ބާޒާރުގައި މިއަދު މޭވާ ވަރަށް ތިޔާގި، އެކަމަކު ދިވެހި ފެޝަންފުރުޓެއް ނެތް!

މާލޭ ލޯކަލް މާރުކޭޓުގައި މޭވާ ވަރަށް ތިޔާގިކޮށް -- ފޮޓޯ: މުހައްމަދު ޝަހުޒާން

މާލޭ ލޯކަލް މާރުކޭޓުގައި މޭވާ ވަރަށް ތިޔާގިކޮށް -- ފޮޓޯ: މުހައްމަދު ޝަހުޒާން

މާލޭ ލޯކަލް މާރުކޭޓުގައި މިއަދު ގޮޅިތަކުން މޭވާގެ ތިޔާގިކަން ފެނިގެންދިޔައިރު، އެންމެ ބޮޑަށް އަޅައިގަތީ ގޮޅިތަކުގައި ދިވެހި ފެޝަންފްރުޓު ލިބެން ނެތުމެވެ.

ބާޒާރުގައި މުޅިންހެން ހުރީ ޔުގާންޑާއިން ގެނެސްފައި ހުރި ފެޝަންފްރުޓެވެ. ކިލޯއެއް ލިބެން ހުރީ 100ރ. އިން 150ރ. އާ ދެމެދުގެ އަގެއްގަ އެވެ.

ދިވެހި ފެޝަންފްރުޓު ނެތީ ކީއްވެތޯ "އަދަދު" އިން ގޮޅިތަކާ ސުވާލުކުރުމުން ބުނީ ދިވެހި ފެޝަންފްރުޓު ލިބެން އަދި ދުވަސްކޮޅެއް ނަގާނެ ކަމަށާއި ޔުގާންޑާގެ ފެޝަންފްރުޓު ވިއްކަން ޖެހުނީ ދިވެހި ފެޝަންފްރުޓު ނުލިބިގެން ކަމަށެވެ.

ކުރުނބާ އާއި ކަރާ ބާޒާރުގައި ފެނިގެންދިޔައީ ވަރަށް ތިޔާގިކޮށެވެ. އެގޮތުން ކުރުނބަލެއް 30ރ. އިން 50ރ. އާ ދެމެދުގެ އަގަކަށް ލިބެން ހުރިއެިރު، ކަރާ ކިލޯއެއް ލިބެން ހުރީ 17ރ. އިން ފެށިގެން 20ރ. އާ ދެމުގެ އަގެއްގަ އެވެ. އަދި އަލަނާސި ކަރައެއް 30ރ. އާއި 35ރ. އާ ދެމެދުގެ އަގެއްގައި ލިބެން ހުއްޓެ އެވެ.

ދޮންކެޔޮ ކިލޯއެއް 55ރ. އާއި 65ރ. އާ ދެމެދުގެ އަގަކަށް ލިބެން ހުރިއިރު، ފަޅޯ ކިލޯއެއް ލިބެން ހުރީ 55ރ. އާއި 65ރ. އާ ދެމެދުގެ އަގެއްގަ އެވެ. އަދި ފޭރު ކިލޯއެއް ލިބެންހުރީ 85ރ. އަށެވެ.

އާފަލެއް 5ރ. އަދި 6ރ. އަށް ލިބެން ހުރިއިރު އޮރެންޖުގެ އަގު އަދިވެސް ހުރީ 7ރ. އާއި 8ރ. އަށެވެ. މެންޑަރިން ކިލޯއެއް 60ރ. އާއި 70ރ. އާ ދެމެދު ހުރިއިރު، މެންގޯ ސްޓީމް ކިލޯއެއް ލިބެން ހުރީ 150ރ. އަށެވެ.

ގްރޭޕްސް ކިލޯއެއް 130ރ އާއި 150ރ. އާ ދެމެދުގެ އަގެއްގައި ހުރިއިރު، 250 ގްރާމުގެ ސްޓްރޯބެރީ ތަށްޓެއް ލިބެން ހުރީ 60ރ. އާއި 70ރ. އާ ދެމެދުގެ އަގެއްގަ އެވެ. އަދި ރޯ ކަދުރުގެ 100 ގްރާމު 50ރ. އަށް ލިބެންހުރިއިރު، އަންނާރު ކިލޯއެއް ލިބެން ހުރީ 110ރ. އަށެވެ.

މީގެ އިތުރުން، އަނބު ކިލޯއެއް 100ރ. އާއި 150ރ. އާ ދެމެދުގެ އަގެއްގައި ލިބެން ހުރިއިރު، ރަންބުސްތާނުގެ 100 ގްރާމު ލިބެން ހުރީ 15ރ. އާއި 20ރ. އާ ދެމެދުގެ އަގެއްގަ އެވެ. އަދި ލަންކާއިން ގެނެސްފައި ހުރި ޑޫރިއާން ކިލޯއެއް ވިއްކަނީ ކިލޯއެއް 150ރ. އަށެވެ.

ފަތްޕިލާވެއްޔަށް ބަލާއިރު ލެޓިއުސް ކިލޯއެއް ލިބެން ހުރީ 30ރ. އިން 50ރ. އާ ދެމެދުގެ އަގެއްގައި ކަމަށްވާއިރު، ކޮޕީފަތް ބޮނޑިއެއް ލިބެން ހުރީ 20ރ. އަށެވެ. ކޮޕީފަތެއް 4ރ. އަށް ލިބެން ހުރިއިރު، ތިނެތި ހުރި ބޮނޑިއެއް ލިބޭ އަގަކީ 10ރ. އެވެ. އަދި ކަންކުން ބޮނޑިއެއް 5ރ. އަށް ލިބެން ހުއްޓެވެ.

ކުއްޅަފިލާފަތް ބޮނޑިއެއް 20ރ. އަށް ލިބެން ހުރިއިރު، ކިއުކަމްބާ ކިލޯއެއް ލިބެން ހުރީ 25ރ. އާއި 35ރ. އާ ދެމެދުގެ އަގެއްގަ އެވެ. އަދި ރާންބާފަތެއް 5ރ އަށް ލިބެން ހުރިއިރު، ހިކަނދިފަތް ބޮނޑިއެއް ލިބެން ހުރީ 10ރ އަށެވެ.

ބާޒާރުގައި ބަނބުކެޔޮ ކިލޯއެއް 40ރ. އަށް ލިބެން ހުރިއިރު، ބަޝި ކިލޯއެއް ލިބެން ހުރީ 45ރ. އަށެވެ. އަދި ތޮރާ ކިލޯއެއް 20ރ. އަށް ލިބެން ހުރިއިރު، ކައްޓަލަ ކިލޯއެއް ލިބެން ހުރީ 130ރ. އަށެވެ.

ބާޒާރުގައި ލުނބޯގެ އަގު 70ރ. ގައި މިއަދުވެސް ހިފެހެއްޓިފައިވާއިރު، ކާށްޓެއް ލިބެން ހުރީ 5ރ. އާއި 15ރ. އާ ދެމެދުގެ އަގެއްގަ އެވެ. އަދި ގަބުޅިއެއް ލިބެން ހުރީ 20ރ. އަށެވެ.

ލާމު މިރުސް މިއަދުވެސް އަގުބޮޑުއިރު، ކިލޯއެއް ލިބެން ހުރީ 800ރ. އަށެވެ. އަދި 100 ގްރާމު ލިބެން ހުރީ 80ރ އަށެވެ. ކަނޑޫދޫ މިރުހުގެ 100 ގްރާމު ލިބެން ހުރީ 85ރ. އަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox