އޭ ލޮބުވެތި ވެރީންނޭވެ!

އޭ ލޮބުވެތި ވެރީންނޭވެ!

އޭ ލޮބުވެތި ވެރިންނޭވެ! ތިޔަ ފަތްކޮޅުގައި އެވަނީ އަހަރެމެން ރައްޔިތުންގެ އުއްމީދުތައްކަން ދަންނައްޗެވެ. އެ ފަތްކޮޅަކީ، އަހަރެމެންގެ ހިތުގައި ރޯވެފައިވާ އުއްމީދުގެ ހުޅުކޮޅު، ފަސާދައިގެ ގިންޏަށް ހަދަން ވިހޭ ފަންކާ ކަމުގައި ނުހަދައްޗެވެ. އެ ފަތްކޮޅަކީ، ޚިޔާނާތާއި އަނިޔާގެ ހުއްދަކަމުގައި ނުބަލައްޗެވެ. އެ ފަތްކޮޅަކީ ޖަވާބުދާރީވުމުން ރެކެން ދިއްކުރާ އައްޑަނައަކަށް ނުހަދައްޗެވެ.

އޭ ޒިންމާދާރު ވެރީންނޭވެ! ތިޔަ ލިބުނު މަންސައަކީ، ޖަމާޢަތުގެ މަސްލަޙަތު އިސްކުރާ މަންސައަކަށް ހަދައިދެއްޗެވެ. ތިޔަ ލިބުނު އާރާއި ބާރުގެ ބަދަލުގައި އޯގާތެރިކަމާއި އިޚުލާސްތެރިކަން ދައްކައްޗެވެ. ތިޔަ ލިބުނު ބޮޑު މުސާރައިން ހޭދަވާ ކޮންމެ ފައިސާ ފޮއްޗަކީ ޙައްޤު އެއްޗެއްކަމުގައި ހަދައްޗެވެ. ތިޔަ ފިނި ކޮޓަރީގެ ދޮރު، ނިކަމެތިންނަށް އަބަދުވެސް ހުޅުވައިދެއްޗެވެ. ތިޔަ ގަލަމުގެ ތުނޑުން، ޤާނޫނު ނަގަހައްޓައްޗެވެ.

އޭ އޯގާތެރި ވެރީންނެވެ! އަނިޔާލިބޭ މީހާއަށް ޙައްޤު ހޯދައިދެއްޗެވެ. ނިކަމެތި މީހާއަށް އޯގާތެރިވައްޗެވެ. ޙައްޤުބަސް ބުނާ މީހާގެ އަޑުއަހައްޗެވެ. ފަންނީ ލަފަޔާއި އިޚުލާސްތެރި ނަޞޭޙަތް ބަލައި ގަންނައްޗެވެ. ޢިލްމާއި ޙިލްމަށް ޙައްޤު މަޤާމު ދެއްޗެވެ.

Advertisement

އޭ އަމާނާތްތެރި ވެރީންނޭވެ. ތިމާގެ މަސްލަޙަތު ޤައުމަށްވުރެ އިސްނުކުރައްޗެވެ. ޖާހާއި މަޤާމާއެކު ޒިންމާތައް ވާކަން ދަންނައްޗެވެ. ރައްޔިތުންގެ އެންމެ ލޯ ލާރިއެއްގައިވެސް ނުޖެހެއްޗެވެ. ތެދު ބަހުން މެނުވީ މުއާމަލާތު ނުކުރައްޗެވެ. ޤައުމާއި ދީނަށް ލޯބިކުރައްޗެވެ. ޘަޤާފަތާއި އާދަކާދައަށް ހަޖޫ ނުޖަހައްޗެވެ. ފޮޓޯ އޮޕަށް ނޫނަސް ޤައުމިއްޔަތު ދައްކައްޗެވެ.

އޭ ޙިކުމަތްތެރި ވެރީންނޭވެ! ރައްޔިތުންގެ ލޮލުގައި އަނދުން އަޅުވަން ނޫޅެއްޗެވެ. ރައްޔިތުންގެ ވިސްނުން ކޮށިކަމުގެ ކުށްހީ ނުގެންގުޅެއްޗެވެ. ރައްޔިތުންނާ މެދު ތަޢައްޞަބުތައް ނުގެންގުޅެއްޗެވެ. ރައްޔިތުންގެ އާރާއި ބާރު، ތާޖާއި ތަޚުތަށްވުރެ މަތިވެރިކަން ދަންނަށްޗެވެ. ނިޔާ އާއި އަނިޔާ ދަސްކުރައްޗެވެ. އިންސާފުގެ ކުރިމަތީ އިސްޖަހައްޗެވެ. ޤާނޫނަށް ބޯލަނބައްޗެވެ. ތިމާގެ މަޤާމު އެއެއްގެ މައްޗަށް ބަރޯސާވާ ޑިމޮކްރެޓިކް ނިޒާމަށް ޚިޔާނާތްތެރިނުވައްޗެވެ.

އޭ ޤައުމުގެ ވެރީންނޭވެ! އަހަރަމެންނާ އެއްސަފެއްގައި ހިނގާން ފަސްނުޖެހެއްޗެވެ. ވެރިކަމުގެ ކޮއިލުން ނިކުމެލައި، ރައްޔިތުންނާ މިލި އުޅެން ޖެހިލުންނުވައްޗެވެ. ދޭތެރެ ދޭތެރެއިން ރައްޔިތުންގެ ޙާލު ގާތުން ބަލާލައްޗެވެ. ބައެއްފަހަރު، ތިޔައީވެސް ހަމަ އަހަރެމެން ފަދަ އިންސާނުންކަން ހަނދާންކޮށްލައްޗެވެ. ބޭރުގެ އިންވެސްޓަރުންނާއި މުދާވެރިންނަށް ބަލާލާ ބީދައިން، ބައެއް ފަހަރު ވުޒާރާތަކާއި ގަނޑުވަރުދޮށުގައި ސަލާންޖަހާ މީހާއަށްވެސް ބަލާލައްޗެވެ.

އޭ ޤައުމުގެ ވެރީންނޭވެ! ލޯގަނޑު ކުރިމައްޗަށް ހުއްޓި ކަފްލިންކްސް ރަނގަޅުކޮށްލާއިރު، ތިމަންނާގެ ޒިންމާ އެބަ އަދާކުރެވޭތޯ އަމިއްލަ ނަފުސާ ސުވާލުކޮށްލައްޗެވެ. ގާތުގައި ތިބޭ މީހުންގެ ޘަނާ ކިޔުމުގެ އަޑުފައްގަނޑުގެ ތެރޭ ހިތާއި ޟަމީރު އިއްވާ ތެދުބަސް ކަފުން ނުކުރައްޗެވެ. ލެދަރު ބޫޓަށް މޮޅު އިސްޓާކީނު ލެއްވި ފައިތިލަ ކޮއްޕާލާ ހިނދު، ނިކަމެތި ރައްޔިތުންގެ ފިޔަވަޅުމަތީ ހިނގަންޖެހޭކަން ހަނދާނުގައި ބަހައްޓައްޗެވެ.

އޭ ދިވެހީންގެ ވެރީންނޭވެ! އަހަރެމެން ޤައުމުގެ ލަގަން ތިޔަ އަތްތަކަށް މި ދޫކުރީ ކިހާ އިތުބާރަކާ އެކުގައިކަން ހަނދާންކުރައްޗެވެ. މަސްއޫލިއްޔަތުތަކަށް ފަރުވާތެރިވައްޗެވެ. ނުބައި ވަސްވާސްތަކަށް ފާރަވެރިވައްޗެވެ. ފަސް އަހަރު ފަހުން ހިސާބު ކިތާބު ބަލާއިރު، މިއަށްވުރެ ފަހި ދިވެހިރާއްޖެއެއް އަހަރެމެންނަށް ދައްކައްޗެވެ.

ކޮމެންޓް

ފަހުގެ ޚަބަރު

ސިޓީބިޓީ: އިހުތިރާމާ ގުޅޭ ގޮތުން ރައީސް މުއިއްޒަށް ސުވާލެއް!

ރައީސް ޑރ. މުއިއްޒު "އިހުތިރާމް އަދާކުރުމުގެ ގައުމީ މަޝްރޫއު" އިފްތިތާހު ކުރެއްވި ނަމަވެސް، އެ މަޝްރޫއުގެ ތަފްސީލާއި އިހުތިރާމުގެ މާނަ ސާފުކޮށްދެއްވާފައި ނުވާތީ މި ލިޔުމުގައި ވަނީ ފާޑުކިޔާފައެވެ. އަދި މުޅި ގައުމަށް ނަސޭހަތް ދެއްވުމުގެ ކުރިން، ރައީސްގެ އަރިހުގައި ތިއްބެވި ބޭފުޅުންގެ އަމަލުތަކާއި ބަސްމަގު ހުރި ގޮތުން އެ ބޭފުޅުންނަށް އިހުތިރާމް ކުރަން ދަސްކޮށްދެއްވާފައިވޭތޯ ލިޔުމުގައި ސުވާލު އުފައްދާފައިވެއެވެ.

ރިންގު ހުސްވަންދެން ދިހަ ބާރަފަހަރަށް ގުޅުމުގެ ދީނީ ހުކުމް

ތިމާގެ އެކުވެރިޔާގެ ހާލަތްތަކާއި އުޒުރުތަކެއް ހުރެދާނެކަމަށް ބެލުމެއް ނެތި އެކުވެރިޔާއަށް އުނދަގޫވާނެހެން ދިހަބާރަ ފަހަރަށް ރިންގު ހުސްވަންދެން ފޯނުކޮށްކޮށް ހުރުމަކީ އެކުވެރިޔާގެ ޑިޖިޓަލް ޕާރސަނަލް ސްޕޭސްއަށާއި ބައުންޑަރީއަށް އަރައިގަތުމެވެ. އެކަމަކީ ދީނީގޮތުން ކޮށްގެންވާނެ ކަމެއް ނޫނެވެ.

ތަދުވަނީތަ ހިތަށް؟ ތިއީ ދެން ކޮންކަމެއް؟

މި ލިޔުމަކީ ފަރެސް އާމިރުގެ ޅެންތަކުގެ ތެރެއިން، 'ހުސްވަތެއް ދުޅައަށް ގުނުން މަކަރަށް ވެދާށި' މި ޅެމުގެ މައްޗަށް ލިޔެފައިވާ ލިޔުމެކެވެ. މި ލިޔުމުގައި ބަލާލާފައިވަނީ އެ ޅެމުގެ ވަކިވަކި ބައިތުތަކުގެ މާނައަށެވެ.

އަހަރެން ވެސް ތަރައްގީ ދެކެން ބޭނުން... އެކަމަކު

1977 ވަނަ އަހަރު ސޮވިއެޓް ޔޫނިއަނުން އައްޑޫ ގަން ކުއްޔަށް ހިފަން ހުށަހެޅި ބޮޑު އަގު، ރާއްޖޭގެ މިނިވަންކަމާއި ވަކިފަރާތަކަށް ނުޖެހޭ ސިޔާސަތު ދެމެހެއްޓުމަށްޓަކައި ރައީސް ނާސިރު ދޫކޮށްލެއްވިއެވެ. މީގެ އިތުރުން، ރާއްޖޭގެ އިގްތިސާދީ މިނިވަންކަން ކަށަވަރުކުރުމަށްޓަކައި ވޯރާ ވިޔަފާރިވެރިން ރާއްޖެއިން ފޮނުވާލައި، ގައުމީ މަސްލަހަތަށް އިސްކަންދެއްވައިގެން މުހިންމު ފިޔަވަޅުތަކެއް އެމަނިކުފާނު އެޅުއްވިއެވެ.

ސިންގަޕޫރާއި ދެކުނު ކޮރެއާގެ ފޮރިން އިންވެސްޓްމަންޓާ އަޅާކިޔުން

ރާއްޖެއަށް ބޭރުގެ އިންވެސްޓްމަންޓްތައް މުހިންމު ނަމަވެސް، ބިން ދޫކުރުމުގައި ދައުލަތަށް ލިބޭ ދާއިމީ ފައިދާއާއި ނުރައްކަލަށް ވިސްނަންޖެހެއެވެ. ސިންގަޕޫރު ފަދަ ގައުމުތަކުގައި ބޭރުގެ އިންވެސްޓަރުންނަށް ބިން ދޫކުރަނީ ހާމަކަންބޮޑު ބީލަމުގެ ނިޒާމެއްގެ ތެރެއިން، ވަކި މުއްދަތަކަށް ކުއްޔަށް ކަމަށްވާއިރު، ބިމުގެ މިލްކިއްޔާތާއި ބަނދަރު ފަދަ މުހިންމު ވަސީލަތްތައް ބާއްވަނީ ދައުލަތުގެ ބާރުގެ ދަށުގައެވެ. އެހެންކަމުން ރާއްޖޭގެ މަޝްރޫޢުތައް ކުރިއަށްގެންދާއިރު މިފަދަ ކާމިޔާބު ނަމޫނާތަކަށް ބަލައި، ދައުލަތުގެ މަންފާ އިސްކުރުން މުހިންމެވެ.

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

ރައްޔިތުންގެ 'އިހުތިރާމު އަތުލުމުގެ' މަޝްރޫއު

ރާއްޖޭގައި އަހުލާގާއި އިހުތިރާމު ކުރުމުގެ ސިފަ އާލާކުރުމަށްޓަކައި، ރައީސް މުއިއްޒު ވަނީ ފަސް އަހަރު ދުވަހުގެ ގައުމީ ކެމްޕޭނެއް ރަސްމީކޮށް އިފްތިތާހުކޮށްދެއްވާފަ. މި ކެމްޕޭނަކީ ދުނިޔޭގެ ބައެއް ޑިކްޓޭޓަރުން ރައްޔިތުންގެ އަހުލާގު ބައްޓަންކުރަން ހިންގި ފަދަ ހަރަކާތްތަކާ އެއްގޮތް ކަމެއް.

Newsletter

Get the latest news delivered straight to your inbox