ޓީސީ ބަލިކޮށް ސަސް އަށް ލީގުގެ ތިން ވަނަ

Nov 30, 2023, 2:13 PM
ސަސް އިން މިއަދުގެ މެޗަށް ނެރުނު ފުރަތަމަ އެގާރަ ކުޅުންތެރިން.--- ފޮޓޯ: އެފްއޭއެމް

ސަސް އިން މިއަދުގެ މެޗަށް ނެރުނު ފުރަތަމަ އެގާރަ ކުޅުންތެރިން.--- ފޮޓޯ: އެފްއޭއެމް

އެމްޑަބްލިއުއެސްސީ ދިވެހި ޕްރިމިއާ ލީގުގައި މިއަދު ހަވީރު 5-0 އިން ޓީސީ ސްޕޯޓްސް ކްލަބް ބަލިކޮށް ސުޕަ ޔުނައިޓެޑް ސްޕޯޓްސް (ސަސް) އިން ލީގުގެ ތިން ވަނަ ޔަގީންކޮށްފި އެވެ.

ސަސް އިން ލީގުގައި އެންމެ ފަހުން ކުޅެން އޮތް މެޗުގެ ގޮތުގައި ތާވަލުގައި ހިމަނާފައިވަނީ އަންނަ މަހު ހަ ވަނަ ދުވަހު ކްލަބް ގްރީން ސްޓްރީޓްސްއާ ކުޅެން އޮތް މެޗެވެ. ގްރީން ސްޓްރީޓްސް، މާލީ މައްސަލަތަކާ ހުރެ ލީގުން ވަކިވުމުން، އެ ޓީމުގެ މެޗުތަކުގެ ޕޮއިންޓްތައް ވަނީ އިދިކޮޅު ޓީމަށް ދީފަ އެވެ. ސަސް އިން މި ދިޔަ ސީޒަނުގައި ރެލިގޭޝަން ކުޅެގެން ފުރަތަމަ ޑިވިޝަނުގެ ޖާގަ ދެމެހެއްޓިއިރު، މި ސީޒަނުގައި އެ ޓީމުން ލީގުގެ ގަދަ ތިނެއްގެ ތެރޭގައި ނިންމާލީ މުޅިން ދިވެހި ކުޅުންތެރިންނާ އެކު އެވެ.

ގްރީން ސްޓްރީޓްސްގެ އިތުރުން ކްލަބް ވެލެންސިއާ ވެސް ވަނީ މާލީ ދަތިތަކާ ހުރެ ލީގުން ވަކިވެފަ އެވެ.

ލީގުގެ ދެ ބުރު ކުޅުމަށް ފަހު ނިންމާލާ ގޮތަށް އެފްއޭއެމް އިން ކަނޑައަޅާފައިވާއިރު، މި ވަގުތު އެއް ވަނައިގައި އޮތީ 13 މެޗުން 35 ޕޮއިންޓާ އެކު، އީގަލްސް އެވެ. ދެ ވަނައިގައި އޮތް މާޒިޔާ ސްޕޯޓްސް އެންޑް ރެކްރިއޭޝަން އަށް ވަނީ 11 މެޗުން 31 ޕޮއިންޓް ލިބިފަ އެވެ. ސަސް އަށް 14 މެޗުން ވަނީ 30 ޕޮއިންޓް ލިބިފަ އެވެ. ހަތަރެއްގައި އޮތް ޓީސީ އަށް 13 މެޗުން ވަނީ 22 ޕޮއިންޓް ލިބިފަ އެވެ. ޓީސީ އަށް ދެން ބާކީ އޮތީ މާޒިޔާއާ ކުޅެން ޖެހޭ މެޗެވެ.

ގަލޮޅު ދަނޑުގައި މިއަދު ހަވީރު ކުޅުނު މެޗުގައި ސަސް އިން ފުރަތަމަ ހާފު ނިންމާލީ ހަތަރު ގޯލުގެ ލީޑަކާ އެކު އެވެ. ސަސް އިން ލީޑުނެގީ މެޗުގެ 26 ވަނަ މިނިޓްގައި އަލީ ހައިޝަމް (ޗުމްޕު) ޖެހި ގޯލުންނެވެ. ކުރިން މާޒިޔާ އާއި ނިއު ރޭޑިއަންޓް އަދި ޔުނައިޓެޑް ވިކްޓަރީ (ޔޫވީ) އަށް ވެސް ކުޅުނު ޗުމްޕު، ސަސް އަށް ބަދަލުވީ ސީޒަން މެދުތެެރެއިންނެވެ.

ސަސް އިން މި ހާފުގައި ޖެހި އަނެއް ތިން ގޯލު ފެނިގެންދިޔައީ، ހަ މިނިޓް ތެރޭގަ އެވެ. އެ ގޮތުން، ސަސްގެ ދެ ވަނަ ގޯލު މެޗުގެ 33 ވަނަ މިނިޓްގައި މުހައްމަދު ސަހާއު (ބޭލް) ކާމިޔާބުކުރިއިރު، އޭގެ ތިން މިނިޓް ފަހުން، ޗުމްޕު އެ ޓީމުގެ ތިން ވަނަ ގޯލު ޖެހި އެވެ. އަދި މެޗުގެ 39 ވަނަ މިނިޓްގައި، މުހައްމަދު އަލާއު ވަނީ ސަސްގެ ހަތަރު ވަނަ ގޯލު ޖަހައިފަ އެވެ.

ދެ ވަނަ ހާފުގައި ވެސް ގޯލު ޖަހާނެ ފުރުސަތުތައް ލިބިގެންދިޔައިރު، ސަސް އިން މި ހާފުގައި ޖެހި ހަމައެކަނި ގޯލު ޖެހީ އެ ޓީމުގެ ކެޕްޓަން، އަހުނަފް ރަޝީދު (އަހުއްކޮ) އެވެ.

ލީގުގެ މެޗެއް ދެން އެންމެ އަވަހަށް އޮތީ މާދަމާރޭ އެވެ. މާދަމާރޭ 9 ޖަހާއިރު ކުޅޭ މެޗުގައި، ބުރު ސްޕޯޓްސް ކްލަބް ބައްދަލުކުރާނީ ޔުނައިޓެޑް ވިކްޓަރީ (ޔޫވީ)އާ އެެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox