް މުޖޭ ވިދާޅުވި އެވެ.

"އަޅުގަނޑުމެންގެ އޭރު ތިއްބެވި ބޭފުޅުންގެ ތޫނު ވިސްނުންފުޅުން ވިދާޅުވީ، އަދި ފަށައިފިއްޔާ އަޅުގަނޑުމެން ވެއްޓޭލެއް އަވަސްވާނެއޭ، ތެދުވާހަކައެއް، އޭރުގެ އެ ވާހަކަ އަޅުގަނޑު ވެސް ގަބޫލުކުރިން، އޭރުގައި ފެށިނަމަ، އަޅުގަނޑުމެންގެ އިންޑޯ ހޭންޑްބޯޅަ ކުރިއަކަށް ނުދިޔައިސް، އިންޑޯ ހޭންޑްބޯޅަ ވަކި ހިސާބަކަށް ދިއުމަށް ފަހުގައި، އަޅުގަނޑުމެން ބީޗް ހޭންޑްބޯޅަ ފަށައިގަތީ،" މުޖޭ ވިދާޅުވި އެވެ.

"އޭގެ ނަތީޖާއެއްގެ ގޮތުން، މިހާރު، ދިވެހިރާއްޖޭގެ ސަރުކާރުން މިހާރު ގެންގުޅޭ ސިޔާސަތު، ޑީސެންޓްރަލައިޒްކޮށް ކުޅިވަރު ބަހައިގެން އެކި ތަންތަނުގައި ކުޅެވޭނެ ނިޒާމް އަޅުގަނޑުމެންނަށް މި ގާއިމްކުރެވުނީ، ހަމައެކަނި ހޭންޑްބޯލް މޯލްޑިވްސް އަށް އެކަނި،"

މުޖޭ ވިދާޅުވީ، ކާމިޔާބީ ހާސިލްކުރަން ހުވަފެނެއް ދެކިގެން އެ އަށް މަސައްކަތް ކުރުން މުހިންމު ކަމަށެވެ. އެ ގޮތުން، ފެންވަރު ރަނގަޅު ކޯޗެއް ގެނެސްގެން ބީޗް ހޭންޑްބޯޅައިގެ ކަންތައްތައް ފުޅާކުރުން ވެގެންދިޔައީ އެތައް ފުރުސަތެއް އޮތްކަން ހާމަވިކަމެއް ކަމަށެވެ.

"އަޅުގަނޑަށް ވަރަށް ސާބިތުކަމާ އެކު ދަންނަވަން ކެރޭ، މި އަހަރަކީ ހޭންޑްބޯޅައިގައި ވަރަށް ކާމިޔާބު އަހަރަކަށް ހެދޭނެއޭ. ވޭތުވެދިޔަ އަހަރު ވަރަށް ނުތަނަވަސްގޮތަކަށް ދިޔައީ، ނަމަވެސް މި އަހަރު އަޅުގަނޑުމެން ދާނީ ވަރަށް ބާރަށް ކުރިއަށް، އަޅުގަނޑުމެން ވެއްޓިގަތީމާ މާ ބާރަށް ދުއްވައިގަތުމުގެ ފިކުރާއި ޖޯޝް އެބަހުރި މި ހޭންޑްބޯޅައިގައި، އެހެންވީމަ މި ވިސްނުމުގައި މި ހުރީ މި އަހަރު ކާމިޔާބީގެ އަހަރަކަށް ހެދުމަށް،" މުޖޭ ވިދާޅުވި އެވެ.

ސަރުކާރާއި އިންޓަނޭޝަނަލް ހޭންޑްބޯޅަ ފެޑެރޭޝަން (އައިއެޗްއެފް)ގެ އެހީތެރިކަމާ އެކު، ހޭންޑްބޯޅަ އިންޑޯ ކޯޓުގެ މަސައްކަތް ވެސް ވަނީ ފެށިފަ އެވެ. މުޖޭ ވިދާޅުވީ، ހޭންޑްބޯޅަ ކޯޓަށް ހިޔާވަހިކަމެއް ފުރާޅެއް ލަސްތަކެއް ނުވެ ފެނިގެންދާނެ ކަމަށާއި ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ)ގެ ވިސްނުމަކީ ވަރަށް އުޖާލާ ތަނަވަސްތަނެއް ރާއްޖޭގެ ހޭންޑްބޯޅަ ކުޅެން އޮތުން ކަމަށެވެ.

"(ވިސްނުމަކީ) ސައުތު އޭޝިއަން ގޭމްސްގައި މެޑަލް ހުރިހާ ޓީމެއް ވެސް އެޅުން، މި ކާމިޔާބީ ހޯދުމަށް މަސައްކަތް މި ކުރަނީ އެންމެންގެ އުންމީދާ އެކީގައި، އަޅުގަނޑުމެން މި އަހަރު 2025 ގައި އެންމެ ފުރަތަމަ ހޯދާނެ މެޑަލް އަކަށް ވިސްނާފައި މި އޮތީ އައިއެޗްއެފް ޓްރޮފީ، އައިއެޗްއެފް ޓްރޮފީ އަކީ ވަރަށް ގާތުން އަޅުގަނޑުމެން މެޑަލް ހޯދަމުން އަންނަ މުބާރާތެއް. މި ފަހަރު އަޅުގަނޑުމެންގެ ޓާގެޓަކީ ސިލްވާ މެޑަލް އަށް މަސައްކަތް ކުރުން، އަޅުގަނޑުމެންނަށް ބްރޯންޒް ހޯދިއްޖެ، އެ މެޑަލް އެޅުމުގެ ވިސްނުމެއް ދެން ނެތް،" މުޖޭ ވިދާޅުވި އެވެ.

އެ ގޮތުން، އޭނާ ވިދާޅުވީ، 17 އަހަރުން ދަށާއި 19 އަހަރުން ދަށުގެ އަންހެން ޓީމު އައިއެޗްއެފް މުބާރާތުން ރިހި މެޑަލް ހޯދުމަށް ކުރަން ޖެހޭ ތައްޔާރީތައް ކުރިއަށް އެބަދާ ކަމަށެވެ. އަދި، ރާއްޖޭން ބޭރުގައި އޮންނަ 17 އަހަރުން ދަށުގެ ފިރިހެނުންގެ ހޭންޑްބޯޅަ މުބާރާތަކަށް ތައްޔާރުވަމުންދާ ކަމަށާއި އެއީ އޭޝިއަން ޔޫތު ގޭމްސްގައި ވާދަކޮށް ނަތީޖާއެއް ނެރެން ކުރެވޭ މަސައްކަތެއް ކަމަށް މުޖޭ ފާހަގަކުރެއްވި އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox