އާރްޓީއެލް އާއެކު ރައްޔިތުންނަށް ބޮޑު ލުޔެއް; 68 ޕަސެންޓު މީހުން ދަތުރުކުރަނީ ސިއްހީ ބޭނުންތަކަށް

އާރްޓީއެލް ފެރީ -- ފޮޓޯ: މިރާޝް ނާޝިމް/އަދަދު

އާރްޓީއެލް ފެރީ -- ފޮޓޯ: މިރާޝް ނާޝިމް/އަދަދު

ރާއްޖެ ޓްރާންސްޕޯޓް ލިންކް (އާރްޓީއެލް) ގެ ފެރީތަކުގައި ދަތުރުކުރާ 68 ޕަސެންޓު މީހުން ދަތުރުކުރަނީ ސިއްހީ ބޭނުންތަކަށް ކަމަށް ޕްލޭނިން މިނިސްޓްރީން ކުރިއަށްގެންދިޔަ ދިރާސާއަކުން ދައްކައިފި އެވެ.

މި ދިރާސާ ކުރިއަށްގެންދިޔައީ ހއ. ހދ އަދި ށ. އަތޮޅުގެ ރައްޔިތުންގެ މެދުގަ އެވެ. އޭގައި ވަނީ އާރްޓީއެލްގެ ސަބަބުން މުޖުތަމައުއަށް އިގުތިސާދީ އަދި އިޖުތިމާއީ ގޮތުން ކުރަމުންދާ އަސަރުތައް ދެނެގަނެފަ އެވެ. އޭގެ ހޯދުންތަކުން އެނގޭ ގޮތުގައި އާރްޓީއެލް ހިދުމަތް ބޭނުންކުރާ ގިނަ މީހުންނަކީ ސިއްހީ ފަރުވާ ހޯދުމަށް އެހެން ރަށްތަކަށް ދަތުރުކުރާ މީހުންނެވެ.

އެގޮތުން, އާރްޓީއެލް ފެރީގެ ނިޒާމާއެކު ސިއްހީ ހިދުމަތް ހޯދުމަށް ފަސޭހަވެއްޖެކަ މަށް މި ތިން އަތޮޅުގެ 94 ޕަސެންޓު މީހުން ގަބޫލުކުރާ ކަމަށް މި ދިރާސާއިން ދައްކަ އެވެ. އަދި ފެރީތަކުގައި ދަތުރުކުރާ 68 ޕަސެންޓު މީހުން ދަތުރުކުރަނީ ވެސް ސިއްހީ ހިދުމަތް ހޯދުމަށެވެ. އެންމެ ގިނައިން މީހުން ދަތުރުކޮށްފައިވާ ރަށުގެ ގޮތުގައި ފާހަގަކޮށްފައިވަނީ ކުޅުދުއްފުށި ސިޓީ އެވެ.

Advertisement

ސިއްހީ ހިދުމަތުގެ އިތުރުން ޗުއްޓީ އަދި ކައިރި ރަށްތަކުގައި ދިރިއުޅޭ އާއިލާގެ މީހުންނަށް ޒިޔާރާތްކުރުމަށް ދަތުރުކުރުމަށް ވެސް މި ތިން އަތޮޅުތަކުގެ މީހުން އާރްޓީއެލް ފެރީގެ ހިދުމަތް ބޭނުންކުރެ އެވެ.

ދިރާސާއިން ދައްކާ ގޮތުގައި ފާއިތުވެދިޔަ ތިން މަހުގެ ތެރޭގައި މި ތިން އަތޮޅުގައި ދަތުރުކުރުމަށް އެންމެ ގިނައިން ބޭނުންކޮށްފައިވަނީ އާރްޓީއެލް ފެރީ އެވެ. އެގޮތުން 83 ޕަސެންޓު މީހުން ބޭނުންކުރީ ފެރީގެ ހިދުމަތެވެ.

މިދިޔަ ތިން މަހު ހދ.، ހއ. އަދި ށ. އަތޮޅުގައި ދަތުރުކުރަން ބޭނުންކުރި ވަސީލަތްތައް

  • އަމިއްލަ އުޅަނދު: 2 ޕަސެންޓު
  • ދޯނި އަދި ދިންގީ ކުއްޔަށް ނަގައިގެން: 6 ޕަސެންޓު
  • ކާގޯ ފެރީ: 6 ޕަސެންޓު
  • ލޯންޗު ކުއްޔަށް ނަގައިގެން: 11 ޕަސެންޓު
  • ފެރީ ކުއްޔަށް ނަގައިގެން: 12 ޕަސެންޓު
  • އާރްޓީއެލް ފެރީ: 83 ޕަސެންޓު
  • ދަތުރުނުކުރާ މީހުން: 7 ޕަސެންޓު

މީގެ އިތުރުން އާރްޓީއެލް ފެރީގެ ހިދުމަތާއެކު މި ތިން އަތޮޅުގެ ގޭބީސީތަކުން އެއް ރަށުން އަނެއް ރަށަށް ދަތުރުކުރުމަށް ކުރާ ހަރަދު ދަށް ވެފައިވާކަން މި ދިރާސާގައި ވަނީ ފާހަގަކޮށްފަ އެވެ. އެގޮތުން ކޮންމެ ގޭބީސީއަކުން މަހަކު އެވަރެޖްކޮށް 800ރ. ސަލާމަތްކުރެވޭނެ އެވެ. އަހަރަކަށް ބަލާނަމަ މި އަދަދު 9،600ރ. އަށް އަރަ އެވެ.

އާރްޓިއެލް ފެރީގެ ހިދުމަތް މިހާރު ފަށާފައި ވަނީ އެންމެ ރާއްޖޭގެ އެންމެ އުތުރުން ހއ. އަދި ހދ. އަތޮޅާއި ށ. އަތޮޅާއި ޅ. އަތޮޅުގެ އިތުރުން ދެކުނުން ގއ. އަތޮޅާއި، ގދ. އަތޮޅުގެ އިތުރުން ފުވައްމުލައް އަދި އައްޑު ސިޓީގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox