ޕީއެސްއެމް ހިމަނައިގެން ބިގްގެ 78 މިލިއަން ރުފިޔާގެ މައްސަލަ އަލުން ބަލަން ހައި ކޯޓުން އަންގައިފި

ޕީއެސްއެމް: އެ ކުންފުނިން މައްސަލަ ކޯޓަށް ހުށަހެޅީ ބިގްއަށް 30 މިލިއަން ރުފިޔާ ދިނުމަށް ފަހު -- ފޮޓޯ: އަބްދުﷲ އިޔާން/އަދަދު

ޕީއެސްއެމް: އެ ކުންފުނިން މައްސަލަ ކޯޓަށް ހުށަހެޅީ ބިގްއަށް 30 މިލިއަން ރުފިޔާ ދިނުމަށް ފަހު -- ފޮޓޯ: އަބްދުﷲ އިޔާން/އަދަދު

ކުރީގެ ރައީސް މުހައްމަދު ނަޝީދުގެ ސަރުކާރުގައި ވުޖޫދުކުރި މޯލްޑިވްސް ނޭޝަނަލް ބްރޯޑްކާސްޓިން ކޯޕަރޭޝަން (އެމްއެންބީސީ) އިން ބިޒްނަސް އިމޭޖިން ގްރޫޕް (ބިގް) އަށް ފައިސާ ދައްކަން ސިވިލް ކޯޓުން ހުކުމް ކުރި މައްސަލައެއް އަލުން ބަލަން ހައި ކޯޓުން މިއަދު ހުކުމްކޮށްފި އެވެ.

ހައި ކޯޓުން އަލުން ބަލަން އެންގީ އެމްއެންބީސީއާ ވެވުނު އެއްބަސްވުމެއްގެ ދަށުން ބިގްއަށް 78.5 މިލިއަން ރުފިޔާ ދޭން ދަށު ކޯޓުން ކުރި ހުކުމެކެވެ. މި މައްސަލަ ހައި ކޯޓުގައި އިސްތިއުނާފުކުރީ ޕަބްލިކް ސާވިސް މީޑިއާ (ޕީއެސްއެމް) އިންނެވެ.

ޕީއެސްއެމްއިން މި މައްސަލައިގެ ތެރެއަށް ވަދެ، މައްސަލަ ކޯޓަށް ހުށަހެޅީ، 2016 ގައި ސިވިލް ކޯޓުން ކުރި ހުކުމަށް އަމަލުކުރަން ކަމަށް ބުނެ 2019 ގައި ބިގްއަށް ފައިސާތަކެއް ދޫކުރުމަށް ފަހުގަ އެވެ. ހުކުމުގައިވާ ގޮތުގައި ޕީއެސްއެމްއިން ފައިސާ ދެއްކުން ހުއްޓާލީ، އެންޓި ކޮރަޕްޝަން ކޮމިޝަން (އޭސީސީ) ގެ އިރުޝާދަކާ ގުޅިގެން ފިނޭންސް މިނިސްޓްރީން އަންގައިގެންނެވެ.

Advertisement

ފައިސާ ދެއްކުން ހުއްޓާލިއިރު ޕީއެސްއެމްއިން ވަނީ ފިނޭންސްއިން ލޯނެއް ނަގައިގެން ބިގްއަށް 30 މިލިއަން ރުފިޔާ ދައްކާފަ އެވެ. ޕީއެސްއެމްއިން ކޯޓުގައި ބުނީ ބިގްއަށް މި ފައިސާ ދޫކުރީ "ނޭނގިގެން ނުވަތަ އޮޅިގެން" ކަމަށެވެ.

މި މައްސަލައިގައި ހައިކޯޓުން މިއަދު ކުރި ހުކުމުގައި ވަނީ ޕީއެސްއެމް ހިމަނައިގެން ދަށު ކޯޓުގައި އަލުން މައްސަލަ ކުރިއަށް ގެންދިއުމަށް އެ މައްސަލަ ސިވިލް ކޯޓަށް ތަހުވީލުކޮށްފަ އެވެ. ސަބަބެއް ކަމަށް، މި މައްސަލައިގައި އަގުލަބިއްޔަތު ލިބުނު ފަނޑިޔާރު ފަރުހީޒާގެ ރައުޔުގައި ބަޔާންކޮށްފައިވަނީ، މި މައްސަލައިގައި މަސްލަހަތު ބޮޑުކަމަށް ފެންނަނީ ދަށު ކޯޓުގައި ޕީއެސްއެމްއަށް ބަސް ބުނުމުގެ ފުރުސަތުދީ، ޝަރީއަތްކުރެވުމުން ކަމަށް ވާތީ އެވެ.

ފަނޑިޔާރު ފަރުހީޒާގެ ރައުޔަށް ތާއީދުކުރެއްވީ ފަނޑިޔާރު ހަސަން ޝަފީއު އެވެ. މި މައްސަލައިގައި ރައުޔު ތަފާތުވީ ފަނޑިޔާރު މުހައްމަދު ނިޔާޒު ނިންމެވީ ޕީއެސްއެމްއަކީ އެމްއެންބީސީގެ ދަރަންޏަށް ޒިންމާވާން ޖެހޭނެ ފަރާތަކަށް ނުވާތީ ސިވިލް ކޯޓުގެ ހުކުމަށް ބަދަލެއް ގެންނަން ޖެހޭ ތަނެއް ނެތް ކަމަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox