އައިއޯއައިޖީ 2023: ދިވެހި ކުޅިވަރުގެ ކާމިޔާބީގެ ތާރީހީ އުސްއަލި

އައިއޯއައިޖީގެ ކާމިޔާބީ ފާހަގަކުރަން ބޭއްވުނު އިވެންޓް.--- ފޮޓޯ: އަދަދު

އައިއޯއައިޖީގެ ކާމިޔާބީ ފާހަގަކުރަން ބޭއްވުނު އިވެންޓް.--- ފޮޓޯ: އަދަދު

ދިވެހި އެތުލީޓުން މި އަހަރު ފެށީ މިއީ ހާއްސަ އަހަރެއްކަން ދެކިގެންނެވެ. ހާއްސަކޮށް މި އަހަރަކީ މިދިޔަ ހަތަރު އަހަރު އެ އެތުލީޓުން ކުރި ތަމްރީނުތަކުގެ ނަތީޖާ ނުވަތަ އެ ތަމްރީނުތަކުން އެތުލީޓުން ކުރިއެރި ވަރު ދިވެހިން ވަޒަން ކުރާނެ އަހަރަކަށް ވުމުންނެވެ. އެއީ، ދިވެހި އެތުލީޓުން އެންމެ ތައްޔާރުވާ މުބާރާތް ނުވަތަ ގޭމްސްގެ ބޮޑު އަހަރަށް މި އަހަރު ވުމުންނެވެ. އިންޑިއަން އޯޝަން އައިލެންޑް ގޭމްސް (އައިއޯއައިޖީ) އަކީ އެތައް ގޮތަކުން އެތުލީޓުންނަށް ހާއްސަ ގޭމްސް އެެކެވެ.

އެންމެ ފަހުން، 2019 ވަނަ އަހަރު ބޭއްވި އައިއޯއައިޖީ އަކީ ދިވެހި އެތުލީޓުން ބޮޑު ކުރިއެރުމެއް ހޯދި މުބާރާތެކެވެ. ފަނަރަ މެޑައްޔާ އެކު އެ މުބާރާތް ނިންމާލީ ދިވެހިންނަށް ކުޅިވަރުން އުންމީދު ގެނުވަދީފަ އެވެ. އެހެންވެ، މި އަހަރުގެ މުބާރާތްވީ އެ މުބާރާތް ފެށުނުއިރު ވެސް އެތުލީޓުންނަށް އޮތް ޕްރެޝަރަކަށެވެ.

މި އަހަރުގެ މުބާރާތައް ރާއްޖޭގެ ކޮންޓިންޖެންޓް މަޑަގަސްކަރަ އަށް ދިޔައީ 23 އޯގަސްޓްގަ އެވެ. ރާއްޖޭގެ ކޮންޓިޖެންޓުގައި 300 އެއްހާ މީހުން ހިމެނޭއިރު, އޭގެ ތެރޭގައި ހިމެނެނީ 172 އެތުލީޓުންނާއި އޮފިޝަލުންގެ އިތުރުން މީޑިއާ ޓީމެވެ. މިއީ، މިހާ ބޮޑު ކޮންޓިންޖެންޓެއް ގޭމްސްއަކަށް ދިޔަ ފުރަތަމަ ފަހަރު ވެސް މެ އެވެ. އަދި މިފަހަރުގެ ގޭމްސްގެ ގިނަ އިވެންޓުތަކެއް ރާއްޖޭގެ މީޑިއާ ޓީމުން ވަނީ ލައިވްކޮށް ގެނެސްދީފަ އެވެ. މިއީ ގޭމްސްއެއްގެ ތެރެއިން ލައިވްކޮށް ރާއްޖޭގެ ރައްޔިތުންނަށް މެޗުތައް ގެނަސްދިން ފުރަތަމަ ފަހަރު ވެސް މެއެވެ.

Advertisement

ގައުމީ އަންހެން ޓީޓީ ޓީމުގެ ތަރި ދީމާ: އައިއޯއައިޖީގެ އަންހެން ސިންގަލްސް ބައިން ރަން މެޑަލް ވަނީ ދިފާއުކޮށްފައި.--- ފޮޓޯ: މޯލްޑިވްސް އޮލިމްޕިކް ކޮމިޓީ

މި އަހަރުގެ މުބާރާތުގައި ވެސް އެންމެ ގިނަ ކާމިޔާބީ ޓީޓީއާ ގުޅިފައި

އެންމެ ފަހުން މޮރީޝިއަސް ގައި 2019 ވަނަ އަހަރު ބޭއްވި އައިއޯއައިޖީ ގައި ވެސް އެންމެ ކާމިޔާބު ކުޅިވަރަކީ ޓޭބަލް ޓެނިސް އެވެ. އެ ފަހަރު ޓީޓީ އަންހެން ޓީމުން ވަނީ ހަތަރު ރަން މެޑަލް ހޯދާފަ އެވެ. މި އަހަރު މަޑަގަސްކަރާގައި ބޭއްވި މުބާރާތުުގައި ޓީޓީ ޓީމުން ވަނީ އެ ކާމިޔާބީ ތަކުރާރުކޮށްފަ އެވެ. އެގޮތުން ޓީޓީ އަންހެން ސިންގަލްސް ރަން އަދި ރިހި މެޑަލް ހޯދީ ދިވެހި އެތުލީޓުންނެވެ. މީގެ އިތުރުން އަންހެން ޑަބަލްސް, އަދި މިކްސް ޑަބަލްސް އިވެންޓުން ރަން މެޑަލް ދިވެހި އެތުލީޓުން ހޯދި އެވެ.

މޮރީޝިއަސްގައި ބޭއްވި މުބާރާތުން ޓީޓީ ޓީމަށް ގެއްލުނީ ހަމައެކަނި ފިރިހެން އިވެންޓުތަކުގެ މެޑަލް އެވެ. އެކަމަކު، މި ފަހަރު މަޑަގަސްކަރާގައި ބޭއްވި މުބާރާތުގައި ފިރިހެން ޓީމުން ވަނީ އެކަން ބަދަލުކޮށް ފުރަތަމަ ފަހަރަށް މެޑަލް ހޯދާފަ އެވެ. އެގޮތުން ފިރިހެން ސިންގަލްސްގެ ރިހި މެޑަލް ކާމިޔާބުކުރީ ޝައްފާން އެވެ.

ޓީޓީ ޓީމުން ޖުމްލަ ނުވަ މެޑަލް މި އަހަރުގެ ގޭމްސްގައި ހޯދާފައިވެ އެވެ.

މުޅިން އަލަށް ވާދަކޮށް ޓައިކްވޮންޑޯ ޓީމު ގޭމްސް ނިންމާލީ ހަތަރު މެޑަލްއާ އެކު

ޓައިކްވޮންޑޯ އަކީ މުޅިން އަލަށް މި އަހަރުގެ ގޭމްސްގައި ބައިވެރި ޓީމެކެވެ. މުބާރާތައް ފުރުމުގެ ކުރިންވެސް ޓައިކްވޮންޑޯ ޓީމުގެ ކޯޗު ފާހަގަކުރި އެއް ކަމަކީ އެ ކުޅިވަރާ މެދު އާންމުން ދެކޭ ގޮތް ބަދަލުކޮށްލާނެ ކަމެވެ. އަދި އެ ކުޅިވަރަކީ މިއަހަރުގެ މެޑަލް ލިސްޓުން ޖާގަ ހޯދާނެ ކުޅިވަރެއްކަން ޓައިކްވޮންޑޯ ޓީމުގެ ކޯޗު ފާހަގަކުރި އެވެ. ކަންވީ ވެސް އެހެންނެވެ. ޓައިކްވޮންޑޯ ޓީމުން މި ފަހަރުގެ ގޭމްސް ނިންމާލީ ހަތަރު މެޑަލްއާ އެކުގަ އެވެ. އެއީ ދެ ރިހި މެޑަލް އަދި ދެ ލޯ މެޑަލް އެވެ.

ބެޑްމިންޓަން ޓީމަށް ވެސް ކާމިޔާބު މުބާރާތެއް, ނިންމާލީ ހަތް މެޑަލްއާ އެކު

ބެޑްމިންޓަން ޓީމުން ވެސް މި އަހަރުގެ ގޭމްސް އަށް ނުކުތީ މެޑަލްތަކެއް ހޯދުމުގެ އަޒުމުގަ އެވެ. އެ އަޒުމުގަ ނުކުމެ ބެޑްމިންޓަން ޓީމުން ނުކުމެ, ހަތް މެޑަލް ހޯދި އެވެ. އެއީ ސިންގަލްސް އިވެންޓުން ފާތިމަތު ނަބާހާ (ނަބާ) ހޯދި ރިހި މެޑަލްއާ އަންހެން ޑަބަލްސް އިވެންޓުން ނަބާ އަދި އާމިނަތު ނަބީހާ (ނަބީ) ހޯދި ރަން މެޑަލްގެ އިތުރުން އަންހެން ޓީމް އިވެންޓާއި ފިރިހެން ޓީމު އިވެންޓުންނެވެ.

މީގެ އިތުރުން އިންޑިވިޖުއަލް އިވެންޓުތަކުން ރާއްޖޭގެ އެތުލީޓުން ވަނީ ލޯ މެޑަލް ހޯދާފަ އެވެ.

އެތުލެޓިކްސް, އުންމީދުކުރި ވަރަށްވުރެ މަދުވިޔަސް މުޅިން އަލަށް ގިނަ އިވެންޓުތަކަކުން މެޑަލް ހޯދި

މި އަހަރުގެ ގޭމްސްއަށް އެތުލެޓިކްސް ޓީމުން ނުކުތްއިރު, އެ ޓީމުން ގިނަ މެޑަލްތަކެއް ހޯދާނެ ކަމަށް ދިވެހިން އުންމީދުކުރި އެވެ.

އައިއޯއައިޖީގައި ވާދަކުރި ގައުމީ އަންހެން ރިލޭ ޓީމު.-- ފޮޓޯ: މޯލްޑިވްސް އޮލިމްޕިކް ކޮމިޓީ

އެހެން ނަމަވެސް އުންމީދުކުރި ވަރަށް އެތުލެޓިކްސް ޓީމަށް މެޑަލް ނުހޯދުނެވެ. އެކަމަކު، މުޅިން އަލަށް ބައެއް އިވެންޓުތަކުން އެތުލެޓިކްސް ޓީމުން މެޑަލް ހޯދި އެވެ. އެއީ އަންހެން ހަތަރެއް ގުނަ 100 މީޓަރުން ލޯ މެޑަލްއާ, އަންހެން ހަތަރެއް ގުނަ 400 މީޓަރުން ހޯދި ލޯ މެޑަލް އެވެ. މީގެ އިތުރުން ހަތަރެއް ގުނަ 100 މީޓަރުގެ މިކްސް ރިލޭ އިވެންޓުން ރާއްޖޭގެ ރިލޭ ޓީމު ވަނީ ލޯ މެޑަލް ހޯދައިފަ އެެވެ. ދެން ރާއްޖެ އަށް މެޑަލް ހޯދަ ދިނީ ޕެރަ އެތުލެޓިކްސްގެ 100 މީޓަރު ދުވުމުން އަބްދުއްރައްޒާގު އަބްދުއްސަމަދު އާއި ފާތިމަތު އިބްރާހިމް އެވެ.

ދެ ލޯ މެޑަލްއާއެކު ބާސްކެޓްގެ ކުރި މަގު އުޖާލާ

މި ފަހަރުގެ ގޭމްސް އަކީ ބާސްކެޓް އާއިލާއަށް އުންމީދު ގެނުވި ގޭމްސް އެކެވެ. ހާއްސަކޮށް ބާސްކެޓްގެ ތުރީ އޮން ތުރީ ޓީމުތަކުން ހޯދީ ފަހުރުވެރި ކާމިޔާބީ އެކެވެ. މި ގޭމްސްގެ ތުރީ އޮން ތުރީ އިވެންޓުގައި ބައިވެރިވި އެންމެ ޒުވާން ޓީމަކީ ރާއްޖޭގެ އަންހެން ތުރީ އޮން ތުރީ ޓީމެވެ. ޓީމުގެ ހަތަރު ކުޅުންތެރިންނަކީ ވެސް 19 އަހަރުން ދަށުގެ ކުޅުންތެރިންނެވެ. ގޭމްސްގައި ދެން ބައިވެރިވި ގައުމުތައް ސިއްސުވާލުމަށްފަހު އަންހެން ތުރީ އޮން ތުރީ ޓީމުން ވަނީ ލޯ މެޑަލް ހޯދައިފަ އެވެ.

އައިއޯއައިޖީގައި ތުރީ އޮން ތުރީ ފިރިހެން ޓީމުން ވެސް ވަނީ ލޯ މެޑަލް ހޯދައިފަ އެވެ.

ބާސްކެޓްގެ ފައިވް އޮން ފައިވް އަންހެން ޓީމުން މުބާރާތުގެ ތިން ވަނަ ހޮވާ މެޗުގައި ކުޅުނު ނަމަވެސް އެ ޓީމަށް މެޑަލް އެއްގައި އަތް ލުމުގެ ނަސީބު ވަނީ ނުލިބި އެވެ.

އައިއޯއައިޖީގައި ގައުމީ ފިިރިހެން ވޮލީ ޓީމުން މަޑަގަސްކަރާއާ ދެކޮޅަށް ކުޅުނު މެޗުގެ ތެރެއިން.---- ފޮޓޯ: މޯލްޑިވްސް އޮލިމްޕިކް ކޮމިޓީ

ވޮލީ ޓީމަށް ނާކާމިޔާބު, ހޭންޑްބޯލް ޓީމުން އުންމީދީ ނަތީޖާއެއް

މުބާރާތައް އެންމެ ދުރާލާ ތައްޔާރުވި އެއް ޓީމަކީ ގައުމީ ވޮލީ ޓީމެވެ. އެހެންނަމަވެސް ވޮލީގެ އަންހެން އަދި ފިރިހެން ޓީމަށްވެސް މި ފަހަރުގެ މުބާރާތް ނިންމާލަން ޖެހުނީ މެޗަކުން މޮޅުނުވެއެވެ. މިއީ ވޮލީ އާއިލާއަށް ލިބުނު ފަޅު ކަމެކެވެ.

ހޭންޑް ބޯލް ޓީމަށް މި ފަހަރުގެ ގޭމްސްގައި މެޑަލްއެއް ނުހޯދުނު ނަމަވެސް ހޭންޑްބޯލް ޓީމުތަކުން ވަނީ ރަނގަޅު ފައިޓެއް ދީފަ އެވެ. އަދި ހޭންޑް ބޯލްގެ ކުރިމަގު އުޖާލާކަން ވަނީ އެ ޓީމުން ސާބިތުކޮށްދީފަ އެވެ.

ސްވިމިންގް ޓީމުން ގިނަ ރެކޯޑުތަކެއް އައު ކުރި

އެހެން އަހަރުތަކެކޭ އެއްފަދައިން މި އަހަރުގެ ގޭމްސްގައި ވެސް ރާއްޖޭގެ އެތުލީޓުން ވަނީ ގިނަ ގައުމީ ރެކޯޑުތަކެއް އައު ކުރި އެވެ.

މި އަހަރުގެ އައިއޯއައިޖީގައި ރާއްޖޭގެ އެތުލީޓުން ޖުމްލަ 28 މެޑަލް ހޯދި އެވެ. އެއީ ފަސް ރަން މެޑަލްއާ, ނުވަ ރިހި މެޑަލްގެ އިތުރުން 14 ލޯ މެޑަލް އެވެ. މިއީ އެންމެ ފަހުން މޮރީޝިއަސްގައި ބޭއްވި މުބާރާތާ އަޅާބަލާއިރު, އެއް ގުނަ އިތުރު އަދަދެކެވެ. އަދި މިއީ މިހާތަނަށް ގޭމްސްއަކުން ދިވެހި އެތުލީޓުން ހޯދި އެންމެ ގިނަ މެޑަލް ހޯދި ގޭމްސްވެސް މެއެވެ.

ސްވިމިން އިން އަހަރު ނިންމާލީ ސްރީ ލަންކާގައި ކުރިއަށްދިޔަ ބައިނަލްއަގުވާމީ މުބާރާތުގައި ވާދަކޮށް 15 މެޑަލެއް ހޯދައިގެންނެވެ. އޭގެ ތެރެއިން އެންމެ ހާއްސަވަނީ ރާއްޖޭގެ އަރަމުން އަންނަ ފެތުންތެރިޔާ، މެރާލް އައިން ލަޠީފު، 100 މީޓަރު ބަޓަފްލައި އިވެންޓުން ހޯދި ރަން މެޑަލް އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox