މާލޭގެ މިސްކިތްތައް ބަލަހައްޓަން މިސްކިތަށް އަރާ ހަރު މީހުން ހިމެނޭ ކޮމިޓީއެއް އުފައްދަން ސައިފް ހުށަހަޅުއްވައިފި

މާލޭ ސިޓީ މޭޔަރު ކަމަށް ވާދަކުރައްވާ ގަލޮޅު އުތުރު ދާއިރާގެ ކައުންސިލަރު ސައިފް ފާތިހް: ސައިފް ވާދަކުރައްވަނީ ދަ ޑިމޮކްރެޓްސްގެ ޓިކެޓުގައި -- ފޮޓޯ: މާލެ ސިޓީ ކައުންސިލް

މާލޭ ސިޓީ މޭޔަރު ކަމަށް ވާދަކުރައްވާ ގަލޮޅު އުތުރު ދާއިރާގެ ކައުންސިލަރު ސައިފް ފާތިހް: ސައިފް ވާދަކުރައްވަނީ ދަ ޑިމޮކްރެޓްސްގެ ޓިކެޓުގައި -- ފޮޓޯ: މާލެ ސިޓީ ކައުންސިލް

މާލޭގެ މިސްކިތްތައް ބަލަހައްޓަން, އެ މިސްކިތަށް އަރާ ހަރު މީހުން ހިމެނޭހެން ހާއްސަ ކޮމިޓީއެއް އެކުލަވާލަން, މާލޭ މޭޔަރު ކަމަށް ކުރިމަތިލާފައިވާ މުހައްމަދު ސައިފް ފާތިހް ހުށަހަޅުއްވައިފި އެވެ.

ރޭ ސަންގު ބަހުސްގައި ސައިފް ވިދާޅުވީ މިސްކިތްތައް ބެހެލެއްޓުމަކީ ފުލުހުން ލައިގެން ފޯރިމަރައިގެން ކުރެވޭނެ ކަމެއް ނޫން ކަމަށާއި, އެކަން ކުރެވޭނީ އިހުގައި އެކަން ކުރިހެން މުޖުތަމައުގެ އިސްނެގުމާއެކު ހިތު ލޯބިން ކަމަށެވެ.

"އެތަންތަނަކީ އަޅުގަނޑުމެން ޒަމާނުއްސުރެ ނެއިބަހުޑުން ބަލަހައްޓަމުން ދިޔަ އަޅުގަނޑުމެންގެ ހިތު ލޯބިން, އަޅުގަނޑުމެންގެ އަމިއްލަ ޖީބުން ހަރަދުކޮށްގެން, ހިސާބުގަނޑު މީހުން ބަލަހައްޓަމުން އައި ތަންތަން." ސައިފް ވިދާޅުވި އެވެ.

މިހާރު މިސްކިތްތައް ބަލަހައްޓަމުން ދަނީ ކޮންޓްރެކްޓް އުސޫލުން ސާފުކުރާ ކުންފުނިތަކަށް ދޫކޮށްގެންކަން ފާހަގަކޮށް ސައިފް ވިދާޅުވީ, އެކަން ކުރަން ބޭރު ބަޔަކަށް ދޫކޮށްނުލައްވާނެ ކަމަށެވެ. އަދި އެކަން ކުރާނީ ކައުންސިލުގެ މުވައްޒަފުންނާއި ބަޖެޓަކާ އެކު، މުޖުތަމައުގެ ބައިވެރިވުމާ އެކު ކަމަށެވެ.

މިސްކިތުގެ ރައްކާތެރިކަން ކަށަވަރުކުރަން ސެކިއުރިޓީ ވެސް ހުންނަންޖެހޭކަން ފާހަގަކޮށް އޭނާ ވިދާޅުވީ މިހާރު އޮތް ގޮތުން ނަމަ މިސްކިތްތަކުގައި މުޖުތަމައުގެ ދައުރު ކުޑަ ކަމަށެވެ. އެހެންކަމުން އޭނާ ހުށަހެޅުއްވީ މުޖުތަމައުގެ ބައިވެރިވުމާއެކު ކޮންމެ މިސްކިތަކަށް ވެސް އަރާ ހަރުއުމުރުގެ މީހުން ހިމެނޭ ގޮތަށް މިސްކިތް މެނޭޖު ކުރުމަށް ކޮމިޓީއެއް ސިޓީ ކައުންސިލުން އުފެއްދުމަށެވެ.

"އެ މިސްކިތަށް އަރާ މީހުން މިސްކިތަށް ހުންނަ ލޯތްބެއް އެހެން މީހުން ނުހުންނާނެ. އެ މީހުންނަށް ފެންނަ ތަންތަނެއް އެހެން މީހުންނަކަށް ނުފެންނާނެ. އެ މީހުންނަށް ތަން މުޑުދާރުވީމަ އެވާ އުނދަގުލެއް އެހެން މީހުންނަކަށް ނުވާނެ." އޭނާ ވިދާޅުވި އެވެ.

މިހާރު ވެސް މާލެ ސިޓީގެ ގަލޮޅު އުތުރު ދާއިރާގެ ކައުންސިލަރަކަށް ހުންނެވި ސައިފް ވިދާޅުވީ މިސްކިތްތަކަކީ އިލްމާއި އިޖުތިމާއީ ގުޅުމުގެ ސެންޓަރުތަކަކަށް ބަދަލުވާންޖެހޭ ކަމަށެވެ. އަދި އެތަންތަނުގައި މާލޭގެ އަހުލުވެރިންގެ ދަރިންނަށް ހިލޭ ގުރުއާން ކިޔަވައިދޭނެ އިންތިޒާމު ހަމަޖައްދާނެ ކަމަށް އޭނާ ވިދާޅުވި އެވެ.

"މިސްކިތްތައް ފަޅު ފިލީމައި އެތަނުގައި ނުސިޔާނު ކަންތައްތައް ކުރުން ދުރުވާނެ, އެކަމުން ސަލާމަތް ވެވޭނެ." މިސްކިތްތަކުގެ ފާހަނަތަކުގެ ތެރޭގައި މަސްތުވާތަކެތި ބޭނުން ކުރާ މައްސަލައަށް އިޝާރާތް ކުރައްވަމުން ސައިފް ވިދާޅުވި އެވެ.

މާލެ ސިޓީގެ މޭޔަރު ހޮވުމަށް ބާއްވާ އިންތިހާބު އޮންނާނީ މިމަހު 13، ގަ އެވެ. މި އިންތިހާބުގައި ދަ ޑިމޮކްރެޓްސްގެ ޓިކެޓުގައި ވާދަކުރައްވާ ސައިފްގެ އިތުރުން ވާދަކުރައްވަނީ އެމްޑީޕީގެ ޓިކެޓުގައި އާދަމް އާޒިމް އާއި ޕީޕީއެމް/ޕީއެންސީ ޓިކެޓުގައި އާއިޝަތު އާޒިމާ ޝަކޫރު އާއި އަމިއްލަ ގޮތުން ވާދަކުރައްވާ ޝުއެއިބު އަލީ އާއި ހުސައިން ވަހީދެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox