ދާއިރާގެ މެމްބަަރުގެ ގޮތުގައި ނަޝީދު "ގަދަކޮށް"، ފުރަތަމަ ވެސް "ނިޒާމީ ނުކުތާއެއް"!

ރައްޔިތުންގެ މަޖިލީހުގެ ކުރީގެ ރަައީސް މުހައްމަދު ނަޝީދު ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަފުޅު ދައްކަވަނީ.

ރައްޔިތުންގެ މަޖިލީހުގެ ކުރީގެ ރަައީސް މުހައްމަދު ނަޝީދު ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަފުޅު ދައްކަވަނީ.

ރައްޔިތުންގެ މަޖިލީހުގެ ރައީސް ކަމުން އިއްޔެ އިސްތިއުފާ ދެއްވުމަށް ފަހު، ކުރީގެ ރައީސް މުހައްމަދު ނަޝީދު ވަޑައިގެން މައްޗަންގޮޅި މެދު ދާއިރާގެ ގޮނޑީގައި އިއްޔެ އިށީނދެ ވަޑައިގެން އިންނެވީ ވަރަށް މަޑުމައިތިރިކަމާ އެކުގަ އެވެ.

އެއީ މަޖިލީހުގައި އިއްޔެ ބޭއްވި ތިން ވަނަ ޖަލްސާ އެވެ. ނަޝީދު ވަޑަައިގެން ދާއިރާގެ ގޮނޑީގައި އިށީންނެވުމާ އެކު ރިޔާސަތުން މަރަދޫ ދާއިރާގެ އެމްޑީޕީ މެމްބަރު އިބްރާހީމް އިއުލާނުކުރެއްވީ މަޖިލީހުގެ ރައީސްކަމުން އެމަނިކުފާނު އިސްތިއުފާ ދެއްވި ކަމެވެ. އިސްތިއުފާގެ ސިޓީ އިއްވުމަށް ފަހު ޝަރީފު އެދިވަޑައިގެންނެވީ އެއީ ސައްހަ ސިޓީއެއްކަން ނޫންކަން ނަޝީދު ވިދާޅުވެެދެއްވުމަށެވެ. އެ ވާހަކައަށް "އާދެ އާދެ" ވިދާޅުވުން ފިޔަވާ އިތުރު ވާހަކަފުޅެއް ނަޝީދު ވިދާޅެއް ނުވެ އެވެ.

ނަޝީދުގެ އިސްތިއުފާ އިއުލާނުކުރި ޖަލްސާއަށް ފަހު މަޖިލީހުގެ ޖަލްސާއަަކަށް އެމަނިކުފާނު ވަޑައިގެންނެވީ މިއަދު އެވެ. އަންނަ އަހަރަށް ލަފާކުރާ ދައުަލަތުގެ ބަުޖެޓާއި މިއަހަރުގެ ބާކީ ބަޔަށް ހުށަހަޅާ ސަޕްލިމެންޓްރީ ބަޖެޓް ހުށަހެޅުން އެޖެންޑާކޮށް ފެށި އެ ޖަލްސާގައި ނަޝީދު ފުރަތަމަ ފުރުސަތެއް ހޯއްދެވީ "ނިޒާމާ ބެހޭ މައްސަލައެއް" އޮތް ކަމަށް ވިދާޅުވަމުންނެވެ.

Advertisement

ނިޒާމާ ބެހޭ މައްސަލައެއްގެ ގޮތުގައި އެމަނިކުފާނު ހުށަހެޅުއްވީ ފިނޭންސް މިނިސްޓަރު އިބްރާހީމް އަމީރު ގާނޫނާ ހިލާފުވެފައިވާ ކަމަށް ކުރައްވާ ތުހުމަތެކެވެ.

"މާލީ ވަޒީރު މިތަނަށް ވަޑައިގެން އެ އިންނެވީ ކުށުގެ ތުހުމަތުގައި އިންނަވައިގެން. އިއްޒަތްތެެރި ރައީސަށް އެނގިވަޑައިގަންނަވާނެ މި ރައްޔިތުންގެ މަޖިލީހަށް ބަޖެޓް ހުށަހެޅުމަށް، މާލިއްޔަތު ގާނޫނު ވަރަށް ސާފުކޮށް ބަޔާންކުރޭ އެކަން ކުރާންވީ ދުވަސްތައް،" ނަޝީދު ވިދާޅުވި އެވެ.

އެ ތުހުމަތުގައި މާލީވަޒީރު އިބްރާހީމް އަމީރުގެ މައްސަލަ ޝަރީއަތަށް ހުށަހަޅަން ޖެހޭނެ ކަމަށް ވެސް އެމަނިކުފާނު ވިދާޅުވި އެވެ.

ނަޝީދު އެ އިޝާރާތް ކުރެއްވީ ބަޖެޓް ހުށަހަަޅަން ފުރަތަމަ އެޖެންޑާކުރި ޖަލްސާއަށް އަމީރު ވަޑައިނުގަތް ނުގަތުމަށެވެ. އޭރު ބަޖެޓް ހުށަހަަޅުއްވަން ވަޑައިނުގަންނަވަން ވަޑައިނުގެންނެވީ މަޖިލީހުގެ ރައީސްކަމުން ނަޝީދު ވަކިކުރަން ހުށަހެޅި މައްސަަލައިގެ ނޯޓިސް ހަމަވެފައި އޮތުމުންނެވެ.

އެމަނިކުފާނުގެ އިތުރުން ދަ ޑިމޮކްރެޓްސްގެ އެހެން ބައެއް މެމްބަރުން ވެސް ނިޒާމީ ނުކުތާއެއްގެ ގޮތުގައި ހަމަ އެނުކުތާ ފާހަގަ ކުރެއްވި އެވެ.

މަޖިލީހުގެ ރައީސްކަމުން ނަޝީދު އިސްތިއުފާ ދެއްވިކަން އިއުލާނުކުރި ޖަލްސާގައި އެމަނިކުފާނު އިންނެ އިރު ފެނުނީ މާޔޫސްކަމާއި ނުތަނަވަސްކަމެވެ. ދެން އޮންނަ ޖަލްސާއަކަށް ވަޑައިގެންފާނެ ބާއޭ ހިތަށް އަރާ ކަހަލަ ގޮތަކަށެވެ.

ނެންގެވި ނުކުތާ އަކީ ހަގީގަތުގައި ނިޒާމާ ބެހޭ ނުކުތާއަކަށް ނުވެދާނެ އެވެ. އެކަމަކު މިއަދުގެ ޖަލްސާއިން އެމަނިކުފާނު ފެނުނީ ގަދަކޮށެވެ. ފެނިގެން ދިޔައީ އިދިކޮޅު ސިޔާސީ ލީޑަރެއްގެ ގޮތުގައި ހަރު އަޑުން މައްސަލަތައް ނަންގަވައި، ރިޔާސަތަށް ގޮންޖައްސަވާ މެމްބަރެއްގެ ގޮތުގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox