އެޕޯލޯ ކުންފުނިން ހުޅުމާލޭގައި ތަރައްގީކުރާ ނުވަ އެޕާޓްމަންޓް ކޮމްޕްލެކްސްއަށް ބޭނުންވާ 46 ލިފްޓް ސަޕްލައިކޮށް އިންސްޓޯލް ކުރުމަށް ސްްޓޭޓް ޓްރޭޑިން އޯގަނައިޒޭޝަން (އެސްޓީއޯ) އާ ހަވާލުކޮށްފި އެވެ.
އެސްޓީއޯ އިން ބުނީ އެޕޯލޯއިން ތަރައްގީ ކުރާ ފުރަތަމަ ދެ ޓަވަރަށް މި އަހަރު ތެރޭގައި ލިފްޓު ސަޕްލައި ކޮށް، އިންސްޓޯލް ކުރެވިގެންދާނެ ކަމަށެވެ.
މި އެއްބަސްވުމުގެ ދަށުން ކޮންމެ ޓަވަރެއްގައިވެސް މަދުވެގެން ޖުމްލަ ފަސް ލިފްޓް ކުރާނެ އެވެ.
ލިފްޓު މާކެޓުގައި މިހާރު ރާއްޖޭގައި އެންމެ މަގްބޫލު އެއް ލިފްޓު ބްރޭންޑް ކަމަށްވާ "ކޯނޭ" ގެ ރާއްޖޭގެ ޑިސްޓްރިބިއުޓަރަކީ އެސްޓީއޯ ކަމަށްވާއިރު، އެ ކުންފުނިން ވަނީ ބޮޑެތި ރިއަލް އެސްޓޭޓު ޕްރޮޖެކްޓް ތަކަށް ކޯނޭ ލިފްޓު ހަރުކޮށް ދީފަ އެވެ.
"އެޕޯލޯ ޓަވަރު ތަކުގައި ހަރުކުރެވިގެންދާ ކޯނޭ ލިފްޓުތައް ވެގެން ދާނީ އެންމެ ޒަމާނީ އަދި ޓެކްނޮލޮޖީގެ ގޮތުން އެންމެ ކުރިއަރާފައިވާ ފީޗާތައް ހިމެނިގެންދާނެ ލިފްޓްތަކަށް،" އެސްޓީއޯ އިން ބުނެ އެވެ.
ކޯނޭ ބްރޭންޑަކީ ދުނިޔޭގައި ލިފްޓާއި އެސްކެލޭޓާ އިންޑަސްޓްރީގެ މަޝްހޫރު ބްރޭންޑަކަށް ވާއިރު، "މެޝިންރޫމްލެސް" ލިފްޓް ދުނިޔެއަށް ތައާރަފު ކުރީ މި ބްރޭންޑުންނެވެ.
