އެމްޑީޕީން ސުޕްރީމްކޯޓަށް ހުށަހެޅި މައްސަލައަށް ޕާޓީގެ ފަރާތުން ތަދައްހުލްވާން ޑިމޮކްރެޓްސްގެ ކައުންސިލުން ނިންމައިފި

މަޖިލީހުގެ ރައީސް މުހައްމަދު ނަޝީދު އަދި ޑިމޮކްރެޓްސްގެ ލީޑަޝިޕުގެ ބައެއް ފަރާތްތައް : އެމްޑީޕީން ސުޕްރީމްކޯޓަށް ހުށަހެޅި މައްސަލައަށް ޕާޓީގެ ފަރާތުން ތަދައްހުލްވާން އެ ޑިމޮކްރެޓްސްގެ ކައުންސިލުން ނިންމައިފި - ފޮޓޯ: މިރާޝް ނާޝިމް / އަދަދު

މަޖިލީހުގެ ރައީސް މުހައްމަދު ނަޝީދު އަދި ޑިމޮކްރެޓްސްގެ ލީޑަޝިޕުގެ ބައެއް ފަރާތްތައް : އެމްޑީޕީން ސުޕްރީމްކޯޓަށް ހުށަހެޅި މައްސަލައަށް ޕާޓީގެ ފަރާތުން ތަދައްހުލްވާން އެ ޑިމޮކްރެޓްސްގެ ކައުންސިލުން ނިންމައިފި - ފޮޓޯ: މިރާޝް ނާޝިމް / އަދަދު

ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތް މައްސަލަ ކުރިއަށް ނުދާތީ، އެމްޑީޕިން ސުޕްރީމް ކޯޓަށް ހުށަހަޅާފައިވާ ދުސްތޫރީ މައްސަލައިގެ ތެރެއަށް ޕާޓީގެ ފަރާތުން ތަދައްހުލް ވުމަށް ދަ ޑިމޮކްރެޓްސް ޕާޓީގެ އިންޓެރިމް ކައުންސިލުން ނިންމައިފި އެވެ.

އެގޮތަށް ނިންމާފައިވަނީ މިއަދު ހަވީރު އެ ޕާޓީން ކުއްލި ގޮތަކަށް ބޭއްވި އިންޓެރިމް ކައުންސިލްގެ ބައްދަލުވުމުގަ އެވެ. "އަދަދު" އަށް މައުލޫމާތު ދެއްވި ކައުންސިލްގެ މެންބަރަކު ވިދާޅުވީ އެގޮތަށް ނިންމަން ފާސްކޮށްފައިވަނީ ބައްދަލުވުމުގައި ބައިވެރި މެންބަރުންގެ ފުރިހަމަ އަގުލަބިއްޔަތުން ކަމަށެވެ.

އެމްޑީޕީއިން ކޯޓަށް ހުށަހެޅި މި މައްސަލައާ ގުޅިގެން ޑިމޮކްރެޓުންގެ ބައެއް މަޖިލިސް މެންބަރުން ވަނީ ވަކި ވަކިން ތަދައްހުލުވުމަށް އެދިފަ އެވެ. ނަމަވެސް، އެ މެންބަރުންނަށް މައްސަލަ ތެރެއަށް ތަދައްހުލް ނުވެވޭނެ ކަން ސުޕްރީމް ކޯޓުން ވަނީ އަންގައިފަ އެވެ.

Advertisement

ސުޕްރީމް ކޯޓުން މިހާރު ވަނީ މި މައްސަލާގައި ފުރަތަމަ އަޑުއެހުން މާދަމާ ހެދުނު 10:00 އަށް ތާވަލުކޮށްފަ އެވެ. މިހާތަނަށް އެމްޑީޕީ އަދި މަޖިލިސް އިދާރާގެ އިތުރުން ޕީޕީއެމް/ޕީއެންސީން މައްސަލައަށް ތަދައްހުލު ވުމަށް އެދި ހުށަހެޅުމުން، ސުޕްރީމް ކޯޓުން ވަނީ އެ ފުރުސަތު ދީފަ އެވެ.

އެމްޑީޕީއިން ކޯޓަށް ދުސްތޫރީ މައްސަލައެއް ހުށަހެޅީ އެ ޕާޓީގެ ރައީސްކަންވެސް ކުރިން ކުރެއްވި ނަޝީދު، މަޖިލީހުގެ ރިޔާސަތުން ވަކިކުރުމަށް އެ ޕާޓީން ހުށަހެޅި ދެވަނަ މައްސަލަ ކުރިއަށް ނުދާ ކަމަށް ބުނެ އެވެ.

މައްސަލަ ތާވަލުކުރި ހަތަރު ދުވަހުވެސް މަޖިލީހުގެ ނައިބު ރައީސް އީވާ އަބްދުﷲ އާލަސްކަންފުޅާ އުޅުއްވާތީ ސަލާމްބުނުމުގެ ސަބަބުން ކުރިއަށް ނުގެންދެވުނެވެ. އެއަށްފަހު އީވާ ވަނީ ކޯޓުން މި މައްސަލާގައި ގޮތެއް ނިންމުމުގެ ކުރިން މަޖިލީހުގެ ރިޔާސަތު ބަލަހައްޓަވަން އުޒުރުވެރިވާ ކަމަށް މަޖިލީހަށް އަންގަވާފަ އެވެ.

މަޖިލީހުގެ ގަވާއިދުގެ 205 ވަނަ މާއްދާގެ ބ. ގައި އޮންނަނީ ރައްޔިތުންގެ މަޖިލީހުގެ ރައީސް މަގާމުން ވަކިކުރުމަށް ހުށަހަޅައިފައިވާ މައްސަލައަށް ގޮތެއް ނިންމުމުގެ ޖަލްސާގެ ރިޔާސަތު ބަލަހައްޓަން ޖެހޭނީ ނައިބު ރައީސް ކަމަށެވެ.

ނައިބު ރައީސަށް ރިޔާސަތު ނުބެހެއްޓޭ ހާލަތެއްގައި ވާނެ ގޮތެއް ގަވައިދުގެ 205 ވަނަ މާއްދާގައި ނޯވެ އެވެ. މިދިޔަ ހަފުތާގައި ބާއްވަން މަސައްކަތްކުރި މަޖިލީހުގެ ޖަލްސާތައް ކެންސަލްކޮށްފައިވަނީ އެ ކަމަށް އެކަނި ރިއާޔަތްކުރުމަށްފަހު އެވެ.

މަޖިލީހުގެ ގަވާއިދުގެ 44 ވަނަ މާއްދާގައި، ގާނޫނު އަސާސީގެ 82 ވަނަ މާއްދާގައި ބަޔާންކުރާ ފަދައިން މަޖިލީހުގެ ރައީސް އަދި ނައިބު ރައީސަށް ރިޔާސަތު ނުބެހެއްޓެވޭ ހާލަތްތަކުގައި ރިޔާސަތު ބަލަހައްޓާނެ ބޭފުޅުންތަކެއް ކަނޑައަޅާފައި ބެހެއްޓުމަށް އޮވެ އެވެ.

އެމްޑީޕީން ދެކެނީ އެ މާއްދާގައި އެ ގޮތަށް ބަޔާން ކުރުމުން، ރައްޔިތުންގެ މަޖިލީހުގެ ރައީސްގެ އިތުބާރު ނެތް މައްސަލަތަކުގައި ވެސް އެ ގޮތަށް އަމަލު ކުރެވޭނެ ކަމަށެވެ. އެމްޑީޕީން އެދިފައިވަނީ ވެސް މަޖިލީހުގެ ނިންމުންތަކަކީ ގަވާއިދުގެ 44 ވަނަ މާއްދާއާ ހިފާލު ނިންމުމެއް ކަމަށް ސުޕްރީމް ކޯޓުން ކަނޑައަޅައިދިނުމަށެވެ.

ސުޕްރީމް ކޯޓުގައި ރައްޔިތުންގެ މަޖިލިސް ތަމްސީލްކުރާނީ އެޓާނީ ޖެނެރަލްގެ އޮފީހުންނެވެ. އެޓާނީ ޖެނެރަލް އިބްރާހިމް ރިފްއަތު ވަނީ، ފިނޭންސް މިނިސްޓަރު އިބްރާހިމް އަމީރު ބަޖެޓު ހުށަހެޅިދާނެ ކަމާ މެދު އުފެދޭ ސުވާލަށް ޖަވާބު ދެއްވަމުން މަޖިލީހުގެ ނިންމުމާ ދެކޮޅަށް ލަފާ ދެއްވައިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox