އިހަވަންދިއްޕޮޅު އެސްއީޒެޑަކަށް، އެތަނުގައި ހިންގާ "މޯލްޑިވްސް އިކޮނޮމިކް ގޭޓްވޭ" މަޝްރޫއު ފްރީ ޒޯން ކުންފުންޏަށް

ޓްރާންސްޝިޕްމަންޓު ބަނދަރެއް ތަރައްގީކުރަން ސަރުކާރުން ގެންގުޅޭ ކޮންސެޕްޓެއް: ލ. ގާދޫގައި ވެސް ބަނދަރެއް ތަރައްގީކުރުމުގެ ސަރުކާރުން ގެންގުޅޭ -- ފޮޓޯ: އިކޮނޮމިކް މިނިސްޓްރީ

ޓްރާންސްޝިޕްމަންޓު ބަނދަރެއް ތަރައްގީކުރަން ސަރުކާރުން ގެންގުޅޭ ކޮންސެޕްޓެއް: ލ. ގާދޫގައި ވެސް ބަނދަރެއް ތަރައްގީކުރުމުގެ ސަރުކާރުން ގެންގުޅޭ -- ފޮޓޯ: އިކޮނޮމިކް މިނިސްޓްރީ

އިހަވަންދިއްޕޮޅު ތަރައްގީކުރަން ސަރުކާރުން ގެންގުޅޭ ތަސައްވުރު ހަގީގަތަކަށް ހެދުމަށް ކުރަމުންދާ މަސައްކަތުގެ ތެރެއިން އެ ސަރަހައްދު ސްޕެޝަލް އިކޮނޮމިކް ޒޯން (އެސްއީޒެޑް)އެއްގެ ގޮތުގައި ކަނޑައަޅައި، "މޯލްޑިވްސް އިކޮނޮމިކް ގޭޓްވޭ" މަޝްރޫއުގެ ނަންދީފަ އެވެ.

ވަޒީރުންގެ މަޖިލީހުގެ މިއަދުގެ ބައްދަލުވުމުގައި މިގޮތަށް ނިންމީ މިކަމާ ގުޅޭގޮތުން އިކޮނޮމިކް މިނިސްޓްރީން ހުށަހެޅި ކަރުދާހަކާ ގުޅޭގޮތުން މަޝްވަރާ ކުރުމަށް ފަހުގަ އެވެ. އިކޮނޮމިކް މިނިސްޓްރީން ހުށަހެޅީ މި ޕްރޮޖެކްޓު ހިންގުން މި ސަރުކާރުން އުފައްދާފައިވާ މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯނު (އެމްއައިޑީއެފްޒީ) ކުންފުންޏާ ހަވާލުކުރުމަށެވެ.

ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި މިކަމުގެ މައުލޫމާތު ދެމުން އެ އޮފީހުގެ ޕްރިންސިޕަލް ސެކެޓްރީ އޮން ޕަބްލިކް ޕޮލިސީ އަބްދުﷲ ނާޒިމް އިބްރާހިމް ވިދާޅުވީ، މިނިސްޓްރީގެ ހުށަހެޅުމާ އެއްގޮތަށް އިހަވަންދިއްޕޮޅުގެ މާސްޓާ ޑިވެލޮޕަރަކަށް އެމްއައިޑީއެފްޒީ ހަމަޖައްސައި އެ ސަރަހައްދުގެ ޑިވެލޮޕްމަންޓް ރައިޓްސް އެ ކުންފުންޏަށް ދީފައިވާ ކަމަށެވެ.

އިހަވަންދިއްޕޮޅުގައި ސަރުކާރުން ކުރަން ރާވާފައިވާ މައިގަނޑު މަސައްކަތަކީ ޓްރާންސްޝިޕްމަންޓް ބަނދަރަކާއި ބަންކަރިން ހިދުމަތް ދެވޭ ގޮތަށް މެރިޓައިމް ހަބެއް ތަރައްގީކުރުމެވެ. އެކަމަކު މިއީ އިންޓަގްރޭޓަޑް މޮޑެލްއަށް ތަރައްގީކުރެވިގެންދާ ސަރަހައްދެއް ކަމުން ރިއަލް އެސްޓޭޓް އާއި ޓޫރިޒަމާއި އިގުތިސޯދީ ވިލުންވެރިކަމަށް މުހިންމު އެހެން މަސައްކަތްތައް ވެސް މި ސަރަހައްދުގައި ކުރެވޭނެ އެވެ.

މި މަސައްކަތް ކުރާ އެމްއައިޑީއެފްޒީއަކީ ދިވެހި އިގުތިސޯދީ ރައްކާތެރިކަން ކަށަވަރުކުރުމަށާއި ވެލިއު އެޑް ކުރުމަށާއި ޓްރާންސްޝިޕްމަންޓާއި ރީއެކްސްޕޯޓު ވިޔަފާރިއަށް ހާއްސަކޮށް އުފެއްދި ކުންފުންޏެކެވެ. މި ކުންފުނި ހިއްސާވަނީ ސަރުކާރު ހިއްސާވާ ބޮޑު ފަސް ކުންފުންޏެއް ކަމުގައިވާ އެސްޓީއޯ އާއި އެޗްޑީސީ އާއި އެމްޕީއެލް އާއި އެމްޓީސީސީ އަދި އެމްއޭސީއެލް އެވެ.

ނާޒިމް ވިދާޅުވި ގޮތުގައި މިއީ އެތައް ބިލިއަން ޑޮލަރުގެ ޕްރޮޖެކްޓެކެވެ. އެހެންކަމުން މިކަމާ ގުޅޭ ގޮތުން ވަޒީރުންގެ މަޖިލީހުގައި ވަރަށް ފުޅާކޮށް މަޝްވަރާކުރެވުނު ކަމަށް އޭނާ ވިދާޅުވި އެވެ.

"އެ އިންވެސްޓްމަންޓުގެ ބޮޑުކަމާއި އެތަނުގައި ކުރަން ހުރި ކަންތައްތަކާއި ސްޓޭޖުތަކަށް ބަހާލައިގެން ކުރިއަށް ގެންދާނެ ގޮތާއި މިހާރު ކައިރީގައި އޮތް އެއާޕޯޓަށް އޭގެ ސަބަބުން އަންނާނެ ޑިވެލޮޕްމަންޓާއި ހޯރަފުށީގައި އެ އޮތް އެއާޕޯޓަށް އަންނާނެ ޑިވެލޮޕްމަންޓާއި އެއާޕޯޓު އިތުރަށް ފުޅާކުރުމުގައި ގެންގުޅެވޭނެ ގޮތްތަކާއި އެތަނުން ދޭނެ ހިދުމަތްތަކާއި، އަޅުގަނޑު މި ދައްނަވާލީ ހަމަ ކުރު ގޮތަކަށް ކެބިނެޓުގައި ނިންމުނު ކަލެކްޓިވް ޑެސިޝަން" މަޝްރޫއާ ގުޅޭ އިތުރު ބައެއް މައުލޫމާތު ހިއްސާކުރައްވަމުން ނާޒިމް ވިދާޅުވި އެވެ.

އިހަވަންދިއްޕޮޅު މަޝްރޫއު

ރާއްޖޭގެ އެންމެ އުތުރުން އޮންނަ އިހަވަންދިއްޕޮޅު އަތޮޅު އޮންނަނީ އިންޑިއާ ކަނޑުގެ މާލީ މުއާމަލާތްތައް ހިނގާ ޝިޕިންގެ އިރުމައްޗަށް އަދި ހުޅަނގަށް ދަތުރުކުރާ މައި ލޭނުގަ އެވެ. މި ސަރަހައްދުން ދުވާލަކު 300 އަށް ވުރެ ގިނަ ބޮޑެތި އާގު ބޯޓު ހުރަސް ކުރާ ކަމަށް މެރިޓައިމް މޫވްމަންޓްސްގެ ތަފާސްހިސާބުތަކުން ދައްކަ އެވެ.

މިކަމުގައި ފައިދާ ނަގައި، އިހަވަންދިއްޕޮޅުގައި އިންޓަނޭޝަނަލް ޕޯޓެއް ތަރައްގީ ކުރުމަކީ ކޮންމެ ސަރުކާރެއްގެ ވެސް ޕްލޭނުގައި އޮންނަ ކަމެކެވެ. ކުރީގެ ރައީސް އަބްދުﷲ ޔާމީނުގެ ވެރިކަމުގައި "އައި-ހެވަން" ގެ ނަމުގައި ޕްރޮޖެކްޓެއް ޑިޒައިން ކުރި ނަމަވެސް އެ މަސައްކަތް އޭރު އެހާ ބޮޑަކަށް ކުރިއަކަށް ނުދެ އެވެ.

ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި ވެސް މަސައްކަތްތަކެއް ކޮށްފައިވެ އެވެ. އަދި އިކޮނޮމިކް މިނިސްޓްރީން އެތަނުގައި ޓްރާންސްޝިޕްމަންޓް ބަނދަރެއް ތަރައްގީކުރާނެ ބަޔަކު ހޯދަން މަސައްކަތް ކުރި އެވެ. އަދި ފަހުން އެސްޓީއޯއިން ބޮޑެތި އާގު ބޯޓުފަހަރަށް ތެޔޮ އަޅައިދިނުމުގެ ހިދުމަތް ފަށަން ގަތަރުގެ އާބަކޮން ޓްރޭޑިން އެންޑް ކޮންޓްރެކްޓިންއާ މަސައްކަތް ހަވާލުކުރި އެވެ.

އެ ޕްރޮޖެކްޓްގެ ދަށުން އިހަވަންދިއްޕޮޅުގައި ތަރައްގީ ކުރާ ޕޯޓު ސިޓީގައި ތެލުގެ ގައުމީ ސްޓްރެޓެޖިކް ރިޒާވެއް ހަދާނެ އެވެ. ބަންކަރިން ހިދުމަތާ އެކު، ޝިޕިން އެޖެންސީ އާއި ކްރޫ ޗޭންޖާއި ޝިޕް ހޭންޑްލިން ނުވަތަ ބޯޓު ފަހަރު ސާވިސް ކުރުމާއި މަރާމާތު ކުރުމާއި ސްޕެއާ ޕާޓްސް ފޯރުކޮށްދޭނެ އެވެ. މުއިއްޒުގެ ވައުދަކީ ވެސް އެ މަސައްކަތްތައް ކުރިއަށް ގެންދިޔުމެވެ.

ފަހުން ސަރުކާރުން ބުނީ އެ މަޝްރޫއު ރިވިއުކުރަމުން އަންނަ ކަމަށެވެ. ނަމަވެސް މަޝްރޫއު ހުއްޓާނުލާނެ ކަމުގެ ޔަގީންކަން އިކޮނޮމިކް މިނިސްޓަރު މުހައްމަދު ސައީދު ރައްޔިތުންގެ މަޖިލީހުގައި ވިދާޅުވެފައިވެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox