ބަންޑާރަ ބިން ދައުލަތަށް ނެގޭނެ ފަސޭހަ ގޮތްތަކެއް ސަރުކާރުން ހުށަހެޅި ބިމުގެ ބިލުގައި ހިމަނައިފި

ލާމު ގަމުން ދޫކޮށްފައިވާ ބިންތަކެއް ހުސްކޮށް: ބިލުގައި ބުނަނީ ފަސް އަހަރު ތެރޭގައި ގޯތި ލިބުނު މީހާ އެތަނުގައި ދިރިއުޅެން ފަށަންޖެހޭނެ ކަމަށް -- ފޮޓޯ: އަދަދު ފައިލް

ލާމު ގަމުން ދޫކޮށްފައިވާ ބިންތަކެއް ހުސްކޮށް: ބިލުގައި ބުނަނީ ފަސް އަހަރު ތެރޭގައި ގޯތި ލިބުނު މީހާ އެތަނުގައި ދިރިއުޅެން ފަށަންޖެހޭނެ ކަމަށް -- ފޮޓޯ: އަދަދު ފައިލް

އާންމު ރައްޔިތުންނަށް ދޫކުރާ ބަންޑާރަ ބިން ދައުލަތަށް އަނބުރާ ނެގޭނެ ފަސޭހަ އުސޫލުތަކެއް ސަރުކާރުން ރައްޔިތުންގެ މަޖިލީހަށް ހުށަހެޅި ބިމުގެ ބިލުގައި ހިމަނައިފި އެވެ.

ދިރިއުޅެން ދޫކުރާ ބަންޑާރަ ބިން ދައުލަތަށް ނެގޭނެ ހަތަރު އުސޫލެއް އެ ބިލުގައި އޮތީ ހިމަނައިފަ އެވެ. އޭގެ ތެރޭގައި ހިމެނޭ އެންމެ ކަންބޮޑުވާ އުސޫލަކީ، ގޯތި ދޫކޮށްފައިވާ ފަރާތުން ފަސް އަހަރު ދުވަހުގެ ތެރޭގައި އެ ގޯއްޗެއްގައި ދިރިއުޅެން ނުފެށުމެވެ.

ގޯތި ދޫކުރާތާ ފަސް އަހަރުގެ ތެރޭގައި އެ ގޯއްޗެއްގައި ދިރިނުއުޅޭ ނަމަ ގޯތި ނެގޭނެ މާއްދާއެއް މިހާރު އަމަލު ކުރަމުންދާ ބިމާ ބެހޭ ގާނޫނުގައި ވެސް ބަޔާންކޮށްފައިވެ އެވެ. ނަމަވެސް މިހާރު އަމަލު ކުރަމުންދާ މާއްދާގައި، ގޯތި ދޫކުރި މީހާ އެ ގޯއްޗެއްގައި ދިރިއުޅެން މަޖުބޫރެއް ނުކުރެ އެވެ.

ސަރުކާރުން ހުށަހެޅި އާ ބިމުގެ ގާނޫނުގައި ބުނެފައިވާ ގޮތުން ފަސް އަހަރު ދުވަހުގެ ތެރޭގައި އެ ގޯއްޗެއްގައި ދިރިއުޅެން ފަށަންޖެހެނީ ސީދާ އެ ގޯތި ދޫކުރި މީހާ އެވެ. މިހާރު އަމަލު ކުރަމުންދާ ގާނޫނުގައި ނެތް އުސޫލަކަށް ދެން ހިމަނާފައި އޮތީ، އެ ގޯއްޗެއް ލިބިގަނެފައި ވަނީ އޮޅުވާލައިގެން ކަމަށްވާ ނަމަ އަނބުރާ ނެގޭނެ އުސޫލެވެ.

ބަންޑާރަ ބިން އަނބުރާ ދައުލަތަށް ނެގޭނެ އުސޫލުތައް

  1. ގޯތި ދޫކުރާ ތާރީހުން ފެށިގެން ފަސް އަހަރު ދުވަހުގެ ތެރޭގައި ގޯތި ރަޖިސްޓްރީކޮށްދީފައިވާ މީހާ ގޯތީގައި ދިރިއުޅެން ނުފެށުން
  2. ގޯތި ދޫކުރުމުގެ ޝަރުތު ނުވަތަ ގޯތި ދޫކުރިއިރު ކޮށްފައިވާ ޝަރުތަކާ ހިލާފުވުން
  3. ގޯތި ދޫކުށްފައިވާ ފަރާތުން ތަކުރާރުކޮށް މި ގާނޫނާ ހިލާފުވުން
  4. ގޯތި ލިބިގަނެފައި ވަނީ އޮޅުވާލުމަކުން ނުވަތަ މަކަރާއި ހިލާތުން ކަން ޝަރީއަތަށް ސާބިތުވުން

މިހާރު އަމަލު ކުރާ ބިމާ ބެހޭ ގާނޫނުގެ ދަށުން ބިން އަނބުރާ ދައުލަތަށް ނެގޭނެ އުސޫލުތައް

  1. ގޯތި ދޫކުރާތާ ފަސް އަހަރުގެ ތެރޭގައި އެ ގޯއްޗެއްގައި ދިރިއުޅެން ނުފެށުން
  2. ބަންޑާރަ ގޯތި ދޫކޮށްފައިވާ ފަރާތުން ތަކުރާރުކޮށް ގާނޫނާ ހިލާފުވުން ނުވަތަ ގޯތި ދޫކުރިއިރު ކޮށްފައިވާ ޝަރުތަކާ ހިލާފުވުން

ސަރުކާރުން ހުށަހަޅާފައި އޮތް ބިމުގެ ގާނޫނަށް ރައްޔިތުންގެ މަޖިލީހުގައި އިއްޔެ ބަހުސް ކުރައްވަމުން، ފަސް އަހަރު ދުވަހުގެ ތެރޭގައި ގޯތީގައި ދިރިއުޅެން ނުފަށައިފި ނަމަ އަނބުރާ ދައުލަތަށް ގޯތި ނެގޭނެ އުސޫލަށް ބައެއް މެންބަރުން ވަނީ ފާޑުކިޔައިފަ އެވެ.

އިއްޔެގެ ޖަލްސާގައި ވާހަކަ ދައްކަވަމުން ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ ވިދާޅުވީ، ގޯތި ދޫކުރި ނަމަވެސް އެ ތަނުގައި އިމާރާތެއް އެޅުމުގެ މަގު ނުދައްކައި އަދި އެ ރަށެއްގައި އަސާސީ ހިދުމަތްތައް ގާއިމްނުކޮށް، ފަސް އަހަރު ތެރޭގައި ގޯތީގައި ދިރިއުޅެން ނުފަށާ ނަމަ އެ ގޯއްޗެއް އަތުލުން އިންސާފުވެރި ނޫން ކަމަށެވެ.

"މިއަދު ރައްޔިތުންގެ ގޯތި ނަގަން އަޅުގަނޑުމެން ބިލެއް ފާސްކުރާއިރުގައި އެ ގޯތީގައި ރައްޔިތުން ދިރިނޫޅެނީ ކީއްވެތޯ ވެސް އަޅުގަނޑުމެންނަށް ސާފުކޮށް އިނގެން އެބަޖެހޭ. އެއީ ރައްޔިތުންގެ މައްސަލައެއް ނޫން. އެ ހިދުމަތާއި އެ ފުރުސަތާއ، އެ ތަނަވަސް ކަމާއި އެ ބޭންކު ލޯނާއި އެ ހުރިހާ އެއްޗެއް ހަމަކޮށްދީފައި ދެން އެތާ ރައްޔިތު މީހާ ނެތީމާ ބުނަންޖެހެނީ ފަސް އަހަރު ދުވަހު ނޫޅެންޏާ ގެ ނެގޭނޭ،" ޣަފޫރު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox