އެސްބީއައިއަށް ވިއްކާފައިވާ 50 މިލިއަން ޑޮލަރުގެ ބޮންޑުގެ ދަރަނި ހަލާސްކޮށްފި

މޯލްޑިވްސް މަނިޓަރީ އޮތޯރިޓީގެ އިދާރާ: މި ފައިސާ ދައްކައިފައި ވަނީ ބޭރު ފައިސާގެ ދަތިކަން ބޮޑު ދަނޑިވަޅެއްގައި -- އަދަދު ފައިލް ފޮޓޯ

މޯލްޑިވްސް މަނިޓަރީ އޮތޯރިޓީގެ އިދާރާ: މި ފައިސާ ދައްކައިފައި ވަނީ ބޭރު ފައިސާގެ ދަތިކަން ބޮޑު ދަނޑިވަޅެއްގައި -- އަދަދު ފައިލް ފޮޓޯ

އިންޑިއާ ސަރުކާރު މެދުވެރިވެގެން ސްޓޭޓް ބޭންކް އޮފް އިންޑިއާ (އެސްބީއައި) އަށް މިދިޔަ އަހަރުގެ ޖެނުއަރީގައި ވިއްކާފައިވާ 50 މިލިއަން ޑޮލަރު (771 މިލިއަން ރުފިޔާ) ގެ ޓްރެޝަރީ ބޮންޑަށް ދިވެހި ސަރުކާރުން ފައިސާ ދައްކައި ދަރަނި ހަލާސްކޮށްފި އެވެ.

އެސްބީއައިއަށް ވިއްކި ޓްރެޝަރީ ބޮންޑަކީ ޑޮލަރަށް ދަތިވެގެން ކުރީ ސަރުކާރުން، މިދިޔަ ނޮވެމްބަރުގައި އަނބުރާ ދައްކާ ގޮތަށް ވިއްކި ބޮންޑެކެވެ. މައުލޫމާތު ލިބިފައިވާ ގޮތުގައި އެސްބީއައިން ބޮންޑަށް ފައިސާ ދައްކާ މުއްދަތު މިދިޔަ ހޯމައާ ހަމައަށް ދައްމާލަން ހުއްދަ ދިނީ އެ ސަރުކާރުން އެދިގެންނެވެ.

މިކަމާ ގުޅޭ ގޮތުން ފިނޭންސް މިނިސްޓަރު ޑރ. މުހައްމަދު ޝަފީގު "އަދަދު" އަށް މިިދިޔަ ހަފުތާގައި ވިދާޅުވީ އެ ސުންގަޑިއަށް ފައިސާ ދައްކާ ހަލާސްކުރުމަކީ ސަރުކާރުގެ ނިންމުމެއް ކަމަށެވެ. އޭނާ ވިދާޅުވީ ސަރުކާރާއި ފިނޭންސުގެ ވިސްނުމަކީ މިހެން ހުރި ހުރިހާ ދަރަނިތައް ދައްކައި ނިންމައި، ސަރުކާރުން އާންމުކޮށްފައިވާ ބޮރޮއިން ޕްލޭނާ އެއްގޮތަށް ފައިސާ ނަގަމުން ދިޔުން ކަމަށެވެ.

ޝަފީގު މިހެން ވިދާޅުވީ މުއްދަތު އިތުރުކޮށްދޭން އިންޑިއާގައި އެދުމުން މުއްދަތު އިތުރުކޮށް ނުދޭން ނިންމި ކަމަށް އަރާފައިވާ އަޑުތަކާ ގުޅިގެންނެވެ. އޭނާ ވިދާޅުވި ގޮތުން ނަމަ "އާދޭސް ދަންނަވައިގެން" ދަރަނި ރޯލްއޯވާ ކުރުމުގެ އެއްވެސް ވިސްނުމެއް މި ސަރުކާރުގައި ނެތެވެ.

ފާހަގަކޮށްލަން ޖެހޭ ގޮތުގައި މި ދަރަނި ދައްކަން ޖެހޭ ސުންގަޑި ހަމަވީ އިންޑިއާގެ ބޮޑުވަޒީރު ނަރެންދުރަ މޯދީއަށް ފުރައްސާރަކުރި މައްސަލައިގެ ހުޅުގަނޑު ފަޅައިގެން ދިޔަ ފަހުންނެވެ.

ސަރުކާރުން މި ދަރަނި އަދާކުރަން ނިންމާފައި ވަނީ އިންތިހާއަށް ބޭރު ފައިސާގެ ދަތިކަން ބޮޑު ދަނޑިވަޅެއްގަ އެވެ. މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ އެންމެ ފަހުގެ ފައިނޭންޝަލް ސްޓޭޓްމަންޓް ނުވަތަ ދައުލަތުގެ މާލީ ބަޔާނުން ދައްކާ ގޮތުގައި އަހަރު ނިމުނުއިރު ބޭރު ފައިސާ ރިޒާވުގައި ހުރީ 140 މިލިއަން ޑޮލަރެވެ.

މި ދަތިތައް ހުރި ނަމަވެސް، ސަރުކާރުގެ ޕްލޭނާ އެއްގޮތަށް ފައިސާ ނަގައިގެން ކުރިއަށްދާ ނަމަ އެއްވެސް އުނދަގުލެއް ކުރިމަތި ނުވާނެ ކަމުގެ ވަރަށް ބޮޑު ޔަގީންކަމެއް މިނިސްޓަރު ޝަފީގު ދެއްވި އެވެ.

އެގޮތުން އެތެރޭގެ ބާޒާރުންނާއި ބޭރުގެ ބާޒާރުން ބަޖެޓު ޑެފިސިޓު ފޫބައްދަން ބޭނުންވާ ފައިސާ ހަމަޖެހޭނެ ކަމަށް އޭނާ ވިދާޅުވި އެވެ. އަދި ސަރުކާރުން ބަލާނީ އެންމެ ހެޔޮ އަގުގައި ނެގެން ހުރި ފައިސާއެއް ނަގައިގެން ކުރިއަށް ދާން ކަމަށް ވެސް އޭނާ ވިދާޅުވި އެވެ.

ފިނޭންސް މިނިސްޓްރީން ވަނީ ހަރަދުތައް ހަމަޖައްސަން ބޭނުންވާ ފައިސާގެ ތެރެއިން 16.3 ބިލިއަން ރުފިޔާގެ ތެރެއިން 8.4 ބިލިއަން ރުފިޔާއަށްވާ ޑޮލަރު ދޭނެ އިންވެސްޓަރުންގެ ހުށަހެޅުންތަކަށް ހުޅުވާލާފަ އެވެ. އިތުރު 4.3 ބިލިއަން ރުފިޔާގެ ޓީބިލް ވިއްކަން މިދިޔަ އަންގާރައިގައި އިއުލާނެއް ވެސް ކޮށްފައިވެ އެވެ.

އޭގެ އިތުރުން 50 މިލިއަން ރުފިޔާގެ ޓްރެޝަރީ ބޮންޑެއް މޯލްޑިވްސް ސްޓޮކް އެކްސްޗޭންޖު މެދުވެރިކޮށް އަމިއްލަ ވިޔަފާރިތަކަށް ވިއްކާފައިވެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox