ރާއްޖޭގެ ލީގު ޗެމްޕިއަނަށް ލިބެނީ އޭއެފްސީ ޗެލެންޖާސް ލީގު ޕްލޭއޮފް ޖާގަ

Dec 19, 2023, 6:59 AM
މި ސީޒަނުގެ ޕްރެޒިޑެންޓްސް ކަޕް ފައިނަލުގައި މާޒިޔާ އާއި އީގަލްސް ކުޅުނު މެޗުގެ ތެރެއިން.--- ފޮޓޯ: މުހައްމަދު ޝާބިން/ އަދަދު

މި ސީޒަނުގެ ޕްރެޒިޑެންޓްސް ކަޕް ފައިނަލުގައި މާޒިޔާ އާއި އީގަލްސް ކުޅުނު މެޗުގެ ތެރެއިން.--- ފޮޓޯ: މުހައްމަދު ޝާބިން/ އަދަދު

އޭޝިއާގެ މައި ފުޓްބޯޅަ އިދާރާ، އޭއެފްސީން އަންނަ ސީޒަނުގައި، ކްލަބް ފުޓްބޯޅަ މުބާރާތްތަކަށް ބޮޑު ބަަދަލުތަކެއް ގެންނައިރު، ރާއްޖޭގެ ލީގު ޗެމްޕިއަނުންނަށް ދޭން ނިންމާފައިވަނީ، އޭއެފްސީ ޗެެލެންޖާސް ލީގުގެ ޕްލޭއޮފް ޖާގަ އެކެވެ.

ޗެލެންޖާސް ލީގަކީ އޭއެފްސީގެ ތިން ވަނަ ފަންތީ ކްލަބް ފުޓްބޯޅަ މުބާރާތެވެ.

އޭއެފްސީން ދެން ބާއްވަނީ، އޭއެފްސީ ޗެމްޕިއަންސް ލީގު 2 އާއި އޭއެފްސީ ޗެމްޕިއަންސް ލީގު އެލީޓް އެވެ.

Advertisement

މީގެ ކުރިން ރާއްޖޭން ވާދަކުރަމުން އައީ، އޭޝިއާގެ ދެ ވަނަ ފަންތީގެ ކްލަބް ފުޓްބޯޅަ މުބާރާތް އޭއެފްސީ ކަޕްގަ އެވެ. އެ މުބާރާތް، އަންނަ ސީޒަނުން ފެށިގެން ބަދަލުވާނީ، އޭއެފްސީ ޗެމްޕިއަންސް ލީގު 2 ގެ ނަމަށެވެ.

ރާއްޖެ އަށް ޗެލެންޖާސް ލީގުގެ ޕްލޭއޮފުން ފުރުސަތު ލިބުނުއިރު، އިންޑިއާ ފިޔަވާ ސައުތު އޭޝިއާގެ ހުރިހާ ޓީމަކަށް ވެސް ފުރުސަތު ލިބެނީ މި ލީގުގެ ޕްލޭއޮފް ބުރުންނެވެ. އިންޑިއާ އަށް އޭއެފްސީ ޗެމްޕިއަންސް ލީގު 2 ގެ ގްރޫޕް ސްޓޭޖުން އެއް ޖާގަ އަދި ޕްލޭއޮފް ބުރުން އެއް ޖާގަ ލިބޭނެ އެވެ. އެއީ، އިންޑިއާގެ ލީގު ވަރުގަދަވެފައި، ވޭތުވެދިޔަ އަހަރުތަކުގައި އެ ގައުމުގެ ކްލަބްތަކުން އޭއެފްސީ މުބާރާތްތަކުގައި ނެރެފައިވާ ނަތީޖާތަކަށް ބަލައި، ލިބިފައިވާ ރޭންކިން ޕޮއިންޓް ގިނަވުމުންނެވެ.

އޭއެފްސީ ކަޕަކީ ރާއްޖޭގެ ކްލަބްތަކުން 2004 އިން ފެށިގެން ވާދަކުރަމުން އަންނަ މުބާރާތެކެވެ. ރާއްޖޭގެ ކްލަބްތަކުން ވަނީ އޭޝިއާގެ ނަން މަޝްހޫރު ޓީމުތައް އަތުން މި މުބާރާތުގައި ރަނގަޅު ކާމިޔާބެއް ވެސް ހޯދައިފަ އެވެ. އެ ގޮތުން، ރާއްޖޭގެ ނިއު ރޭޑިއަންޓް ވަނީ 2005 ވަނަ އަހަރުގެ މުބާރާތުގެ ތިން ވަނަ ހޯދައި 2013 ވަނަ އަހަރު ކުއާޓާ ފައިނަލުގައި ކުޅެފަ އެވެ.

އެކަމަކު، ނިއު ފިޔަވައި ރާއްޖޭގެ އިތުރު ޓީމަކަށް އޭއެފްސީ ކަޕްގެ ގްރޫޕް ސްޓޭޖު ފަހަނައަޅައި ދެވިފައިނުވެ އެވެ.

އޭއެފްސީން 2016 ވަނަ އަހަރު އޭއެފްސީ ކަޕްގެ ފޯމެޓް ބަދަލުކޮށް، ދެކުނު އޭޝިއާ ޓީމުތައް އެއް ގްރޫޕެއްގައި ކުޅެން ޖެހޭ ގޮތަށް ރޭވިފަހުން، އެ ގްރޫޕުން، އިންޓަ ޒޯން ޕްލޭއޮފް ސެމީ ފައިނަލަށް ދަތުރުކުރަނީ މުޅިން ވެސް އިންޑިއާ ޓީމުތަކެވެ.

ރާއްޖޭގެ ކްލަބެއް އޭއެފްސީގެ މުބާރާތްތަކުން ނުފެނި ދިޔަ ސީޒަނެއް ވެސް ކުރިއަށްދިޔަ އެވެ. އެއީ 2019 ވަނަ އަހަރުގެ ސީޒަނުގަ އެވެ. އެ ފަހަރު އެ ގޮތަށް ދިމާވީ، ރާއްޖޭގެ އެއްވެސް ކްލަބަކަށް އޭއެފްސީ ކްލަބް ލައިސަންސް ނުހޯދުމުންނެވެ. އެއީ، ކްލަބްތަކުން ލިޔެކިޔުންތައް ފޮނުވި ނަމަވެސް، އެފްއޭއެމްގެ އިހުމާލުން ދިމާވި ކަމެކެވެ.

މީގެ ކުރިން، ރޭވިފައި އޮތް ގޮތުން، ރާއްޖޭގެ ދެ ކްލަބަކަށް އޭއެފްސީ ކަޕުން ފުރުސަތު ލިބެ އެވެ. އެއީ ދިވެހި ޕްރިމިއާ ލީގު ޗެމްޕިއަންކަން ހޯދާ ޓީމަކަށް ގްރޫޕް ސްޓޭޖްގެ ސީދާ ޖާގައެކެވެ. އަދި އެފްއޭ ކަޕް ޗެމްޕިއަން ނޫނީ ދިވެހި ޕްރިމިއާ ލިގު ރަނަރަޕަށް ދާ ޓީމު ކުޅެން ޖެހެނީ ކޮލިފައިން ބުރުގަ އެވެ.

އެކަމަކު، އޭއެފްސީން އަލުން ކްލަބް ފުޓްބޯޅަ މުބާރާތްތައް އަތުރާލުމާ އެކު، ރާއްޖޭގެ ފުޓްބޯޅަ މި ވަަގުތު އޮތް ހާލަތާއި ލީގުގެ ފެންވަރާއި ކްލަބްތަކުން އޭއެފްސީ މުބާރާތްތަކުގައި މި ފަހުން ނެރުނު ނަތީޖާ އަށް ބަލާއިރު، މި ވާދަކުރަން ޖެހުނީ ތިން ވަނަ ފަންތީގެ މުބާރާތް، ޗެލެންޖާސް ލީގުގަ އެވެ.

އެހެންކަމުން، އެމްޑަބްލިއުއެސްސީ ދިވެހި ޕްރިމިއާ ލީގުގައި މިއަދު ހަވީރު، މާޒިޔާ ސްޕޯޓްސް އެންޑް ރެކްރިއޭޝަން އާއި ކްލަބް އީގަލްސް ބައްދަލުކުރާ މެޗު ވެގެންދާނީ އަންނަ އަހަރުގެ އޭއެފްސީ ޗެލެންޖާސް ލީގުގެ ޕްލޭއޮފް ބުރުގެ ޖާގައިގެ ވާދަވެރިކަމަށް ވެސް ބޮޑު މެޗަކަށެވެ.

އީގަލްސް އާއި މާޒިޔާ، މިއަދު ހަވީރު 3:50 ގައި ކުޅޭ މެޗަކީ މި ފަަހަރުގެ ލީގު ޗެމްޕިއަން ކަނޑައެޅިގެންދާނެ މެޗެވެ. ލީގު ތާވަލުގެ އެއް ވަނައިގައި، މި ވަގުތު، އެންމެ ފަހުން ތިން ފަހަރުގެ ޗެމްޕިއަން، މާޒިޔާ އޮތީ 37 ޕޮއިންޓް ހޯދައިގެންނެވެ. ދެ ވަނައިގައި އޮތް އީގަލްސް އަށް ވަނީ 35 ޕޮއިންޓެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox