އަލޮންސޯ ގޮސްފިނަމަ ލެވަކޫސަނުން ބޭނުންވަނީ ރައުލް

Mar 7, 2024, 4:54 AM
އަލޮންސޯ ގޮސްފިނަމަ ލެވަކޫސަނުން ބޭނުންވަނީ ރައުލް

މެޑްރިޑް (މާޗް 7) - މި ވަގުތު ޑިމާންޑް ބޮޑުކޮށް ފެންނަ ބަޔާ ލެވަކޫސަންގެ ކޯޗު ޒަބީ އަލޮންސޯ، އެ ޓީމު ދޫކޮށްލައިފިނަމަ އެ މަގާމަށް އެ ޓީމުން ގެންނަން ބޭނުންވަނީ، ރެއާލް މެޑްރިޑްގެ ޔޫތު ޓީމުގައި ކޯޗަކަށް ހުރި ސްޕެއިނުގެ ކުރީގެ ކެޕްޓަން، ރައުލް ގޮންޒާލޭޒް ކަމަށް ރިޕޯޓްތައް ބުނެފި އެވެ.

ރެއާލް މެޑްރިޑްގެ އިތުރުން ޝާލްކާ އާއި އަލް ސާދު އަދި ނިއުޔޯކް ކޮސްމޯސަށް ކުޅުނު ފޯވާޑް، ރައުލް، 2015 ވަނަ އަހަރު ފުޓްބޯޅަ އިން ރިޓަޔާކުރުމަށް ފަހު، ކޯޗިން މަސައްކަތް ފެށީ 2015 ވަަނަ އަހަރު ރެއާލްގެ 15 އަހަރުން ދަށުގެ ޓީމުންނެވެ.

ރައުލް ރެއާލްގެ ބީ ޓީމު (ކަސްޓީއާއާ) ހަވާލުވީ 2019 ވަނަ އަހަރު އެވެ.

ލެވަކޫސަންގެ ކޯޗު، އަލޮންސޯ، ގެންދިއުމުގެ މަޝްވަރާތައް ބަޔާން މިއުނިކުން ވަނީ ފަށައިފަ އެވެ. އެހެންވެ، ލެވަކޫސަނުން މިހާރު އަންނަނީ އަލޮންސޯ އެ ޓީމު ދޫކޮށްލައިފިނަަމަ އެ ޓީމުން ދެން ގެންނާނެ ކޯޗެއްގެ ކަންކަން ވެސް މަޝްވަރާ ކުރަމުންނެވެ. އެ ލިސްޓުގެ ކުރީގައި އޮތް އެއް ނަމަކީ، ރައުލް އެވެ.

މިދިޔަ 12 ވަރަކަށް މަސް ދުވަސް ތެރޭ ރައުލް އަށް ވަނީ ޖަރުމަނު ލީގުގެ ދެ ކްލަބެއްގެ ހުށަހެޅުން ލިބިފަ އެވެ. އެއީ، ރައުލް ކުރިން ކުުޅުނު ޝާލްކާގެ އިތުރުން ޔޫނިއަން ބާލިން އިންނެވެ. އެ ދެ ކްލަބުން އޭނާގެ ޑިމާންޑްތަކަށް ނުރުހޭތީ، އެ އޮފާތައް ދޫކޮށްލަން ރައުލް ނިންމި އެވެ.

ރެއާލްގެ ބީ ޓީމު ދޫކޮށްލައި، ރައުލް، ވަނީ ވިޔަރެއާލާ ހަވާލުވާން މަޝްވަރާކޮށްފަ އެވެ. އެކަމަކު، ފަހު ވަގުތު ކޮންޓްރެކްޓްގައި ވަކި މާއްދާތަކެއް ނުހިމަނަން، ވިޔަރެއާލުން ނިންމުމުން ރައުލް ވަނީ އެ އޮފާ އަށް ވެސް ފުރަގަސްދީފަ އެވެ.

ވަރަށް އަވަހަށް ޔޫރަޕްގެ ވަރުގަދަ ފަސް ލީގުގެ ތެރެއިން ލީގެއްގައި ކޯޗިން މަސައްކަތް ކުރާނެ ކަމަށް ރައުލް ވަނީ ވަރަށް ފަހު ބޭއްވި ކުޅިވަަރުގެ ފޯރަމް އެއްގައި ދިން ސުވާލެއްގެ ޖަވާބުގައި ބުނެފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox