ކޮވިޑުގެ ހާލަތުން ރާއްޖޭގެ ފަތުރުވެރިކަން އަރައިގަތް ގޮތާ ބެހޭ ޑޮކިއުމެންޓަރީއެއް

ކޮވިޑު ތެރޭ ވެލާނާ އިންޓަނޭޝަނަލް އެއާޕޯޓަށް އައި ފަތުރުވެރިންތަކެއް : މިހާރު ރާއްޖެ އަންނަ ފަތުރުވެރިންގެ އަދަދު ކޮވިޑުގެ ކުރީގެ އަދަދުތަކަށްވުރެ ރަނގަޅު - ފޮޓޯ: އަބްދުﷲ އިޔާން / އަދަދު

ކޮވިޑު ތެރޭ ވެލާނާ އިންޓަނޭޝަނަލް އެއާޕޯޓަށް އައި ފަތުރުވެރިންތަކެއް : މިހާރު ރާއްޖެ އަންނަ ފަތުރުވެރިންގެ އަދަދު ކޮވިޑުގެ ކުރީގެ އަދަދުތަކަށްވުރެ ރަނގަޅު - ފޮޓޯ: އަބްދުﷲ އިޔާން / އަދަދު

ކޮވިޑުގެ ބަލިމަޑުކަމުގެ ސަބަބުން ރާއްޖޭގެ ފަތުރުވެރިކަމަށް ކުރިމަތިވި ގޮންޖެހުންތަކުން އަރައިގަތް ގޮތާ ބެހޭގޮތުން ހަދާފައިވާ ޑޮކިއުމެންޓަރީއެއްގެ ޓްރެއިލާ ޓޫރިޒަމް މިނިސްޓްރީން އާންމުކޮށްފި އެވެ.

އެ މިނިސްޓްރީގެ ރަސްމީ މީޑިއާ އެކައުންޓުތަކުން ޕޯސްޓުކުރި މިނެޓެއްހާ ދިގުމިނުގެ މި ޓްރެއިލާގައި ރާއްޖޭގައި ކޮވިޑު ކޮންޓްރޯލު ކުރުމަށް މަސައްކަތް ކުރެއްވި އިސް ބައެއް ފަރާތްތަކުގެ މަންޒަރުތައް ފެނެ އެވެ.

އެގޮތުން ހެލްތު މިނިސްޓަރު އަހުމަދު ނަސީމު، ފޮރިން މިނިސްޓަރު އަބްދުﷲ ޝާހިދު އަދި އޭރު ގާއިމުކުރެވުނު އެމަޖެންސީ އޮޕަރޭޝަން ސެންޓަރ (އެޗްއީއޯސީ) ގެ ތަރުޖަމާނު ޑރ. ނަޒްލާ ރަފީގު ފަދަ ފަރާތްތަކާއި ފަތުރުވެރިކަމުގެ ދާއިރާގެ އިސް ފަރާތްތައް ވެސް ފެނިގެންދެ އެވެ.

ޓްރެއިލާގައި ފެންނަ މަންޒަރުގައި މިނިސްޓަރު ޝާހިދު ވިދާޅުވީ ކޮވިޑުގައި ދިމާވި އެންމެ ބޮޑު ގޮންޖެހުމަކަށްވީ މުޅި ދުނިޔެ ފުރަބަންދަކަށް ދިއުން ކަމަށެވެ.

ޓޫރިޒަމް މިނިސްޓްރީން ބުނި ގޮތުގައި މި ޑޮކިއުމެންޓަރީ އާންމުކޮށް ދެއްކުމަށް ހަމަޖެހިފައިވަނީ ބުދަ ދުވަހުގެ ރޭ 10:15 ގައި ކަމަށެވެ.

ރައީސް އިބްރާހިމް މުހައްމަދު ސޯލިހު، އެމަނިކުފާނުގެ ވަދާއީ ތަގުދީރުގައިވެސް ވަނީ ކޮވިޑުން އަރައިގަތުން ވެގެންދިޔައީ އެމަނިކުފާނުގެ ވެރިކަމުގެ އެންމެ ބޮޑު އެއް ކާމިޔާބީ ކަމުގައި ވިދާޅުވެފަ އެވެ.

"ކޮވިޑާ ގުޅިގެން އެހެން ގައުމުތަކުގައި ޕައިލެޓުން ތިބެން ޖެހުނީ ގޭގައި. ނަމަވެސް ޕީޕީއީގައި ރާއްޖޭގެ ޕައިލެޓުން ތިބީ ބޭހާ ވެކްސިން އަދި ބަލި މީހުން ގޮވައިގެން ކޮވިޑުގެ ކުރިއަށް ވުރެ އަވަދިނެތި އުދުހުމުގައި. ދޭސީ އެއް ބިދޭސީ އެއް މިކަމުގައި ތަފާތެއް ނުކުރަން،"

"އެންމެ ގިނަ ރޭނިދިން އަޅުގަނޑު މަހުރޫމްވާން މަޖްބޫރުވި ހާލަތަކީ އެއީ. އެހެންނަމަވެސް ﷲ ސުބްހާނަހޫ ވަތައާލާގެ ރަހުމަތްފުޅު ކިތަންމެހާވެސް ތަނަވަސް."

ކޮވިޑާ އެކު ރާއްޖޭގެ ބޯޑަރުތައް ބަންދުކޮށް ރިސޯޓުތައްވެސް ހުއްޓުމަކަށް އަ އެވެ. ރާއްޖޭގައި ފަތުރުވެރިކަން ފެށިތާ މިވީ ފަސް ދަހަރުގެ ތެރޭގައި އަލަށް ރާއްޖެއަށް ފަތުރުވެރިން އައުން ހުއްޓުނެވެ. އެ ބަލީގައި 300 އަށް ވުރެ ގިނަ މީހުން މަރުވި އެވެ.

ނަމަވެސް ސަރުކާރުގެ ނިންމުންތަކާއި ފިޔަވަޅުތަކާއެކު ކޮވިޑުގެ ހާލަތުން އަރައިގަނެ މިހާރު ރާއްޖެ އަންނަ ފަތުރުވެރިންގެ އަދަދު ވަނީ ކޮވިޑުގެ ކުރީގެ ހާލަތު ހުރަސްކޮށް ކުރި އަރާފަ އެވެ. އެގޮތުން ކޮވިޑުގެ ހާލަތުގައި ރައްކާތެރިކަމުގެ ފިޔަވަޅުތަކާއެކު އެންމެ ފުރަތަމަ ބޯޑަރު ހުޅުވި އެއް ގައުމަކަށް ރާއްޖެ ވި އެވެ.

އިމިގްރޭޝަންގެ ތަފާސްހިސާބުތަކުން ދައްކާގޮތުން އޮކްޓޫބަރު މަހުގެ ނިޔަލަށް ރާއްޖެ ޒިޔާރަތްކުރި ޖުމްލަ ފަތުރުވެރިންގެ އަދަދު 1.5 މިލިއަނަށް އަރަ އެވެ. މި އަހަރަށް ސަރުކާރުން ކަނޑައަޅާފައިވާ ލަނޑުދަނޑިއަކީ 1.5 މިލިއަން ފަތުރުވެރިންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox