އައިއޯއައިޖީ 2023: އަންހެން ރިލޭ ޓީމަށް އަނެއްކާ ވެސް ލޯ މެޑަލެއް

ހަތަރެއް ގުނަ 400 މީޓަރު ރިލޭ އިން ލޯ މެޑަލް ހޯދި ޓީމު މެޑަލާ އެކު.--- ފޮޓޯ: އިސްމާއިލް ތޯރިގު/ މޯލްޑިވްސް އޮލިމްޕިކް ކޮމިޓީ

ހަތަރެއް ގުނަ 400 މީޓަރު ރިލޭ އިން ލޯ މެޑަލް ހޯދި ޓީމު މެޑަލާ އެކު.--- ފޮޓޯ: އިސްމާއިލް ތޯރިގު/ މޯލްޑިވްސް އޮލިމްޕިކް ކޮމިޓީ

މަޑަގަސްކަރާގައި މިހާރު ކުރިއަށްދާ އިންޑިއަން އޯޝަން އައިލެންޑް ގޭމްސް (އައިއޯއައިޖީ)ގައި ރާއްޖޭގެ އަންހެން ރިލޭ ޓީމުން އިތުރު ބްރޯންޒް މެޑަލް އެއް ހޯދައިފި އެވެ.

މީގެ ކުރިން ހަތަރެއް ގުނަ 100 މީޓަރު ރިލޭ އިން ބްރޯންޒް މެޑަލް ހޯދާފައިވާ އަންހެން ޓީމުން މި ފަހަރު މެޑަލް ހޯދީ ހަތަރެއް ގުނަ 400 މީޓަރު ރިލޭ އިންނެވެ. މި ރިލޭގައި ދުވި ދުވުންތެރިންނަކީ އައިޝަތު ހިމްނާ ހަސަން، ހައްވާ މުޒުނާ ފާއިޒު، އާމިނަތު ލަޔާނާ މުހައްމަދު އަދި ޒިވާ މޫސާ ޝަފީއު އެވެ.

ވާދަވެރި އަދި ފޯރިގަދަކޮށް ފެނުނު އިވެންޓުގައި ވާދަކޮށް ރާއްޖޭގެ ޓީމުން ރޭސް ނިންމީ ތިން މިނެޓު 52.99 ސިކުންތުންނެވެ. ރާއްޖޭގެ ކުރިން އެއްވަނައިގައި ރޭސް ނިންމީ މަޑަގަސްކަރައިން ރޭސް ނިންމީ ތިން މިނެޓު 45.78 ސިކުންތުންނެވެ. ދެ ވަނަ ހޯދި މޮރިޝަސް ރޭސް ނިންމީ 52.76 ސިކުންތުންނެވެ.

Advertisement

ހަތަރެއް ގުނަ 400 މީޓަރު ދުވުމުގެ އަންހެން ރިލޭ ޓީމް ބްރޯންޒް މެޑަލް ހޯދިއިރު މީގެ ކުރިން ރާއްޖޭގެ އެތުލީޓުން ވަނީ ހަތަރެއް ގުނަ 100 މީޓަރު އަންހެން ރިލޭ އާއި ހަތަރެއް ގުނަ 400 މީޓަރު މިކްސް ރިލޭއިން ވެސް ބްރޯންޒް މެޑަލް ހޯދައިފަ އެވެ.

ހަތަރެއް ގުނަ 100 މީޓަރު އަންހެން ރިލޭ އިން މެޑަލް ހޯދި ޓީމްގައި ހިމެނެނީ ހިމްނާ، މަރިޔަމް ރޫޔާ އަލީ، އަހްނާ ނިޒާރު އަދި މަރިޔަމް އަލްހާ ހުސައިން އެވެ. ހަތަރެއް ގުނަ 400 މީޓަރު މިކްސް ރިލޭއިންވެސް ބްރޯންޒް މެޑަލް ހޯދި ޓީމްގައި ހިމެނެނި ހިމްނާ، ޒިވާ، ހުސައިން ރިޒާ (ކުޑަ ރިޒާ) އަދި ހަސަން ސާއިދު އެވެ.

ހަތަރެއް ގުނަ 400 މީޓަރު ފިރިހެން ރިލޭގައިވެސް ރާއްޖޭގެ ފިރިހެން ޓީމް ވާދަކުރި އެވެ. މި އިވެންޓުން ރާއްޖޭގެ ޓީމް ދިޔައީ ރޭހުގެ ފަހަތަށެވެ. ރާއްޖެއިން މި ރިލޭގައި ދުވީ ސާއިދު، ކުޑަ ރިޒާ، ހުސައިން ޒީކް ސުއާދު އަދި އަބްދުއްރަޝީދު އިސްމާއިލް (ރައްޓު) އެވެ.

ހޮނިހިރު ދުވަހު ކުރިއަށްދިޔަ އެހެން އިވެންޓުތަކަށް ބަލާއިރު 800 މީޓަރު ދުވުމުގެ އަންހެން އަދި ފިރިހެން ފައިނަލް ހީޓުތައް މިއަދު ކުރިއަށްދިޔަ އެވެ. ފިރިހެން ފައިނަލުގައި ރާއްޖޭގެ ރިޒާ އާއި ހުސައިން ފަޒީލް ހާރޫން (ފްލޭޝް) ވާދަކުރި އެވެ. ރަނގަޅު ޓައިމިންއަކާ އެކު ފައިނަލަށް ރިޒާ ކޮލިފައިވި ނަމަވެސް އޭނާ އަށް މެޑަލްއެއްގައި އަތްލެވޭ ވަރެއް ނުވި އެވެ. ރިޒާ ދިޔައީ ހަތަރު ވަނަ އަށެވެ. ފަޒީލް ދިޔައީ ހަ ވަނަ އަށެވެ.

އަންހެން އިވެންޓުގައި ރާއްޖެއިން ދުވީ މި އިވެންޓުގެ ގައުމީ ރެކޯޑު އޮންނަ ފަސޫހާ އަހުމަދު އެވެ. ފަސޫހާ އަށް މި އިވެންޓުގައި މާ އެދެވޭ ކާމިޔާބެއް ނުހޯދެ އެވެ.

ހޮނިހިރު ދުވަހުގެ އިވެންޓުތަކާ އެކު އައިއޯއައިޖީގައި ރާއްޖެ އަށް ގިނަ އިވެންޓްތައް ނިމުނުއިރު، އެތުލެޓިކްސް އިން ވަނީ ފަސް މެޑަލް ހޯދައިފަ އެވެ. އެއީ ރިލޭތަކުން ހޯދި ތިން ބްރޯންޒް މެޑަލް އާއި ޕެރަ އިވެންޓުތަކުން ހޯދި ދެ މެޑަލް އެވެ. އެ ގޮތުން ޕެރަ އެތުލެޓިކްސް 100 މީޓަރު ދުވުމުގެ ބައިން ރާއްޖޭގެ އަބްދުއްރައްޒާގު އަބްދުއްސަމަދު އާއި ފާތިމަތު އިބްރާހިމް ވަނީ ލޯ މެޑަލް ހޯދައިފަ އެވެ.

ރާއްޖެ އަށް ދެން އޮތީ މިއަދު އޮތް ހާފް މެރަތަން އެވެ. ރާއްޖެ ތަމްސީލް ކުރާނީ ސަމްހާ އާއި ޔޫސުފް އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox