ޓީސީ ބަލިކޮށް އީގަލްސް އިން ފުރުސަތުގެ ބޭނުންހިފައިފި

Nov 19, 2023, 5:22 PM
ޓީސީ ކޮޅަށް ގޯލު ޖެހުމަށްފަހު ކުލަބު އީގަލްސް ގެ އިބްރާހިމް މަހުދީ އާއި އަހުމަދު ރިޒުވާން އުފާފާޅުކުރަނީ - ފޮޓޯ: އަބްދުﷲ އިޔާން/އަދަދު

ޓީސީ ކޮޅަށް ގޯލު ޖެހުމަށްފަހު ކުލަބު އީގަލްސް ގެ އިބްރާހިމް މަހުދީ އާއި އަހުމަދު ރިޒުވާން އުފާފާޅުކުރަނީ - ފޮޓޯ: އަބްދުﷲ އިޔާން/އަދަދު

އެމްޑަބްލިއުއެސްސީ ދިވެހި ޕްރިމިއާ ލީގުގައި މިއަދު ހަވީރު ޓީސީ ސްޕޯޓްސް ކްލަބް އަތުން 2-1 އިން މޮޅުވެ، ކްލަބް އީގަލްސް އިން ލީގުގެ ކުރީގައި ލީޑުނަގައި، ފުރުސަތުގެ ބޭނުންހިފައިފި އެވެ.

ޓީސީ އަތުން ހޯދި ތިން ޕޮއިންޓާ އެކު އީގަލްސްއަށް ލީގުގެ އެއް ވަނައިގައި ވަނީ ހަތް ޕޮއިންޓްގެ ލީޑެއް ލިބިފަ އެވެ. ކުޅުނު 11 މެޗުގެ ތެރެއިން ނުވަ މެޗުން މޮޅުވެ އީގަލްސް އިން ވަނީ 29 ޕޮއިންޓް ހަމަކޮށްފަ އެވެ. ދެ މެޗު މަދުން ކުޅުނު މާޒިޔާ ދެ ވަނައިގައި އޮތީ 25 ޕޮއިންޓާ އެކުގަ އެވެ.

މިއަދު ހަވީރު ކުޅުނު މެޗު ފަށައިގެން ދެ ޓީމުން ވެސް ދިޔައީ ހަމަހަމަކޮށް ކުޅެމުންނެވެ. ފުރަތަމަ ހުސް ފުރުސަތެއް ހޯދީ އީގަލްސް އިންނެވެ. އީގަލްސްގެ އޭރިއާ ތެރެއިން ލިބުނު ބޯޅައެއް ހޯދައިގެން ހިސާމް ސަލީމް ފޮނުވާލި ހަމަލާ ކީޕަރު ސުޖަން ޕެރޭރާ ވަނީ ދިފާއުކޮށްފަ އެވެ. އޭގެ މިނެޓެއް ފަހުން އަހުމަދު ރިޒުވާން (ރިޒޭ) ގޯލެއް ޖެހި އެވެ. އަހުމަދު ހަސަން (އައްމަޑޭ) އާއި މިލޮވާން ޕެޓްކޮވިޗްގެ ރަނގަޅު ޕާސްތަކަކަށްފަހު ރިޒޭއަށް ބޯޅަ ލިބުނުއިރު އޭނާ ހުރީ އޮފްސައިޑްގަ އެވެ.

ފުރަތަމަ ހާފުގައި ޓީސީއިން ފޮނުވާލި އެންމެ ނުރައްކާތެރި ހަމަލާގެ ހުރަހަކަށްވީ ކީޕަރު މުހައްމަދު ޝަފީއު (ޗެކް) އެވެ. އަހުމަދު ސާމިއު ފޮނުވާލި ހަމަލާ ގޯލުގެ މަތީ ކަނަށް ވަންނަން ދަނިކޮށް ޝަފީއު ވަނީ އެ ބޯޅަ ދިފާއުކޮށްފަ އެވެ. ޝަފީއު ދިފާއުކުރި ބޯޅައާ އެކު ކައުންޓާ އެޓޭކުގައި ގޮސް އީގަލްސް އިން ނުރައްކާތެރި ހަމަލާއެއް އުފެއްދި އެވެ. މި ފަހަރު ރިޒޭ ހުސްކޮށް ހުރެ ފޮނުވާލި ބޯޅަ ދިޔައީ ގޯލާ އަމާޒުނުވެ އަރިމަތިން ބޭރަށެވެ.

މެޗުގެ 36 ވަނަ މިނެޓުގައިވެސް ގޯލެއް ޖަހާނެ ރަނގަޅު ފުރުސަތެއް ރިޒޭ އަށް ލިބުނެވެ. އަރިމަތިން ލިބުނު ހިލޭ ޖެހުމެއްގައި ޕެޓްކޮވިޗް ނަގައިދިން ހުރަސް ހުސްކޮށް ހުރެ ރިޒޭ ފޮނުވާލުމުން ދިޔައީ ކީޕަރު ސުޖަން އަތަށެވެ.

އީގަލްސްއިން ލީޑު ނެގީ މެޗުގެ 39 ވަނަ މިނެޓުގަ އެވެ. މިއީ އެޓީމަށް ލިބުނު ކޯނަރަކުން ހުރަސްކުރި ބޯޅަ ޓީސީގެ ކުޅުންތެރިންނަށް ދިފާއު ނުކުރެވިގެން އުޅެނިކޮށް އޭރިއާ ރޮނގުމަތީގައި ކަހަލަ ގޮތަކަށް ހުރެ އިބްރާހިމް މަހުދީ ހުސައިން (ފޭދޫ އިއްބެ) ހުރެ ފޮނުވާލި ހަމަލާއަކުން ޖެހި ގޯލެކެވެ. ޕެޓްކޮވިޗް ޖައްސާލި ބޯޅަ ފޭދޫ އިއްބެ ފޮނުވާލުމުން އަމާޒުވީ ގޯލުގެ މަތީ ދާގަނޑަށެވެ.

ފުރަތަމަ ހާފު ނިންމާލީވެސް އީގަލްސް އިން ނުރައްކާތެރި ހަމަލާއެއް ފޮނުވާލައިގެންނެވެ. މި ފަހަރު އޭރިއާގެ އަރިމަތީގައި ހުރެފައި ރިޒޭ ފޮނުވާލި ހަމަލާ އަމާޒުވީ ގޯލުގެ އަރިމަތީ ދަނޑިއަށެވެ.

އީގަލްސްގެ ފޭދޫ އިއްބެ (ވ) ޓީސީގެ ކުޅުންތެރިއަކު ކައިރިން ބޯޅަ ހިފައިގެންދަނީ،.--- ފޮޓޯ: އަބްދުﷲ އިޔާން/ އަދަދު

ދެ ވަނަ ހާފު ފެށިގޮތަށް ޓީސީ އަށް ނަތީޖާ ހަމަހަަމަކުރުމަށް ރަނގަޅު ފުރުސަތެއް ލިބުނެވެ. ކައުންޓާ އެޓޭކުގައި ޒަޔާން ނަސީރު އަށް ލިބުނު ފުރުސަތުގައި އޭނާ ފޮނުވާލި ބޯޅަ ދިފާއުކުރީ ފަހަތުން އައި ޑިފެންޑަރު ހިސާމް ސަލީމް (ކޮކީ) އެވެ. ޓީސީ އިން ނަތީޖާ ހަމަހަމަކުރީ މެޗުގެ 54 ވަނަ މިނެޓުގަ އެވެ. ހަމްދޫން އަބްދުއްލަތީފް އޭރިއާ ތެރެއަށް ނެގި ނުރައްކާތެރި ހުރަސް ގޯލަށް ވަައްދާލީ ޒަޔާން އެވެ.

ޓީސީގެ ގޯލަށް ފަހު ފުލުފުލުގައި އީގަލްސް އިން ފުރުސަތުތައް ހޯދި އެވެ. އެ ގޮތުން މުޅިން ހުސްކޮށް ހުރެ އިސްމާއިލް އީސަ (މެސީ) ފޮނުވާލި ހަމަލާ ކީޕަރު ސުޖަން ދީފާއުކުރިއިރު، ރިޒޭ އަށް ލިބުނު ބޯޅަ ގޯލަށް ވައްދާލުމުގެ ކުރިން ފަހަތުން އައި ޑިފެންޑަރު އެބޯޅަ ދިފާއުކުރި އެވެ.

ހުސް ފުރުސަތެއް ގެއްލުވާލި ނަމަވެސް މެޗުގެ 67 ވަނަ މިނެޓުގައި އީގަލްސް އިން ދެ ވަނަ ފަހަރަށް މެޗުގެ ލީޑު ނެގި އެވެ. އިސްމާއިލް އީސަ އަށް ލިބުނު ބޯޅައަކާ އެކު އޭރިއާ ތެރެއަށް ވަދެ ނެގި ހުރަސް ގޯލަށް ވައްދާލީ ކުޑަ އޭރިއާ ތެރޭގައި ހުސްކޮށްހުރި ރިޒޭ އެވެ.

ކުރިއަށް ޖެހިލައިގެން ޓީސީ ކުޅެމުންދިޔުމުގެ ނަތީޖާއަކަށްވީ އެ ޓީމަށް މެޗުގެ 82 ވަނަ މިނެޓުގައި ޕެނަލްޓީއެއް ލިބުމެވެ. މިއީ ހަމްދޫން އަބްދުއްލަތީފް އަށް ކުރި ފައުލަކަށް ރެފްރީ ދިން ޕެނަލްޓީއެކެވެ. އަހުނަފް މުހައްމަދު ތަސްނީމް (ނަފްކޮ) ފޮނުވާލި ޕެނަލްޓީ އަމާޒުވީ ގޯލުގެ ހުރަސް ދަނޑިއަށެވެ.

ލީގުގައި މިރޭ ކުޅޭ މެޗުގައި އެންމެ ފަހުގެ ޗެމްޕިއަން، މާޒިޔާ ނުކުންނާނީ ޔުނައިޓެޑް ވިކްޓްރީ (ޔޫވީ)އާ ދެކޮޅަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox