ޔާމީން ސަރުކާރުގައި އާސާރީ ފައިސާ ފޮތިތަކެއް ފެނުނު ފަސްފުނިތައް ވަނީ ގެއްލިފައި: ޔުމްނާ

ކުރީ ސަރުކާރުގެ ހެރިޓޭޖު މިނިސްޓަރު ޔުމްނާ މައުމޫން. މިކަން ހިނގާފައި ވަނީ މިނިސްޓަރުކަމާ ހަވާލުވުމުގެ ކުރިން ކަމަށް އޭނާ ވިދާޅުވި --- ފޮޓޯ: ރައީސް އޮފީސް

ކުރީ ސަރުކާރުގެ ހެރިޓޭޖު މިނިސްޓަރު ޔުމްނާ މައުމޫން. މިކަން ހިނގާފައި ވަނީ މިނިސްޓަރުކަމާ ހަވާލުވުމުގެ ކުރިން ކަމަށް އޭނާ ވިދާޅުވި --- ފޮޓޯ: ރައީސް އޮފީސް

ކުރީގެ ރައީސް، އަބްދުﷲ ޔާމީންގެ ވެރިކަމުގައި، 2017 ވަނަ އަހަރު މާލޭ ސަލްޓަން ޕާކް ތަރައްގީ ކުރުމުގެ މަސައްކަތުގެ ތެރެއިން އާސާރީ ފައިސާ ފޮތިތަކެއް ފެނުނު ފަސްފުނިތަކެއް ގެއްލިފައިވާ ކަމަށް ކުރީގެ ހެރިޓޭޖް މިނިސްޓަރު ޔުމްނާ މައުމޫން ވިދާޅުވެއްޖެ އެވެ.

ޔުމްނާ މިނިސްޓަރުކަމުގައި ހުންނަވަނިކޮށް މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑޭ) ލިޔުމުން ހުށަހެޅުއްވި ސުވާލުގެ ޖަވާބު މަޖިލީހުގެ އަމީންއާންމު މަޖިލީހުގައި އިއްވީ މިއަދު އެވެ.

ޔުމްނާ ލިޔުމުން ފޮނުއްވި ޖަވާބުގައި ވާ ގޮތުން، ލިލީ މަގާ ދިމާލުން ސަލްޓާން ޕާކް ކައިރިން ރިހި ފައިސާ ފޮތިތަކާއި، މުށި ސީނުތަށިތަކާއި، ގުޅީގެ ބައިތަކެއް ފެނިފައިވާކަމަށް އެމްއެންޑީއެފްއިން އޭރުގެ ޑިޕާޓްމަންޓް އޮފް ހެރިޓޭޖްއަށް އަންގާފައިވާ ކަމަށެވެ.

Advertisement

މިކަން ހިނގާފައި ވަނީ މިނިސްޓަރުކަމާ ހަވާލުވުމުގެ ކުރިން، އޭގެ ކުރީ ސަރުކާރުގެ ތެރޭގައި ކަމަށް ޔުމްނާ ޖަވާބުގައި ލިޔުއްވާފައިވެ އެވެ.

އެމްއެންޑީއެފްއިން ޕާކުގެ މަސައްކަތް ކުރަމުން ދަނިކޮށް އެކަން ފާހަގަވެ، އޭރުގެ ހެރިޓޭޖު ޑިޕާޓްމަންޓަށް އެންގުމުން، ޑިޕާޓްމަންޓުގެ ޓީމެއް ސަލްޓަން ޕާކަށް ގޮސް ބެލިކަމަށް ޔުމްނާ ވިދާޅުވި އެވެ. އަދި, ފަސް ފުނިން ފުރާނައިގެން 96 ފައިސާ ފޮތި ފެނުނު ކަމަށް ވިދާޅުވި އެވެ.

"އެ ދުވަހުގެ އިރު އޮއްސުމާ ހަމައަށް 96 ފައިސާ ފޮތި ފެނުން. އިތުރަށް ފެނިދާނެ ކަމަށް ބަލައި ޖެހިގެން އައި ދުވަހު ދިޔައިރު ފަސްފުނިތައް ވަނީ ގެއްލިފައި،" ޔުމްނާ ލިޔުއްވާފައިވެ އެވެ.

އޭގެ އިތުރުން އޮކްޓޯބަރު 18، 2017 ގައި އެމްއެންޑީއެފްއިން 43 ފައިސާ ފޮތި ހެރިޓޭޖު ޑިޕާޓްމަންޓާ ހަވާލުކޮށްފައިވާ ކަމަށް ޔުމްނާ ވިދާޅުވި އެވެ. މިވަގުތު ޖުމްލަ 139 ފައިސާ ފޮތި ދާރުލްއާސާރުގައި އޮތްކަމަށް ޔުމްނާ ވިދާޅުވި އެވެ.

އަދި ޖުލައި 19, 2017 ގައި 713 ސީނު ތަށި، ގުޅިއެއްގެ ބައިތަކަކާއި ލޯ ތާހެއް ވެސް ދާރުލްއާސާރަށް ލިބިފައިވާ ކަމަށް، ދާރުލްއާސާރާ ހަވާލާ ދީ ޔުމްނާ ވިދާޅުވި އެވެ.

މި ސުވާލަކީ ކުރީ ސަރުކާރުގައި އަދި ރައީސް މުހައްމަދު ނަޝީދު މަޖިލީހުގެ ރިޔާސަތުގައި އިންނަވަނިކޮށް މެމްބަރު އިބްރާހިމް ރަޝީދު ކުރައްވާފައިވާ ސުވާލެކެވެ. މި ސުވާލަށް ރައީސް ނަޝީދު ރިޔާސަތުގައި އިންނެވި ދުވަސްވަރު ޖަވާބު ވެސް ލިބިފައިވެ އެވެ.

މަޖިލީހުގެ މިހާރުގެ ރައީސް މުހައްމަދު އަސްލަމް ވިދާޅުވި ގޮތުގައި ސުވާކުގެ ޖަވާބު ލިބި، މަޖިލީހަށް ނީއްވައި 50 ސުވާލުގެ ޖަވާބު އެބަ އޮތެވެ. އަސްލަމް އަންނަނީ އެ ސުވާލުތަކުގެ ޖަވާބުތައް މަޖިލީހުގެ ތަޅުމުގައި އަމީން އާންމު މެދުވެރިކޮށް ކޮންމެ ދުވަހަކު އިއްވަމުންނެވެ.

titledesc

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox