މިވަގުތަށް ރައްޔިތުންނަށް މުހިންމީ އުތުރުތިލަފަޅު ތަރައްގީވުން، ފުށިދިއްގަރެއް ނޫން: ފައްޔާޒު

އެމްޑީޕީގެ ޗެއާޕާސަން އަދި ކުރީގެ އިކޮނޮމިކް މިނިސްޓަރު ފައްޔާޒް އިސްމާއިލް; މިވަގުތު ރާއްޖެއަށް މުހިންމީ އުތުރުތިލަފަޅު މަޝްރޫއު ކަމަށް ވިދާޅުވި -- ފޮޓޯ; އިޔާން/ އަދަދު

އެމްޑީޕީގެ ޗެއާޕާސަން އަދި ކުރީގެ އިކޮނޮމިކް މިނިސްޓަރު ފައްޔާޒް އިސްމާއިލް; މިވަގުތު ރާއްޖެއަށް މުހިންމީ އުތުރުތިލަފަޅު މަޝްރޫއު ކަމަށް ވިދާޅުވި -- ފޮޓޯ; އިޔާން/ އަދަދު

ރައްޔިތުންނަށް ބޯހިޔަވަހިކަން ހޯދައިދިނުމަށް މިވަގުތަށް މުހިންމީ, އުތުރުތިލަފަޅު ހިއްކައިގެން ބޯހިޔާވަހިކަމުގެ މަޝްރޫއެއް ހިންގުން ކަމަށް އެމްޑީޕީގެ ޗެއާޕާސަން އަދި ކުރީގެ އިކޮނޮމިކް މިނިސްޓަރު ފައްޔާޒު އިސްމާއިލް ވިދާޅުވެއްޖެ އެވެ.

ފައްޔާޒު 'އަދަދު' އަށް ވިދާޅުވި ގޮތުގައި, އާ ސަރުކާރުން ބޭނުންވާ މަޝްރޫއުތައް ކުރިއަށް ގެންދިއުމުގެ ފުރުސަތު އޮންނަން ވާނެ ކަމަށެވެ. އެހެން ނަމަވެސް, ކުރީ ސަރުކާރުން ފަށާ, ފައިސާ ހަރަދުކޮށްފައިވާ މަޝްރޫއުތައް ކުރިއަށް ގެންދިއުން މިވަގުތަށް މުހިންމުކަން އޭނާ ފާހަގަކުރެއްވި އެވެ.

"ފުށިދިއްގަރުފަޅަކީ މި ބޭފުޅުންގެ [އަދުގެ ސަރުކާރުގެ] ވިޝަންގައި މުހިންމު ކަމަކަށްވާތީ އެއަށް އެ ޖާގަ އޮންނަން ވާނެ. އެހެން ނަމަވެސް ރައްޔިތުންނަށް މިވަގުތު އޮތް ޕްރައޮރިޓީއަކީ އަޅުގަނޑު ދެކޭގޮތުގައި މިއީ [އުތުރުތިލަފަޅު], ފުށިދިއްގަރަށްވުރެ," ފައްޔާޒް ވިދާޅުވި އެވެ.

ފައްޔާޒް ވިދާޅުވީ މާލޭ ރައްޔިތުންނާއި, މާލޭގައި ދިރިއުޅޭ ރައްޔިތުންނަށް ބޯހިޔާވަހިކަން ހޯދައިދިނުމަށް ކުރީ ސަރުކާރުން, ހުޅުމާލެ, ގިރާވަރުފަޅު އަދި ގުޅީފަޅުން 9000 ގޯތި ދިނުމަށްފަހު އުތުރުތިލަފަޅުން ވެސް ގޯއްޗަށް ހުޅުވާލާފައިވާ ކަމަށެވެ. އެހެންކަމުން, މި ސަރުކާރުން ވެސް އެންމެ ފުރަތަމަ ކުރަން ޖެހޭނެ ކަމަކީ އޭނާ ވިދާޅުވި ގޮތުގައި ކުރީ ސަރުކާރުން ފަށާފައިވާ މަޝްރޫއުތައް ނިންމުމެވެ.

"އަޅުގަނޑު ދެކޭ ގޮތުގައި ފުރަތަމަ ކުރަންޖެހޭ ކަމަކީ އެކަންކަން [ކުރީ ސަރުކާރުން ފަށާފައިވާ މަޝްރޫއުތައް] ނިންމުން. ބައިވަރު ހަރަދުތަކެއް ކުރެވިފައި ހުރީ, ކޮންޓްރެކްޓުތަކެއް ކުރެވިފައި ހުރީ," އޭނާ ވިދާޅުވި އެވެ.

ފައްޔާޒް ވިދާޅުވީ, ފައިސާގެ ދަތިކަން ހުރި ވާހަކަ އާއި, ރާއްޖެ ދަރަނިވެރިވެފައިވާ ވާހަކައަކީ މިއަދު ސަރުކާރުގައި ތިއްބެވި ބޭފުޅުން ދެއްކެވި ވާހަކައެއް ކަމަށެވެ. އެހެންކަމުން, މިހާރު ކުރިއަށްދާ މަޝްރޫއުތަކުގެ އިތުރަށް ފުށިދިއްގަރުފަޅު މަޝްރޫއު ކުރިއަށް ގެންދާނެ ގޮތަކާ މެދު ސަރުކާރުން ވިސްނަން ޖެހޭނެ ކަމަށް އޭނާ ވިދާޅުވި އެވެ.

"އަޅުގަނޑު ދެކޭ ގޮތުގައި އާ ސަރުކާރަށް ފުރުސަތު އޮންނަން ވާނެ އެ ބޭފުޅުންގެ މުހިންމު ކަންތައްތައް ކުރިއަށް ގެންދިއުމަށް. އޭގެ އެންމެ މުހިންމު ކަންކަން ނިންމަވާނީ އެބޭފުޅުން. އެ ޖާގަ އެބޭފުޅުންނަށް އޮންނަން ޖެހޭނެ," އެމްޑީޕީ ކޮންގްރެސް ނިންމާލުމަށްފަހު 'އަދަދު' އަށް ދެއްވި އިންޓަވިއުގައި ފައްޔާޒު ވިދާޅުވި އެވެ.

ފައްޔާޒު މިހެން ވިދާޅުވިއިރު, ކުރީ ސަރުކާރުން ދީފައިވާ ގޯތިތައް ރީ-އިވެލުއޭޓް ކުރާނެ ކަމަށް ދޭހަވާ މޭރުމަކުން އާ ސަރުކާރުގެ ހައުސިން މިނިސްޓަރު ވަނީ ވާހަކަ ދައްކަވާފަ އެވެ. އެކަމަށް ރައްދު ދެއްވަމުން ފައްޔާޒު ވިދާޅުވީ, ގޯތިތައް ރީ-އިވެލުއޭޓު ކުރުން ވާނީ ބޮޑު އޮޅުވާލުމަކަށް ކަމަށާއި, އެގޮތަށް އަމަލުކޮށްފި ނަމަ, އެމްޑީޕީން އިހުތިޖާޖު ވެސް ކުރާނެ ކަމަށެވެ.

އަދި, ގޯތި އަތުނުލައްވާނެ ކަމަށް ރައީސް ޑރ. މުހައްމަދު މުއިއްޒު އިންތިހާބު ތެރޭގައި ވާހަކަފުޅު ދައްކަވާފައިވާކަން ފާހަގަކުރައްވާ ފައްޔާޒް ވިދާޅުވީ, ރައްޔިތުން ވޯޓު ދީފައި ހުރީ އެކަންކަމަށް ރިއާޔަތް ކުރުމަށްފަހު ކަން ގަބޫލުކުރެއްވޭ ކަމަށެވެ. އެހެންކަމުން ގޯތި ލިސްޓަށް ބަދަލުގެނައުން ބަލައި ނުގަނެވޭނެ ކަން ވެސް އޭނާ ފާހަގަކުރެއްވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox